Ŵeruzgi 1:20 - Tonga Bible 1986

²⁰ Ndipo Hebroni wanguperekeka kwaku Kalebu, uli ndimo Mosese wangukambiya; ndipo wangudikiskamo ŵana ŵanthurumi ŵatatu ŵaku Anaki.

Ŵeruzgi 1:20 ပူးပေါင်းရင်းမြစ်များ

Maŵerengedu 13:22

Ndipo ŵangufika ku charu chaku mwela, ŵangufika ku Hebroni; kweniko ŵenga Ahimana, Sesai, ndi Talmai ŵa mphapu yaku Anaka. (Hebroni wanguzengeka virimika vinkhonde ndi viŵi wenga wandazengeke Zoani mu Egipiti).

Maŵerengedu 14:24

Kweni mteŵeti wangu Kalebe, chifukwa wendi mzimu unyake ndipo wandilondo ine kwakufikapo, iyo nkhamutoliyanga mu charu cho wanguyamo, ndipo mphapu yake yikachiharanga.

Marangu 1:36

Kweni Kalebe mwana waku Yefune wachiwonenge; ndipo ndimupaskenge charu cho wakandapo iyo ndi ŵana ŵake, chifukwa walondo Ambuya kwakufikapo!’

Yoswa 10:36

Kutuwa ku Egloni, Yoswa wangukwere ku Hebroni pamoza ndi Yisraele yose; wanguwupasuwa,

Yoswa 11:21

Ndipo Yoswa wanguza pa nyengo yeniyiya, wangupasuwa ŵaAnaki mu charu cha mitunthu, mu Hebroni mu Debiri, mu Anaba, ndi mu charu chose cha mitunthu yaku Yuda, ndi mitunthu yaku Yisraele; Yoswa wanguparghang'a wose pamoza ndi misumba yawo.

Yoswa 14:15

kweni zina laku Hebroni pa kudanga lenga Kiriata-arba; uyu Arba wenga chinkhara chakuruska mukati mu ŵina Anakimi. Ndipo charu chingupumuwa ku nkhondo.

Ŵeruzgi 1:10

Ndipo yuda wanguruta kwachimikana ndi ŵaKanani wo ŵajanga mu Hebroni zina la Hebroni kale lenga Kiriata-arba, ndipo wanguthereska Sheshai, Ahimani ndi Talmai.