Ŵeruzgi 1:29 - Tonga Bible 1986

²⁹ Ndipo Efraimu kuti wanguŵadikiskamo cha ŵaKanani wo ŵajanga mu Gezere, ŵanguja mu Gezere mukati mwawo.

Ŵeruzgi 1:29 ပူးပေါင်းရင်းမြစ်များ

1 ŴaKaronga 9:15

Ndipo uku ndiku kukokhoska kwa ŵanthitu ŵakuchichizgika wo karonga Solomoni wangulembela kuzenga nyumba ya Ambuya ndi nyumba ya mwenecho ndi Milo ndi linga la Yerusalemu ndi Hazoro ndi Megido ndi Gezeri.

1 ŴaKaronga 9:16

(Farao karonga wa Egipiti wangukwera, wangukwamphuwa Gezeri ndi wanguwocha ndi moto, wangubaya ŵaKanani wo ŵajanga mu msumba wuwa, ndipo wanguwupaska nge nchimaru ku mwana wake munthukazi, muwoli waku Solomoni;

Yoswa 10:33

Ndipo Horamu karonga wa Gezere wangukwera kwachovya Lakishi; kweni Yoswa wangumukoso ndi ŵanthu ŵake, pengavi yumoza wakusiyika.

Yoswa 16:10

Ndipuuli kuti ŵanguŵadikiskamo ŵaKanani ŵakuja mu Gezere cha; viyo ŵaKanani ŵakuja mukati mu ŵaEfraimu mpaka ku zuŵa line, kweni ŵaŵa ŵaŵanda ŵakuchita nchitu yakuchichizgika.

Ŵeruzgi 1:28

Penipo ŵaYisraele ŵangukuwa munthazi ŵanguŵika ŵaKanani ku nchitu yakuchichizgika, kweni kuti ŵanguŵadikiskamo wose cha.

Ŵeruzgi 1:30

Zebuluni kuti wangudikiskamo cha ŵakuja mu Kitroni, pamwenga ŵakuja mu Nahalolu; kweni ŵaKanani ŵajanga mukati mwawo, ndipo ŵanguŵeteke ku nchitu yakuchichizgika.