ŴaLevi 7:18 - Tonga Bible 1986

¹⁸ Asani nyama yinyake ya sembe ya chimangu yarghika mu zuŵa la chitatu, iyo mweniyo wayipereka kuti wakarondorekanga cha, chingana nkhuti yikamwanduliyanga kanthu cha yikaŵanga ukazuzi, ndipo mweniyo wakarghangapo yo wakarutanga ndi ulakwi wake.

ŴaLevi 7:18 ပူးပေါင်းရင်းမြစ်များ

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Yesaya 65:4

wo ŵaja mu miunda, ndipo ŵacherezga usiku wose mu malo gha kuwubende, wo ŵaturgha nyama ya nkhumba, ndipo kusazga kwa vinthu vya ukazuzi kwe mu viyaŵi vyawo;

Yesaya 66:3

“Yo wabaya ng'ombe walingana ndi wakubaya munthu; yo wapereka chisopo cha mwana wamberere, walingana ndi yo wafyo khosi la garu; yo wapereka mpasku wa ufwa walingana ndi yo wasaska ndopa za nkhumba; yo wachita mpasku wa chikumbusku wa vyachema walingana ndi yo watumbika ngoza. Yaŵa ŵasankha nthowa yo ŵeneko, ndipo mtima wawo ukondwere mu maukazuzi ghawo;

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Ezekiele 18:20

Mzimu wo unanga ndiwo ukafwanga. Mwana kuti wakasuzgikanga pa kunanga kwa awiske cha, pamwenga wiske kusuzgika pa kunanga kwa mwana cha; urunji wa murunji ukaŵanga paku iyo mweneko, ndipo uheni wa muheni ukaŵanga pa mweneko.

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

ŴaLevi 10:17

“Chifukwa chine mulivi kurghiya mpasku wapa ulakwi mu malo ghakupaturika pakuwona kuti nchinthu chakupaturika ukongwa, ndipo chikupaskika kwaku imwe alinga kuti munyamuwe ulakwi wa mpingu, kuchitiya mphepeska paku wo paurongo pa Ambuya?

ŴaLevi 10:19

Ndipo Aroni wanguti kwaku Mosese, “Ehe, msana wale ŵapereka mpasku wawo wapa ulakwi ndi mpasku wakocha paurongo pa Ambuya; kweni ndipuuli ndiwona vinthu vyakuŵa nge ndi ivi vyandiwiya Ine! Asani ndingurgha mpasku wapa ulakwi msana wale, kumbi chatinge chiŵenge chamarondeka mu maso gha Ambuya?”

ŴaLevi 11:41

“Chamoyo chose chakukwaŵa pa charu chapasi nchamunguzgu; chingarghikanga cha.

ŴaLevi 17:16

Kweni asani walivi kuvichapa pamwenga kusamba liŵavu lake wakapinganga ulakwi wake”.

ŴaLevi 19:5

“Muchipereka sembe ya chimangu ku Ambuya, mukayiperekanga viyo kuti murondereke.

ŴaLevi 20:17

“Asani munthu wato mzichi wake, mwana munthukazi wa awiske pamwenga mwana munthukazi wa anyina, ndipo wawona nkhuli yake, nchinthu cha chilengesku. Wakatuzgikangamo mu maso gha ŵanthu ŵawo; uyu munthu wavunuwa nkhuli ya mzichi wake, wakakomwanga pa mphurupuru yake.

ŴaLevi 20:19

Kuti ukavunuwanga nkhuli ya mwana munyawo wa anyoko pamwenga ya mzichi wa ausu cha. Pakuchita viyo nkhuzuwa nkhuli ya mbali winu wapafupi. Yaŵa wakakomwanga pa uheni wawo.

ŴaLevi 22:16

vinu vingazigha kunyamuwa maulakwi ndi kususkika, pakurgha vinthu vyawo vyakupaturika; pakuti; Ndine Ambuya wo atiŵapatuwa.”

ŴaLevi 22:23

Nkhuzi pamwenga mberere yo yendi chiŵalo chakulutiriya utali pamwenga chakulutiya ufupi mungaziŵa kuyipereka kuŵa sembe ya wanangwa kweni pa sembe ya mphenduzga kuti yingalondereka cha.

ŴaLevi 22:25

nyama yose ya mtundu uwu yo mwaronde ku mlendo mungaperekanga kuŵa chakurgha chaku Chiuta winu cha. Pakuti mwe kalema mwaku yo, chifukwa cha kupunduka kwake, kuti yikalonderekanga cha kwaku imwe.”

ŴaLevi 5:17

“Asani we yose walakwa pakuchita che chose cho Ambuya akulangula kuti wareke kuchita, kweni iyo kuti wachiziŵa cha, ndipuuli we ndi mlandu ndipo wakalangikanga.

ŴaLevi 7:19

“Nyama yeniyo yikwaskenge chinthu che chose chambura kuphotoka yingarghikanga cha; yikawochekanga ndi moto,

Amosi 5:22

Chingana mundipaska sembe zinu zakocha ndi sembe zinu za vyakurgha kuti ndizirondiyenge cha, ndi sembe zinu za chimangu za nyama zinu zakututuŵa kuti ndizilereskenge cha.

Malaki 1:10

Ndikhumba kuti wangaŵapo yumoza waku imwe wakuti wajale makhomo kuti ŵareke kupemba moto waŵaka pa jochero langu! Ndilivi likondwa mwaku imwe, atiti Ambuya ŵa maŵanja; ndipo kuti nkharondiyanga cha mpasku wakutuwa mu janja linu.

Malaki 1:13

Mutiti, ‘Uku nkhuvukiska kwa mtundu uli?’ Ndipo mutindinyoza, atiti Ambuya ŵa maŵanja. Mutuza ndicho nchakunangika, pamwenga chakupunduka, pamwenga chakutama, ndipo ichi mutuza nacho nge ndi mpasku winu! Kumbi ndingaronde ichi kutuwa mu janja linu? atiti Ambuya.

Maŵerengedu 18:27

Ndipo mpasku winu uŵenge kwaku imwe nge ndi trigu wapa mbali, ndi ulaka nkhuzaza kwa pakuponde mphereska.

Luka 16:15

Ndipo wanguti kwaku iwo, “Imwe ndimwe ŵakujirunjiska pa maso gha ŵanthu; kweni Chiuta waziŵa mitima yinu: pakuti cho nchakutumphulika mu ŵanthu mbukazuzi pa maso ghaku Chiuta.

ŴaRoma 4:11

ndipo wanguronde chisimikizgu cha mchinju, chiŵali cha urunji wa chivwanu wo wenga nawo uwura-mchinju: alinga waŵe iyo wiskeu waku wose ŵakuvwana, chingana mbambura kuchinjika, alinga kuti urunji wo ungapimikiya iwo nawo;

ŴaHebere 9:28

viyo Kristu nayo, wati waperekeka kamoza kwachinyamuliya vilakwa ŵanandi, wamwoneka kachiŵi, kwambura maulakwi, ku ŵakumlereze, kwachiŵataska.

1 Petro 2:24

Iyo mweneko wangunyamuliya vilakwa vidu mu liŵavu lake pa muti wo, alinga kuti ifwe taŵakufwa kuchiri ku vilakwa tijaririyenge ŵamoyo kuchiri ku urunji; mu vikukusa vyaku mweniyo munguchizgika.