ŴaLevi 4:18 - Tonga Bible 1986

¹⁸ Ndipo wakaŵikanga ndopa zo zinyake pa masengwe gha jochero lo le mu hema lakuwunganamo paurongo pa Ambuya, ndipo ndopa zakujapo wakadiranga pasi pasina la jochero la mpasku wakocha lo le pa khomo la hema lakuwunganamo.

ŴaLevi 4:18 ပူးပေါင်းရင်းမြစ်များ

2 Mikoka 29:22

Viyo ŵangubaya nkhuzi, ndipo ŵazukuru ŵanguronda ndopa ndi ŵanguziwazga pa jochero; ŵangubaya so mberere zinthurumi, ndipo ndopa zawo zinguwazgika pa jochero, ndiso ŵangubaya ŵana ŵa mberere, ndipo ndopa zawo zinguwazgika pa jochero.

Chituwa 29:12

Ndipo ukatonga chigaŵa cha ndopa za nkhuzi yo ndi kuziŵika pa masengwe gha chiguŵa cha sembe ndi munwe wako, ndipo ndopa zose zakujapo mukadiranga musina mu chiguŵa cha sembe.

Chituwa 30:10

Aroni wakapepeskanga pa masengwe ghake kamoza pa chirimika, ndi ndopa za mpasku wa uheni wa mphepeska wakapepeskiyanga wo kamoza mu chirimika mu migonezi yinu; nchakupaturika chakuruska ku Ambuya.”

ŴaLevi 4:25

Sono mzukuru wakatonga ndopa zinyake za mpasku wapa ulakwi ndi munwi wake ndi kuziŵika pa masengwe gha jochero la mpasku wakocha.

ŴaLevi 4:30

Ndipo mzukuru wakatonga ndopa zinyake za mbuzi ndi munwi wake ndi kuziŵika pa masengwe gha jochero la mpasku wakocha, ndi kudira ndopa zose zakujapo pasina pa jochero.

ŴaLevi 4:34

Sono mzukuru wakatonga ndopa zinyake za mpasku wapa ulakwi ndi munwi wake ndi kuziŵika pa masengwe gha jochero la mpasku wakocha, ndi kudira ndopa zake zakumapo pasina pa jochero.

ŴaLevi 4:7

Ndipo mzukuru wakaŵikanga ndopa zinyake pa masengwe gha jochero la vyachema vyakusunkhizga paurongo pa Ambuya lo le mu hema lakuwunganamo, ndipo ndopa zakujapo za kankhuzi zo, wakadiranga pasina pa jochero la sembe yakocha lo le pa khomo la hema lakuwunganamo.

ŴaLevi 5:9

Ndipo wakawazganga ndopa zinyake za mpasku wapa kwananga kurwande kwa jochero, penipo ndopa zose zakujapo zikadirikanga pasina pa jochero; ndi mpasku wapa kwananga.

ŴaLevi 6:30

Kweni paulevi sembe yapa ulakwi yo yikarghikanga mwaku yo ndopa zose zatoreke mu hema lakuwunganamo kwa chipepeske mu malo ghakupaturika; yikawochekanga ndi moto.

ŴaLevi 8:15

Ndipo Mosese wanguyibaya, wanguto ndopa, ndipo ndi munwi wake wanguziŵika pa masengwe gha jochero kwakuzunguliya, ndipo wangutozga jochero, wangupunguliya ndopa musina mwa jochero, ndi wanguripatuwa kulichitiya mphepeska.

ŴaLevi 9:9

Ŵana ŵaku Aroni ŵangutole ndopa kwaku iyo, ndipo wangubizga munwi wake mu ndopa ndi kuziŵika pa masengwe gha jochero, wangudira ndopa pasina pa jochero,