ŴaLevi 5:7 - Tonga Bible 1986

⁷ “Asani walivi mwana wa mberere, ike wakazanga ku Ambuya chifukwa cha mamphuru ghake, tunjiŵa tuŵi pamwenga tuviwunda twa nkhunda tuŵi, kamoza kuŵa mpasku wapa ulakwi, ndi kanyake kuŵa mpasku wakocha.

ŴaLevi 5:7 ပူးပေါင်းရင်းမြစ်များ

ŴaLevi 12:6

“Ndipo penipo mazuŵa gha kutozgeka kwake ghafiskika, manyi pa mwana munthurumi, pamwenga munthukazi, wakatoliyanga ku mzukuru pa khomo la hema lakuwunganamo mberere ya chirimika chimoza ya mpasku wakocha, ndi kachiunda ka nkhunda pamwenga ka njiŵa kuchitiya mphepeska yapa ulakwi;

ŴaLevi 12:8

Ndipo asani wangatondeka kusaniya mberere, iku wato tunjiŵa tuŵi, pamwenga tuviunda twa nkhunda, kamoza ka mpasku wakocha ndi kanyake ka mpasku wapa ulakwi, ndipo mzukuru wakamupepeskiyanga, viyo wakaŵanga wakuphotoka.”

ŴaLevi 14:30

Iyo wakaperekanga tunjiŵa to tuŵi pamwenga tuviunda twa nkhunda to wangaziŵa kutusaniya,

ŴaLevi 14:31

kamoza pa sembe yapa ulakwi ndi kanyake pa sembe yakocha, pamoza ndi sembe ya ufwa; mzukuru wakamupepeskiyanga paurongo pa Ambuya yo wakatozgekanga.

ŴaLevi 15:30

Ndipo mzukuru wakaperekanga kamoza pa sembe yapa ulakwi, ndi kanyake pa sembe yakocha; mzukuru wakamupepeskiyanga paurongo pa Ambuya pa chifukwa cha munguzgu wa masambi.

ŴaLevi 16:5

Wakatonga ku mpingu wa ŵaYisraele ŵaphongo ŵaŵi ŵa mbuzi ŵa sembe yapa ulakwi, ndi bira pa sembe yakocha.

ŴaLevi 27:8

Ndipo asani munthu ndi msauchi; watondeka kulipa mtengo wo iwe watema, wakazanga ndi munthu yo paurongo pa mzukuru kuti mzukuru wateme mtengo wake. Wakatemanga mtengo kwakuyana ndi ndrama zo wakulipa we nazo.

ŴaLevi 5:11

“Kweni asani walivi njiŵa ziŵi pamwenga tuviwunda twa nkhunda, iku wakazanga ndi ufwa wamampha wa chipimo cha chigaŵa cha chumi, kuŵa mpasku wake wapa kwananga ko wakuchita. Kuti waŵikengepo mafuta cha, ndipo kuti waŵikengepo vya chema cha, pakuti ndi mpasku wapa kwananga.

ŴaLevi 7:1

“Ili ndilo dangu la sembe ya mamphuru, Njakupaturika ukongwa.

ŴaLevi 9:3

Ndipo ukambe ku ŵaYisraele, ‘Toni phongo kuŵa mpasku wapa ulakwi, ndi thole ndi kamberere vyose viŵi vya umoyo wa chirimika chimoza vyambura kalema, kuŵa mpasku wakocha,

Maŵerengedu 5:6

“Ukambe ndi ŵaYisraele asani munthurumi pamwenga munthukazi wachita uheni we wose wo ŵanthu ŵachita pakuswa lamulu la Ambuya, ndipo waziŵika,

Maŵerengedu 6:10

Pa zuŵa la chinkhonde ndi chitatu wazenge ndi nkhunda ziŵi, pamwenga viwunda viŵi ku mzukuru pa khomo la hema lakuwunganamo,

Maŵerengedu 6:11

ndipo mzukuru waperekenge yumoza pa mpasku wa ulakwi ndi yinyake pa mpasku wakocha, ndipo wakamupepeskiyanga pakuti walakwa chifukwa cha chiŵanda. Ndipo munthu yo wapatuwa mutu wake zuŵa lenilo,

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Mateyu 21:12

Ndipo Yesu wanguza mu kasopi waku Chiuta, ndipo wangupong'a kubwaro wose ŵakusaska ndi ŵakugula mu kasopi yo ndipo wangugadabuwa magome gha ŵakusintha-ndrama, ndi vitengo vya ŵakusaska nkhunda.

Mateyu 3:16

Ndipo wachibatizika Yesu wati wazuwuka mu maji, ruŵi, machanya ghangumjurikiya, ndipo wanguwona Mzimu waku Chiuta, usiku ulaka ndi nkhunda, ndi kubota paku iyo.

Luka 2:24

ndi kwachipereka sembe, uli ndi cho chakulembeka mu dangu la Mbuya, “Njiŵa ziŵi, pamwenga viunda viŵi.”

2 ŴaKorinte 8:12

Chifukwa asani upusuwo ulipo, mpasku ngwamarondeka uli ndimo munthu waliri nacho, uli ndimo wauriyavi cha.