ŴaLevi 1:3 - Tonga Bible 1986

³ “Asani mpasku wake ndi mpasku wakocha wakutuwa ku mskambu, wakaperekanga yinthurumi yambura kalema, wakayiperekiyanga pa khomo la hema lakuwunganamo, alinga kuti walondereke paurongo pa Ambuya.

ŴaLevi 1:3 ပူးပေါင်းရင်းမြစ်များ

Chiyambo 22:13

Ndipo Abrahamu wangulereska, ndi wanguwona, ku msana kwake phongo, wanguwira masengwi ghake mu thundu; ndipo Abrahamu wanguruta ndi wanguto phongo, ndipo wangumupaska kuŵa sembe yakocha mu malo gha mwana wake.

Chiyambo 22:2

Wanguti, “To mwana wako yumoza pe, Yisaki yo utanja, ndipo urute ku charu cha Moriya, ndipo ukamupereke iyo kwenikuwa kuŵa sembe yakocha pa limoza la mapiri lo ndikakuneniyanga.”

Chiyambo 22:8

Abrahamu wanguti, “Chiuta wakapaskanga mberere ya sembe yakocha, wa mwana wangu.” Viyo ŵanguruta ŵaŵi viyo pamoza.

Chiyambo 8:20

Pavuli Nowa wanguzenge Ambuya jochero lakochiyapo mpasku, ndipo wanguto nyama yose yakuphotoka ndi chiyuni chose chakuphotoka ndi wangupaska mpasku wakocha pa jochero lo.

2 Mikoka 29:32

Unandi wa sembe zakocha zo unguza nazo wumba wenga nkhuzi machumi ghankhonde ndi ghaŵi (70) mberere zinthurumi machumi pe chumi (100), ndi twana twa mberere machumi pe chumi (200), zose izi zenga za sembe yakoche Ambuya.

2 Mikoka 35:12

Ŵangusazapo sembe yakocha kuti ŵapereke kwakulingana ndi nyumba ndi mbumba za ŵanthu nge nkhagaŵikiro kawo, kupereka kwa Ambuya nge ndimo kukurembeke mu buku laku Mosese. Viyo pe ndimo ŵanguchitiya ndi ng'ombe.

Sumu 110:3

Wanthu ŵako ŵakajiperekanga ndi mtima mu zuŵa lo urwani ndi ŵakupindikana ŵako. Nge ndi dungwi la kumatandakucha, ŵanyamata ŵako ŵakakuziyanga pa mitunthu yakupaturika.

Sumu 40:8

Ndikondwere kuchita khumbo linu, A Chiuta wangu; dangu linu le mukati mu mtima wangu.”

Chituwa 12:5

Mberere yinu yiŵenge yambura kalema, yinthurumi ya chirimika chimoza, muyitonge ku mberere pamwenga ku mbuzi;

Chituwa 24:5

Ndipo wangutuma ŵanyamata ŵa ŵaYisraele, wo ŵangupereka mpasku wakocha ndi ŵanguchita visopo vya chimangu vya ng'ombe ku Ambuya.

Chituwa 29:18

Ndi mochenge bira pa chiguŵa cha sembe, ndi mpasku wakocha ku Ambuya; ndi fungu lakukondweska, mpasku wa moto ku Ambuya.

Chituwa 29:4

Mukazanga ndi Aroni ndi ŵana ŵake ŵanthurumi ku khomo la hema lakuwunganamo, ndi kuŵasambika ndi maji.

Chituwa 29:42

Ukaŵanga mpasku wapa moto kwakukiyakiya mu migonezi yinu yose pa khomo la hema lakuwunganamo paurongo pa Ambuya, mwenimo ndikakumananga namwe, kwachikamba namwe mwenimuwa.

Chituwa 32:6

Ndipo ŵanguyuka ndi mlenjilenji, ndi ŵangupaska mipasku yakocha ndi ŵanguza ndi mipasku ya chimangu, ndipo ŵanthu ŵanguteka pasi kurgha ndi kumwa, ndi ŵanguma kusoŵe.

Chituwa 35:21

Ndipo ŵanguza, yose yo mtima wake ungumutuntha ndi yose yo mzimu wake ungumusongono, ndipo ŵanguza ndi mpasku ya Ambuya yakuchitiya hema lakuwunganamo, ndi milimu yake yose, ndi ya vivwalo vyakupaturika.

Chituwa 35:29

Ŵanthurumi wose ndi ŵanthukazi, ŵaYisraele, wo ŵangukhumba kuza ndi kanthu ke kose ku mlimu wo Ambuya angulanguliya mwaku Mosese kuchitika ŵanguza nako kuŵa mpasku wa khumbu lawo ku Ambuya.

