ŴaLevi 4:20 - Tonga Bible 1986

²⁰ Viyo ndimu wakachitiyanga ndi nkhuzi; nge ndimo wanguchitiya ndi nkhuzi ya mpasku wapa ulakwi, viyo ndimu wakachitiyanga ndi uwu, ndipo mzukuru wakapepeskiyanga iwo, ndipo ŵakagowokelekiyanga.

ŴaLevi 4:20 ပူးပေါင်းရင်းမြစ်များ

Chituwa 32:30

Ndi mlenji Mosese wanguti ku ŵanthu, “Mwalakwa mwachita uheni ukuru. Ndipo sono ndikweriyenge ku Ambuya; akhumba ndingaziŵa kumuchitiyani mphepeska pa uheni winu.”

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

ŴaLevi 1:4

Wakalarikanga janja lake pa mutu wa mpasku wakocha, ndipo ukarondekiyanga iyo kuŵa wakumuŵeyerere.

ŴaLevi 12:8

Ndipo asani wangatondeka kusaniya mberere, iku wato tunjiŵa tuŵi, pamwenga tuviunda twa nkhunda, kamoza ka mpasku wakocha ndi kanyake ka mpasku wapa ulakwi, ndipo mzukuru wakamupepeskiyanga, viyo wakaŵanga wakuphotoka.”

ŴaLevi 14:18

ndipo mafuta ghose ghanyake gho ghe mu janja la mzukuru wakapakanga pa mutu paku yo wakatozgekanga. Ndipo mzukuru wakamuchitiyanga mphepeska paurongo pa Ambuya.

ŴaLevi 15:15

Mzukuru wakaperekanga, kamoza pa sembe yapa ulakwi ndi kanyake pa sembe yakocha; ndipo mzukuru wakamupepeskiyanga paurongo pa Ambuya pa kusuruwa kwake.

ŴaLevi 19:22

Ndipo mzukuru wamupepeskiyenge ndi bira wa sembe yapa mrando paurongo pa Ambuya, chifukwa cha ulakwi wake wo wachita. Ndipo ulakwi wo wachita ugowokerekenge kwaku iyo.

ŴaLevi 4:21

Wakatoliyanga kankhuzi kubwaro kwa ugoŵi ndi kukawocha uli ndimo wanguwoche nkhuzi yakudanga, ndi mpasku wapa ulakwi wa mpingu.

ŴaLevi 4:26

Ndipo mafuta ghake ghose wakawochanga pa jochero uli ndi mafuta gha mpasku wa chimangu; Viyo mzukuru wakamupepeskiyanga ulakwi wake, ndipo wakagowokelekiyanga.

ŴaLevi 4:35

Ndipo mafuta ghake watuzgengemo uli ndimo mafuta gha mwana mberere ghatuzgikiyamo mu mpasku wa chimangu. Ndipo mzukuru wakawochanga gho pa jochero pachanya pa mpasku wapa moto ku Ambuya. Viyo mzukuru wakamuŵeyeriyanga iyo chifukwa cha ulakwi wo wachita, ndipo wakagowokelekiyanga.”

ŴaLevi 4:8

Ndipo wakatuzgangamo mafuta ghose mu kankhuzi kakupereka pa chifukwa cha ulakwi, mafuta gho ghavimba matumbo ndi mafuta gho ghe pa matumbo,

ŴaLevi 5:10

Sono wakaperekanga kachiŵi kuŵa mpasku wakocha kwakuyana ndi langulu. Mzukuru wakamuŵeyeriyanga pa chifukwa cha ulakwi wo wakuchita ndipo wakagowokelekanga.

ŴaLevi 5:13

Viyo mzukuru wakamuŵeyeliyanga pa ulakwi wo wose wo wakuchita, ndipo wakagowokelekiyanga. Ndipo vyakujapo vikaŵanga vya mzukuru uli ndi mpasku wa ufwa.”

ŴaLevi 5:16

Yo munthu wakalipanga so paku cho wakuchita uheni mu vituŵa vyaku Chiuta; ndipo wakasazgiyangapo chigaŵa chimoza cha chinkhonde ndi kuchipaska ku mzukuru. Viyo mzukuru wakamuŵeyeliyanga ndi bira, sembe ya kwananga ndipo wakagowokelekiyanga.

ŴaLevi 5:18

Wakatolenga ku mzukuru bira wambura kalema kutuwa ku mskambu wakupimika mtengo ndi iwe kwakuyana ndi mtengo wa sembe yapakwananga, ndipo mzukuru wakamuweyeliyanga pa kuchimwa kweniko wakuchita kwambura kuziŵa ndipo wakagowokelekiyanga.

ŴaLevi 5:6

ndipo wakazangu ku Ambuya ndi mpasku wapa ulakwi wo wakuchita, mberere pamwenga mbuzi yinthukazi kuŵa mpasku wapa kwananga. Ndipo mzukuru wakamuŵeyeriyanga.

ŴaLevi 6:7

Ndipo mzukuru wakamuŵeyeliyanga paurongo pa Ambuya, ndipo iyo wakagowokelekiyanga pa chinthu che chose cho munthu wanguchita ndiwanguŵa ndi mlandu.”

Maŵerengedu 15:25

Ndipo mzukuru wakapepeskiyanga wumba wose wa ŵaYisraele, sono Ambuya akaŵagowokiyanga, chifukwa kwenga kuwura kuziŵa, ndipo ŵapereke mpasku wawo, mpasku wapa moto ku Ambuya, ndi mpasku wawo wapa ulakwi pa maso pa Ambuya, chifukwa cha kuwura kuziŵa kwawo.

Maŵerengedu 15:28

Ndipo mzukuru wakapepeskiyanga munthu yuwa paurongo pa Ambuya, yo walakwa kwambura kuziŵa, kumupepeske iyo, ndipo Ambuya akamugokiyanga.

ŴaRoma 5:11

Viyo pe cha, kweni so titumbwiya mwaku Chiuta mu Ambuyafwe Yesu Kristu, mwaku mweniyo tarondere sono muwoju wo.

ŴaGalatia 3:13

Kristu watiwombo ifwe ku tembo la chilangulu cho, pakuŵa wakutembeka pa chifukwa chidu: chifukwa kwalembeka, “Ngwakutembeka yose yo ngwakupayikika pa muti”:

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

ŴaHebere 2:17

Viyo na wangwenere mwaku vyose kulinganizgika ku ŵabali ŵake, alinga kuti waŵiye kuchiri kwaku Chiuta mzukuru mura walisungu ndi wamagomekezgeka, kwachipepeske pa vilakwa vya ŵanthu.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

1 Yohane 2:2

iyo nayo ndi mphepeska pa chifukwa cha vilakwa vidu; ndipo pa vidu pe cha, kweni so pa chifukwa chaku vya charu chose.

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;