ŴaLevi 17:6 - Tonga Bible 1986

⁶ ndipo mzukuru wakawazganga ndopa pa jochero la Ambuya, pa khomo la hema lakuwunganamo, ndi kocha mafuta kuŵa mununkhu wakukondweska Ambuya.

ŴaLevi 17:6 ပူးပေါင်းရင်းမြစ်များ

Chituwa 29:13

Ndipo mukatonga mafuta ghose ghakumata ku matumbo ndi mphafwa, ndi sana zo siŵi ndi mafuta gho ghakumata kwaku zo, ndipo muvyochenge pa jochero la sembe.

Chituwa 29:18

Ndi mochenge bira pa chiguŵa cha sembe, ndi mpasku wakocha ku Ambuya; ndi fungu lakukondweska, mpasku wa moto ku Ambuya.

Ezekiele 44:15

“Kweni ŵazukuru ŵaLevi, ŵana ŵaku Zadoki ŵangujaririya mukusunga ndi kutufuliya malo ghangu ghakupaturika po ŵaYisraele ŵangupuruka kutuwako kwangu, ndiwo ŵakanderenga kufupi kunditeŵete, ndiwo ŵakandimiriyanga, pakupereka mafuta ndi ndopa, atiti Ambuya Chiuta.

ŴaLevi 17:5

Uku nkhuti ŵaYisraele ŵatoliyenge sembe zawo zo ŵabayiya kubwalo, alinga ŵazitoliyenge zo ku Ambuya ku mzukuru pa khomo la hema lakuwunganamo, ŵazibaye kuŵa mipasku ya chimangu ku Ambuya;

ŴaLevi 3:11

Ndipo mzukuru wakaviwochanga pa jochero uli nkhurgha kwakupereka ku Ambuya pa moto.

ŴaLevi 3:13

Ndi kuŵika janja lake pa mutu wake, ndi kuyibaya paurongo pa hema lakuwunganamo; ndipo ŵana ŵaku Aroni ŵakadiranga ndopa zake ku jochero kwakuzunguliya lo.

ŴaLevi 3:16

Mzukuru wavyoche pa jochero nge nkhurgha kwakuperekeka ndi moto kuŵa fungu lamampha, mafuta ghose nga Ambuya.

ŴaLevi 3:2

Ndipo wakaŵikanga janja lake pa mutu wa chakuperekeka chake ndi kuyibayiya pa khomo la hema lakuwunganamo, ndipo ŵana ŵaku Aroni ŵazukuru ŵakadiranga ndopa ku jochero kwakuzunguliya.

ŴaLevi 3:5

Sono ŵana ŵaku Aroni wakawochanga vyo pa jochero, pachanya pa mpasku wakocha wo we pachanya pankhuni za pa moto. Ndi mpasku wapa moto, fungu lake ndakukondweska Ambuya.

ŴaLevi 3:8

pakuŵika janja lake pa mutu wa nyama yo ndi kuyibayiya paurongo pa hema lakuwunganamo; ndipo ŵana ŵaku Aroni ŵakadiranga ndopa zake ku jochero kwakuzunguliya.

ŴaLevi 4:31

Mafuta ghake wakatuzgangamo uli ndimo mafuta ghatuzgikiyamo mu mpasku wa vyachimangu ndipo mzukuru wakawochanga gho pa jochero, kuŵa fungu lakukondweska Ambuya. Mzukuru wakaŵeyeriyanga iyo ndipo wakagowokelekiyanga.

Maŵerengedu 18:17

Kweni ya umwali ya ng'ombe, pa mwenga ya mberere, pamwenga ya mbuzi, ungaziwombonga cha zakupaturika. Ndipo zaku vyo ukaziwazganga pa jochero, mafuto ghake wochenge kuŵa mpasku wapa moto, fungu lakukondweska ku Ambuya;