Chituwa 35:5

Tonimo mukati mwinu mpasku ku Ambuya; we yose wakuŵa ndi mtima wakupaska, wazi ndi chaulera cha Ambuya, golide, siliva, ndi mkuŵa;

Chituwa 36:3

ndipo wangulonda kwaku Mosese mipasku yose yo ŵaYisraele ŵanguza nayo chifukwa cha nchitu yapa nyumba yakupaturika. Mlenji wose ŵanguza nayo mipasku;

Chituwa 38:1

Wanguchita so jochero la sembe yakocha la mathabwa gha mlombwa; utali wake mikono yinkhonde, ndi usani wake mikono yinkhonde; lenga lakuyana, ndi musinkhu wake wenga mikono yitatu.

Yesaya 1:11

“Kwaku ine unandi wa mipasku yinu nkhane?” atiti Ambuya. “Ndaronde kale mipasku yakukwana yakocha ya ŵabira ndi mafuta gha nyama zakuliska, kuti ndikondwa ndi ndopa za nkhuzi cha, pamwenga za ŵana ŵa mberere, ndi za ŵaphongo cha.

Ezekiele 20:40

“Chifukwa pa phiri langu lakupaturika, phiri litali ukongwa laku Yisraele, penipa nyumba yaku Yisraele, wose pamoza, ŵakanditeŵetiyanga mu charu, atiti Ambuya Chiuta; penipa ndipo ndikaŵarondiyanga, ndipo ndikakhumbanga mipasku yinu ndi vyakusankhika vya vyawanangwa vinu, ndi sembe zinu zamampha kwakuruska.

Ezekiele 40:39

Ndipo mu khonde la likomo mwenga magome ghaŵi kuchiri kuno ndi ghaŵi kuchiri kuwa, paku ghenigho pabayikiyanga mpasku wakocha mpasku wa ulakwi ndi mpasku wa kuparamula.

ŴaLevi 1:10

“Asani wapereka mpasku wakocha wachakuturiya ku mskambu, mberere pamwenga mbuzi, wakaperekanga yinthurumi yambura kalema.

ŴaLevi 14:10

“Ndipo pa zuŵa la chinkhonde ndi chitatu wakatonga mberere ziŵi zinthurumi zambura kalema, mberere yinthukazi yimoza ya chirimika chimoza yambura kalema, ndi mpasku wa ufwa wachigaŵa cha chitatu cha vigaŵa chumi vya mwesu wa ufwa wamampha wakusazgika ndi mafuta ndi supa yimoza ya mafuta.

ŴaLevi 16:7

Pavuli wato mbuzi zo ziŵi kuzipereka ku Ambuya pa khomo la hema lakuwunganamo;

ŴaLevi 17:4

ndipo kuti watuza nayo ku khomo la chihema chakuwunganamo cha, kwachiyipereka kuŵa cha wezi ku Ambuya paurongo pa chihema cha Ambuya, munthu yo wakatamulikanga kuŵa wakulakwiya ndopa; wadiska ndopa; munthu yo wakadumulikangako ku ŵanthu ŵake.

ŴaLevi 17:8

“Ndipo ukatinge kwaku wo, munthu yose wa nyumba yaku Yisraele pamwenga ya ŵalendo ŵakutandala mukati mwawo, yo wapereka sembe yakocha pamwenga mpasku,

ŴaLevi 17:9

kwambura kuza nayo ku khomo la hema lakuwunganamo, kuyipereka ku Ambuya; munthu yo wakadumulikangako ku ŵanthu ŵake.

ŴaLevi 23:12

Ndipo pa zuŵa lo mzungung'iyenge nchinda yo, mukaperekanga mberere yinthurumi ya chirimika chimoza mu ura wake, yambura kalema; kuŵa sembe yakocha ku Ambuya.

ŴaLevi 23:18

Ndipo pamoza ndi viŵande muperekenge mberere zinkhonde ndi ziŵi za chirimika chimoza zambura kalema; kankhuzi kamoza, ndi ŵabira ŵaŵi; vikaŵanga sembe yakocha ku Ambuya, pamoza ndi sembe yawo ya ufwa ndi sembe zakumwa, sembe yapa moto, chema chakukondweska ku Ambuya.

ŴaLevi 3:1

“Asani munthu wapereka mpasku wa chimangu, ndipo wapereka nyama yakutuwa ku mskambu yinthurumi pamwenga yinthukazi, wakaperekanga yambura kalema paurongo pa Ambuya.

