ŴaLevi 7:32 - Tonga Bible 1986

³² Ndipo chigha cha ku marghe mukapaskanga ku mzukuru kuŵa mpasku wakutuwa mu vyakupereka vinu vya chimangu;

ŴaLevi 7:32 ပူးပေါင်းရင်းမြစ်များ

Chituwa 29:27

Ndipo mukapatuwanga nganga yo mpasku wa kuzungung'a, ndi chigha cho ncha ŵazukuru, cho chazungung'ika, chenicho nchakupereka kutuliya ku bira yo wakumikiya pakuti nchaku Aroni ndi ŵana ŵake ŵanthurumi.

ŴaLevi 10:14

Kweni nganga yo yazungung'ika ndi chigha cho chaperekeka mukarghiyanga mu malo ghe ghose ghakutozgeka, imwe pamoza ndi ŵana ŵinu ŵanthurumi ndi ŵana ŵinu ŵanthukazi pamoza namwe. Pakuti vyo vyapaskika kuŵa phande linu, ndi phande la ŵana ŵinu, kutuwa ku mipasku ya vyakupereka vya chimangu vya ŵaYisraele.

ŴaLevi 7:33

yo njumoza wa ŵana ŵaku Aroni mweniyo wapereka ndopa za mpasku wa chimangu, ndi mafuta phande lake ndi chigha chaku marghe.

ŴaLevi 7:34

Pakuti nganga yo yazungung'ika, ndi chigha cho chaperekeka ndavironde ku ŵaYisraele, kutuwa ku sembe zawo zakuperekeke chimangu, ndipo ndavipaska kwaku Aroni mzukuru yo ndi ku ŵana ŵake, ŵaYisraele wakaperekanga nyengo zose.

ŴaLevi 9:21

Kweni nganga ndi chigha chaku marghe Aroni wanguzungung'a kuŵa mpasku wakuzungung'a paurongo pa Ambuya; uli ndimo Mosese wangulanguliya.

Maŵerengedu 5:9

Ndipo mpasku wose, vinthu vyose vyakupaturika vya ŵaYisraele, vyo ŵatuza navyo ku mzukuru, vikaŵanga vyake;

Maŵerengedu 6:20

Ndipo mzukuru wakavizungung'anga kuŵa mpasku wakuzungung'a pa maso pa Ambuya; ichi nchakupaturikiya mzukuru, pamoza ndi nganga yo yazungung'ika ndi chigha cho chaperekeka; pavuli paku cho muNaziri wangaziŵa kumwa vinyo.

Marangu 18:3

Ndipo ŵanthu ŵakupereka sembe ya ng'ombe pamwenga mberere, ŵakapaskanga ku mzukuru phewa ndi matama gho ghaŵi ndi chifu.

1 Samuele 9:24

Viyo wakubika wanguto chigha ndi thuŵi la pachanya ndipo wanguviŵika paku Sauli, Samuele wanguti, “Ehe, cho chingusungika chiŵikika paurongo pinu. Rghani; chifukwa chingusungikiya imwe mpaka pa nyengo yakutemeka mwakuti murghe ndi ŵakudanika.” Viyo Sauli wangurgha ndi Samuele zuŵa liya.