ŴaLevi 5:18 - Tonga Bible 1986

¹⁸ Wakatolenga ku mzukuru bira wambura kalema kutuwa ku mskambu wakupimika mtengo ndi iwe kwakuyana ndi mtengo wa sembe yapakwananga, ndipo mzukuru wakamuweyeliyanga pa kuchimwa kweniko wakuchita kwambura kuziŵa ndipo wakagowokelekiyanga.

ŴaLevi 5:18 ပူးပေါင်းရင်းမြစ်များ

ŴaLevi 1:3

“Asani mpasku wake ndi mpasku wakocha wakutuwa ku mskambu, wakaperekanga yinthurumi yambura kalema, wakayiperekiyanga pa khomo la hema lakuwunganamo, alinga kuti walondereke paurongo pa Ambuya.

ŴaLevi 1:4

Wakalarikanga janja lake pa mutu wa mpasku wakocha, ndipo ukarondekiyanga iyo kuŵa wakumuŵeyerere.

ŴaLevi 14:12

Ndipo mzukuru wakatonga yimoza ya mberere zinthurumi kuyipereka kuŵa mpasku wapa kwananga pamoza ndi supa ya mafuta, ndi kuvizungung'a kuŵa mpasku wakuzungung'a paurongo pa Ambuya.

ŴaLevi 4:20

Viyo ndimu wakachitiyanga ndi nkhuzi; nge ndimo wanguchitiya ndi nkhuzi ya mpasku wapa ulakwi, viyo ndimu wakachitiyanga ndi uwu, ndipo mzukuru wakapepeskiyanga iwo, ndipo ŵakagowokelekiyanga.

ŴaLevi 5:17

“Asani we yose walakwa pakuchita che chose cho Ambuya akulangula kuti wareke kuchita, kweni iyo kuti wachiziŵa cha, ndipuuli we ndi mlandu ndipo wakalangikanga.

ŴaLevi 5:19

Ndi mpasku wakwananga, yo munthu wenga wakwananga paurongo pa Ambuya.”

Maŵerengedu 15:24

asani mwalakwa kwambura kuziŵa, wumba wengavi kuziŵa, sono mpingu wose uperekenge nkhuzi yimoza kuŵa mpasku wakocha, wa fungu lakukondweska Ambuya, pamoza ndi mpasku wake wa ufwa ndi wake wa vyakumwa, kwakulingana ndi mluriku, ndi phongo yumoza kuŵa mpasku wapa ulakwi.