Ŵeruzgi 1:18 - Tonga Bible 1986

¹⁸ Yuda wangupoka so Gaza ndi charu chake, Ashikeloni ndi charu chake, ndi Ekroni ndi charu chake.

Ŵeruzgi 1:18 ပူးပေါင်းရင်းမြစ်များ

1 ŴaKaronga 4:24

Pakuti wenga ndi muwusu pa chigaŵa chose cha kuzambwe kwa Efrate kutuwa ku Tifisa mpaka ku Gaza, pa ŵakaronga wose kuzambwe kwa Efrate; ndipo wenga ndi chimangu mu vigaŵa vyose vyakumuzunguliya.

Chituwa 23:31

Ndipo ndikamikanga mphaka zinu kwamba ku Nyanja Yiyera kuya ku Nyanja ya ŵaFilisti, kwamba ku bozwa kuya ku Efrate pakuti ndikaperekanga ŵakuja mu charu cho mu janja linu, ndipo imwe mukaŵadikiskanga paurongo pinu.

Yeremiya 25:20

ŵalendo wose mukati mwawo; ŵakaronga wose ŵa charu cha Uzi ndi ŵakaronga ŵa charu cha ŵaFilisti (Ashikeloni, Gaza, Ekroni, ndi ŵakujako ŵa Ashidodi);

Yeremiya 47:5

Phala laza paku Gaza, Ashikeloni wamara. Mwaŵakusiyikamo ŵa Anakimu mwe, mpaka zuŵanji mukajitemanga?

Marangu 2:23

ŴaAvimi nawo ŵajanja mu mizi mpaka ku Gaza, kweni ŵanthu ŵakutuwa ku Kafatori wo ŵanguŵaparghang'a ndi kuzenga mu malo ghawo.)

Yoswa 11:22

Pengavi wakujapo wa ŵaAnakimu mu charu cha ŵaYisraele; kweni mu Gaza, mu Gata, ndi mu Ashidodi, ndimu ŵanyake ŵangujamo.

Yoswa 13:3

(kutuwa ku Shihono, ko nkhuvuma kwa Egipiti kurata ku nkhonde ku mphaka ya Ekroni wo uziŵikwa nge ndi Kanani; kwe ŵeruzgi ŵankhonde ŵa ŵaFilisti, wo ŵaku Gaza, Ashidodi, Ashikeloni, Gata, ndi Ekroni), ndi wo ŵaku Avimu,

Yoswa 15:11

yituwa ndi kufika ku mtunthu waku nkhonde ku Ekroni, po mphaka yizunguliya ku Shikeroni, ndi kurutiliya ku phiri Bala, yituwa kurazga ku Yabanele, sono yituza ku chigoti ku nyanja.

Ŵeruzgi 14:19

Ndipo Mzimu wa Ambuya unguza ndi nthazi paku iyo, wanguruta ku Ashikeloni ndi wangubaya ŵanthu machumi ghatatu (30) ŵa msumba wo, wanguto miskowu yawo ndi wangupaska maraya ghapa, dghera kwaku wo ŵangukamba mtharika yiya. Mu ukari wakukole wanguwere ku nyumba ya awiske.

Ŵeruzgi 16:21

ŴaFilisti ŵangumuko ndi ŵangumpokozo maso, ŵanguza nayo ku Gaza, wangumumanga ndi maunyoro gha mkuŵa; ndipo waperanga pa mphe mu nyumba ya ukaidi.

Ŵeruzgi 3:3

Mitundu yose iyi: mafumu ghankhonde gha ŵaFilisti, ndi ŵaKanani wose, ŵaSidoni, ndi ŵaHivi wo ŵajanga pa phiri la Lebanoni, kwamba ku phiri Bala-Hermoni kwachifika pakuserere mu Hamati.

1 Samuele 6:17

Ivi ndi vitupatupa vya golide, vyo ŵaFilisti ŵanguwezge ku Ambuya nge ndi mpasku wa paulakwi: ku Ashidodi chimoza, ku Gaza chimoza, ku Ashikeloni chimoza, ku Gata chimoza, ndiku Ekroni chimoza;