ŴaLevi 9:7 - Tonga Bible 1986

⁷ Sono Mosese wanguti kwaku Aroni, “Ndere kufupi ku jochero, upereke mpasku wako wapa ulakwi ndi mpasku wako wakocha, ujipepeske wamweni ndi ŵanthu wo. Uzi ndimpasku wa ŵanthu kuti uŵachitiye mphepeska; uli ndimo Ambuya akulanguliya.”

ŴaLevi 9:7 ပူးပေါင်းရင်းမြစ်များ

ŴaLevi 16:11

“Aroni wapereke nkhuzi kuŵa sembe yapa ulakwi ndipo wakajipepeskiyanga iyo mweneko ndi nyumba yake, wakabayanga nkhuzi yo kuŵa sembe yapa ulakwi wa mweneko.

ŴaLevi 16:24

Wakasambanga mu maji mu malo ghanyake ghakupaturika, ndi kuvwara vivwaro vya waka, wakatuwanga ndi kupereka sembe yakocha, ya paku iyo mweneko ndi ya ŵanthu, kupepeske pa mweneko ndi ŵanthu.

ŴaLevi 16:6

“Aroni wakaperekanga nkhuzi kuŵa sembe ya ulakwi wapa mweneko, wakajichitiyanga mphepeska iyo mweneko ndi nyumba yake.

ŴaLevi 4:3

asani ndi mzukuru wakupakika mafuta, mweniyo walakwa pakuti watole vyo vyakususkika pa ŵanthu, iku wapereke ku Ambuya kankhuzi kampupuka kambura kalema chifukwa chakulakwa kwake kuŵa mpasku wapa ulakwi.

ŴaLevi 8:34

Milimu ya msana wale ndiyo Ambuya alangula kuti yichitike kumuŵeyereni imwe.

ŴaLevi 9:2

Wanguti kwaku Aroni, “Uto kathole kanthurumi ka mpasku wapa ulakwi, ndi bira wa mpasku wakocha, viŵe vyambura kalema, uvipereke paurongo pa Ambuya.

ŴaHebere 5:1

Chifukwa mzukuru mura yose, wakusankhika mu ŵanthu, waŵikikiya pa chifwa cha ŵanthu mu vinthu vya kuchiri kwaku Chiuta, alinga kuti waperekenge mipasku ndi visopu pa chifwa cha vilakwa.

ŴaHebere 5:3

ndipo chifukwa chenichi watene, uli mpha khamu lo, viyo so paku iyo mweneko, kupereke chifukwa chavilakwa.

ŴaHebere 9:7

kweni mu chachiŵi cho wasere mzukuru mura yo yija, kamoza mu chirimika, wambura ndopa cha, zenizo wapereke pa chifukwa chaku iyo mweneko ndi chifukwa cha maubudi gha khamu lo.

1 Samuele 3:14

Pa chifukwa ichi ndarapa ku nyumba yake Eli kuti uheni wapa nyumba yaku Eli kuti ukatozgekanga ndi sembe pamwenga mpasku cha muyaya.”