ŴaLevi 4:15

ndipo ŵara ŵa mpingu ŵakaŵikanga manja ghawo pa mutu wa kankhuzi ko paurongo pa Ambuya.

ŴaLevi 4:23

asani ulakwi weniwo wachita waziŵikwa ndi iyo wakazanga ndi mbuzi yinthurumi yambura kalema kuŵa mpasku wake wapa ulakwi.

ŴaLevi 4:3

asani ndi mzukuru wakupakika mafuta, mweniyo walakwa pakuti watole vyo vyakususkika pa ŵanthu, iku wapereke ku Ambuya kankhuzi kampupuka kambura kalema chifukwa chakulakwa kwake kuŵa mpasku wapa ulakwi.

ŴaLevi 4:32

“Asani wakazanga ndi mwana wa mberere kuŵa mpasku wake, wakazanga ndi kanthukazi, kambura kalema.

ŴaLevi 5:15

“Asani we yose wasiya umagomekezgeka wake ndi walakwa kwambura kuziŵa mwaku che chose cha vituŵa vya Ambuya, wakazanga ndi bira wambura kalema kutuwa ku mskambu wo iwe wapima mtengo wake mu ndrama za siliva kwakuyana ndi ndrama ya nyumba yakupaturika wo ndi mpasku wapa kwananga.

ŴaLevi 5:18

Wakatolenga ku mzukuru bira wambura kalema kutuwa ku mskambu wakupimika mtengo ndi iwe kwakuyana ndi mtengo wa sembe yapakwananga, ndipo mzukuru wakamuweyeliyanga pa kuchimwa kweniko wakuchita kwambura kuziŵa ndipo wakagowokelekiyanga.

ŴaLevi 6:2

“Asani we yose walakwa ndipo wasiya umagomekezgeka ku Ambuya, pakupusika muzengezgani wake, pakusungizga kanthu pamwenga chikoli, pamwenga pakuba, pamwenga pakuyuzga muzengezgani wake.

ŴaLevi 6:8

Ambuya anguti kwaku Mosese,

ŴaLevi 7:16

Kweni asani sembe yake njakurapiyapo pamwenga nja wanangwa yikarghikanga mu zuŵa lenilo wayipereke, ndipo yo yajako yikarghikanga ndi mlenji unyake,

ŴaLevi 8:18

Sono wangupereka bira wa mpasku wakocha, ndipo Aroni ndi ŵana ŵake ŵanguŵika manja ghawo pa mutu wabira.

ŴaLevi 8:21

Ndipo penipo vyamukati ndi marundi vingusukika ndi maji, Mosese, wangocha bira yose pa jochero, kuŵa mpasku wakocha, fungu lakukondweska, mpasku wakupereka ndi moto ku Ambuya, uli ndimo Ambuya angulanguliya Mosese.

ŴaLevi 9:2

Wanguti kwaku Aroni, “Uto kathole kanthurumi ka mpasku wapa ulakwi, ndi bira wa mpasku wakocha, viŵe vyambura kalema, uvipereke paurongo pa Ambuya.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Malaki 1:14

“Watembeke wakupusika yo we ndi yinthurumi mu mskambu wake ndipo wapangana kuyipereka, kweni wabayiya sembe Ambuya yo ye ndi kalema; chifukwa nde karonga mukuru, ndipo nditopeka mukati mu mitundu, atiti Ambuya ŵa maŵanja.

Maŵerengedu 15:3

ndipo mupereka ng'ombe pamwenga mberere kuŵa mpasku wapa moto pamwenga mpasku wakocha pamwenga sembe ku Ambuya, kufiska rapu pamwenga nge ndi mpasku wa wanangwa, pamwenga sembe ya panyengu zakutemeka za madghera, kuŵachitiya Ambuya fungu lamampha,

Maŵerengedu 15:8

Asani urongoso nkhuzi kuŵa mpasku wakocha, pamwenga sembe ya chimangu, kufiska rapu, pamwenga mipasku ya chimangu ku Ambuya,

Maŵerengedu 19:2

“Ili ndi lembo la langulu lo Ambuya alangula: Kambani ndi ŵaYisraele ŵakutoliyeni ng'ombe yinthukazi yiyera yambura kupunduka, ndi yambura kalema, paku yeniyo goli lilivi kumangikapo.

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Maŵerengedu 23:27

Ndipo Balaki wangunena ndi Balamu, “Zanga sono, ndikakutolenga ku malo ghanyake; akhumba kukamukondweskanga Chiuta kuti unditembe iwo pa malo gha.”

