ŴaLevi 13:4 - Tonga Bible 1986

⁴ Kweni asani chiŵawo nchituŵa pa khungu la liŵavu lake ndipo kuti chasere mu khungu cha, cheya cha penipo kuti chasanduka chituŵa cha, iku mzukuru wakamujariyanga munthu yo wa nthenda mazuŵa ghankhonde ndi ghaŵi.

ŴaLevi 13:4 ပူးပေါင်းရင်းမြစ်များ

Ezekiele 44:10

Kweni ŵaLevi, chingana ŵangundithaŵa ine po ŵaYisraele ŵangurandiya mu ŵangoza ŵawo ndipo ŵangunyamuwa kulangika kwa pa kwananga kwawo.

ŴaLevi 13:11

ndi makhate ghachijariye mu khungu la liŵavu lake. Mzukuru wakanenanga kuti ngwakunguzgika kuti wakamujariyanga mu nyumba cha pakuti ngwakunguzgika.

ŴaLevi 13:25

mzukuru wachipime, asani cheya cha pa chiŵawo chasanduka chituŵa, ndipo chiwoneka kuti chasere mukati mu khungu, ipo ndi makhate, ghatuliya ku bwalo pa bamba lakufya ndi moto, ndipo mzukuru wakanenanga kuti ngwakunguzgika, ndi nthenda ya makhate.

ŴaLevi 13:26

Kweni asani mzukuru watichipima ndipo cheya cha pa chiŵawo kuti nchituŵa cha kuti chasere mukati mu khungu cha, kweni kuti chiwoneka umampha cha, mzukuru wakamujariyanga mu nyumba mazuŵa ghankhonde ndi ghaŵi.

ŴaLevi 13:3

Ndipo mzukuru wakapimanga malo gha khungu lake po nthenda yiri; ndipo asani cheya cha pa malo gha nthenda chasanduka chituŵa, ndipo nthenda yiwoneka kuti yasere mukati mu khungu lake, iku ndi nthenda ya makhate. Pavuli pakupimika mzukuru wakamukambanga kuti ngwakunguzgika.

ŴaLevi 13:31

Ndipo asani mzukuru wapima nthenda yo ya chiŵawo ndipo kuti yawoneka yakusere kurutiya khungu cha, ndipo mulivi sisi lifipa mwaku yo; sono mzukuru wakamujariyanga mu nyumba munthu yo wa nthenda ya chiŵawo, kwa mazuŵa ghankhonde ndi ghaŵi,

ŴaLevi 13:5

Ndipo mzukuru wakamupimanga so pa zuŵa la chinkhonde ndi chiŵi, asani wawona kuti nthenda yilivi kufwapuka mu khungu, mzukuru wakamujariyanga mu nyumba mazuŵa ghanyake ghankhonde ndi ghaŵi.

ŴaLevi 13:50

Ndipo mzukuru wakayipimanga nthenda yo, ndi wakabenekeriyanga cho che ndi nthenda kwa mazuŵa ghankhonde ndi ghaŵi;

ŴaLevi 14:38

po ndipo mzukuru watuliye kubwalo, warute ku khomo la nyumba wajare nyumba yo kwa mazuŵa ghankhonde ndi ghaŵi.

Maŵerengedu 12:14

Kweni Ambuya anguti kwaku Mosese, “Asani wiske wangumufunyiya mata pa maso, kumbi kuti wangaŵa ndi soni mazuŵa ghankhonde ndi ghaŵi cha? Watuzgike ndi kuja kubwalo kwa ugoŵi mazuŵa ghankhonde ndi ghaŵi, pavuli paku gho walondereke so.”

Maŵerengedu 12:15

Viyo Miriamu wangujaririkiya kubwalo kwa ugoŵi mazuŵa ghankhonde ndi ghaŵi; ndipo ŵanthu kuti ŵangwenda so lwendo cha mpaka penipo Miriamu wangulondereka so.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

Marangu 13:14

viyo mukafumbiske ndi kupenjeska, ndi kufumbiriya ndi phamphu. Ndipo asani mbuneneska, nchakupanikizgika kuti chinthu cha ukazuzi waviyo chachitika mukati mwinu,

1 Timote 5:24

Vilakwa vya ŵanthu ŵanyake viwoneke limu, vyakudanjiyako ku cheruzgu, kweni ŵanyake nawo viŵarondo.