Wakutaula 8:3 - Tonga Bible 1986

³ tuwapo pa maso pake, reka kuswera penipo makani ngambura kukondweska, pakuti wachita chose chose chitimkondweska.

Wakutaula 8:3 ပူးပေါင်းရင်းမြစ်များ

Chiyambo 47:9

Ndipo Yakobe wanguti kwaku Farao, “Mazuŵa gha virimika vya umoyo wangu ghe virimika machumi pe chumi ndi machumi ghatatu (130); ghaŵa ghamanavi ndi ghaheni mazuŵa gha virimika vya umoyo wa auskefwe mu mazuŵa gha umoyo wawo.”

Nthanthi 14:29

Mweniyo wareka kukala ruŵi wendikuwamo kukuru, kweni mweniyo ngwakukala ruŵiruŵi wakuzga kupusa.

Nthanthi 24:21

Wa mwana wangu, opanga Ambuya ndi karonga, ndipo ungarekanga kuvwiya wose ŵaŵi;

Nthanthi 30:31

tambala wakujikuzga pakwenda, mbuzi ya phongo, ndi karonga wakuchapuka paurongo pa ŵanthu ŵake.

Wakutaula 10:4

Asani ukari wa wakuwusa wakuyukiya ureke kusiya malo ghako, pakuti kujiŵika pasi kupembuzga mphambanu yikuru.

Yesaya 48:4

Chifukwa ndiziŵa kuti mwe ŵanonono, khosi linu ndi msipi wa chisulo mphunu yinu nja mkuŵa,

Danyele 4:35

wose ŵakuja mu charu cha panu pasi ŵapimika nge vyawaka; ndipo wachita kwakiyana ndi khumbu lake mu liŵanja la kuchanya ndi mu ŵakuja mu charu chapasi; ndipo palivi yo wangaziŵa kuja mu janja lake, nanga nkhuti kwaku iyo, “Uchitanji?”

Danyele 5:19

ndipo chifukwa chakuzirwa ko wangumupaska, ŵanthu wose, mitundu ya ŵanthu, ndi makambidu ŵangutenthema ndi kopa paurongo pake. Yo wangukhumba kubaya, wangubaya, ndipo yo wangukhumba kusunga, wangumsunga wamoyo. Yo wangukhumba kumsoska, wangumsoska; ndipo yo wangukhumba kusiska, wangumsiska.