Maŵerengedu 23:3

Ndipo Balamu wanguti kwaku Balaki, “Wume pafupi ndi mpasku wako wakocha, ine ndikarutanga; vinu Ambuya akazanga kukumana nane; ndipo chose cho akandirongonga ndikukambiyenge.” Ndipo wanguruta pachanya pa muteteti.

Maŵerengedu 23:30

Balaki wanguchita nge ndimo Balamu wangunene, wangupereka nkhuzi yimoza ndi bira yumoza pa jochero le lose.

Maŵerengedu 28:11

“Pakwamba kwa myezi, mukaperekanga mipasku yinu yakocha ku Ambuya: nkhuzi ziŵi zimana zimana, bira yumoza, ŵana ŵamberere ŵankhonde ndi ŵaŵi ŵa chirimika chimoza wambura kalema;

Maŵerengedu 28:19

kweni mupereke mpasku wapa moto, mpasku wakocha ku Ambuya: nkhuzi ziŵi zimana zimana, bira yumoza, ŵana ŵa mberere ŵankhonde ndi ŵaŵi ŵa umoyo wa chirimika chimoza; muwone kuti zilivi kalema;

Maŵerengedu 28:31

Pamoza ndi mpasku wakocha wambura kurekezga ndi mpasku wake wa ufwa, muviperekenge ndi mpasku wawo kumwa. Kweni muwone kuti vyambura kalema.”

Maŵerengedu 29:13

mukaperekanga mpasku wakocha mpasku wapa moto, fungu lakukondweska Ambuya, nkhuzi chumi ndi zitatu, ŵabira ŵaŵi, ŵana ŵa mberere chumi ndi ŵanayi ŵa chirimika chimoza; ŵaŵe ŵambura kalema;

Maŵerengedu 29:2

ndipo mukaperekanga mpasku wakocha, fungu lamampha ku Ambuya; nkhuzi yimoza yimana bira yimoza, ŵana ŵa mberere ŵankhonde ndi ŵaŵi ŵanthurumi ŵa umoyo ŵa chirimika chimoza ŵambura kalema;

Luka 1:35

Ndipo pakwamuka mungelo yo wanguti kwaku iyo, “Mzimu Wakupaturika wazenge paku iwe, ndi nthazi ya Wamdengwendi yikuvimbenge: viyo wakupaturika yo wakawanga, wakadanikanga Mwana waku Chiuta.

Yohane 1:36

ndipo wachilereska dodoli paku Yesu wachenda, watiti, “Awonani, MwanaMberere waku Chiuta!”

Yohane 10:7

Viyo Yesu wanguŵanene so, “Nadidi ndikuneniyani, ine ndine khomo la mberere.

Yohane 10:9

Ine ndine khomo lo: asani yumoza waserere mwaku ine, wataskikenge, ndipo waserengemu ndi watuwengemu, ndipo wasaniyenge chipozwa.

2 ŴaKorinte 8:12

Chifukwa asani upusuwo ulipo, mpasku ngwamarondeka uli ndimo munthu waliri nacho, uli ndimo wauriyavi cha.

2 ŴaKorinte 9:7

Munthu yose wapaske uli ndimo wajiteme mu mtima wake; kwachigwinini cha, pamwenga kwakukakamizgika cha; chifukwa Chiuta watanja mpaski wamasangu.

ŴaEfeso 2:18

pakuti mwakuiyo tose taŵaŵi tiŵandikiya mu Mzimu yumoza ku Dada.

ŴaEfeso 5:27

alinga kuti wajijarikiye nge ndi muwoli wa eklesiya lo launkhankhu, lakuŵavi donthu pamwenga nkhwinya pamwenga kanthu kaviyo, kweni kuti liŵe lakupaturika ndi lambura kalema.

Marangu 12:27

Mukaperekanga sembe zinu zakocha nyama ndi ndopa, pa jochero la Ambuya Chiuta winu, ndopa za sembe zakubaya zidirike pa jochero la Ambuya Chiuta winu, kweni nyama murghe.

Marangu 15:21

Kweni asani yendi kalema, asani njakuganthiya, pamwenga yendi kalema kose kaheni ukongwa, kuti mukaperekanga ku Ambuya Chiuta winu cha.

Marangu 17:1

“Kuti mukabayiyanga cha Ambuya Chiuta winu sembe ya ng'ombe pamwenga ya mberere yo ye ndi kalema, pamwenga kaheni ka mtundu we wose, chifukwa Ambuya Chiuta winu wakana ya viyo.

ŴaHebere 7:26

Chifukwa tingukavuka mzukuru mura waviyo, wakupaturika, mzizimu, mziraukazuzi, wakugaukako ku ŵalakwi, wakutumphulika kuchanyako ku machanya;

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?