ŴaLevi 27:9 - Tonga Bible 1986

⁹ “Asani nchinyama cha mtundu wo wapereka sembe ŵanthu ku Ambuya, chose cho munthu wapaska ku Ambuya nchakupaturika.

ŴaLevi 27:9 ပူးပေါင်းရင်းမြစ်များ

Nthanthi 20:25

Nchiŵana ku munthu kukamba kwakufulumiya, “Ncha kupatulika,” ndi kughanaghana pavuli pakuchita marapu ghake.

Wakutaula 5:6

Ungazomerezganga cha mlomo wako kukurongozge ku kwananga, ndipo ureke kurongoro pa maso pa muthenga kuti kwenga kubuda; wakalipiyengenji Chiuta pa mazu ghako, ndi kuparghang'a nchitu za manja ghako?

Ezekiele 48:14

Ŵareke kuguliska pamwenga kusinthaniska kachigaŵa ke kose kaku ichi; ŵareke kupaska ŵalendo chigaŵa ichi chakusankhika cha charu, chifukwa nchakupaturika ku Ambuya.

ŴaLevi 27:10

Kuti wakasinthiyangepo kanthu kanyake cha pamwenga mu malo mu chamampha kuŵikapo chiheni, pamwenga chiheni ndi chamampha, ndipo asani wasinthiskana nyama yinyake, sono zose ziŵi zikaŵanga zakupaturika.

ŴaLevi 27:8

Ndipo asani munthu ndi msauchi; watondeka kulipa mtengo wo iwe watema, wakazanga ndi munthu yo paurongo pa mzukuru kuti mzukuru wateme mtengo wake. Wakatemanga mtengo kwakuyana ndi ndrama zo wakulipa we nazo.

ŴaLevi 5:15

“Asani we yose wasiya umagomekezgeka wake ndi walakwa kwambura kuziŵa mwaku che chose cha vituŵa vya Ambuya, wakazanga ndi bira wambura kalema kutuwa ku mskambu wo iwe wapima mtengo wake mu ndrama za siliva kwakuyana ndi ndrama ya nyumba yakupaturika wo ndi mpasku wapa kwananga.

Mateyu 15:5

Kweni imwe mutiti, ‘Yose yo wanganene awiske pamwenga anyina, Cho mwatinge mwanduwenge imwe kwaku ine chapaskika kwaku Chiuta; kuti watumbika awiske cha.’