Wakutaula 7:9 - Tonga Bible 1986

⁹ Reka kukaripa ruŵi, pakuti kukaripa kugona mu chifuŵa cha ŵakupusa.

Wakutaula 7:9 ပူးပေါင်းရင်းမြစ်များ

Chiyambo 4:8

Kaini wanguti kwaku Abelu mhurwa wake, “Tiye ku munda.” Ndipo penipo ŵenga mu munda, Kaini wangusoke pa mhurwa wake Abelu, ndi wangumubaya.

2 Samuele 13:22

Penipo Absalomu kuti wangurongoro kanthu kamampha pamwenga kaheni cha ndi Amunone; pakuti Absalomu wangumutinkha Amunone, chifukwa wanguchichizga mzichi wake Tamara.

2 Samuele 13:28

Penipo Absalomu wangulanguliya ŵanyamata ŵake, wanguti, “Muje maso po mwamuwone kuti mtima waku Amunone wakondwa ndi vinyo, ndi chikamba namwe kuti, ‘Kosoni Amunone,’ imwe mukamubaye. Kopa cha; ndamulanguliyani, khwimani muŵe vinkhara.”

2 Samuele 13:32

Kweni Yonadabu mwana waku Shimea, mbali waku Davidi, wanguti, “Mbuyangu wareke kughanaghana kuti wabaya ŵateŵeti wose, ŵana ŵa karonga, chifukwa Amunone pe ndiyo wafwa, pakuti kwakuyana ndi langulu laku Absalomu ichi chenga chakunozgeka kutuliya pa zuŵa liya wanguchichizgiya mzichi wake Tamara.

2 Samuele 19:43

ŴaYisraele wangwamuka ŵaYuda ŵanguti, “Ifwe tendi vigaŵa chumi vyo tisangana ndi karonga, ndipo nanga ndi mwaku Davidi tenavyo kuruska imwe. Sono chifukwa nchine mutiderera? Kumbi kuti ndifwe cha tenga ŵakudanga pa makani gha kuwezga karonga widu?” Kweni mazu gha ŵaYuda ghenga gha ukari kuruska mazu gha ŵaYisraele.

Nthanthi 14:17

Munthu wakukara ruŵi wachita kwakupusa, kweni munthu wa maghanughanu wazika.

Nthanthi 14:29

Mweniyo wareka kukala ruŵi wendikuwamo kukuru, kweni mweniyo ngwakukala ruŵiruŵi wakuzga kupusa.

Nthanthi 16:32

Mweniyo ngwakuura kukwiya ruŵi ngwamamphaku ku wanthazi, ndipo mweniyo wateruzga mzimu wake waruska mweniyo wakwamphuwa msumba.

Nthanthi 25:8

Chenicho jiso lako lawona ungachitolenga mwafulumira mu bwalo, pakuti uchitengenje pa umali, penipo muzengezgani wako wachikulengeska?

Wakutaula 7:10

Ungakambanga cha kuti, “Chifukwa chine mazuŵa gha kale ghenga ghamampha kwakuruska yagha?” Pakuti kafumbidu yaka ufumba kuti nkhakutuliya mu vinjeru cha.

Yona 4:3

Chifukwa cho sono Ambuya, ndimuŵeyani tuzganimo mwangu umoyo wangu, pakuti nkhwamampha kwangu kufwa kuruska kuja wamoyo.”

Yona 4:8

Ndipo kunguŵa, penipo lumwi lingutuwa, Chiuta wangunozga mphepo yachifundizi yakuvuma, ndipo lumwi lingumocha pa mutu Yona, wanguziririka; ndipo wanguromba, ndi wanguti, “Nkhwamampha kuti ndifwe kuruska kuja wamoyo.”

Yona 4:9

Ndipo Chiuta wanguti kwaku Yona, “Kumbi uchita umampha kukalipa chifukwa cha mono?” Ndipo Yona wanguti, “Ndachita umampha kukalipa, chingana ndingafwa.”

Marko 6:19

Ndipo Herodiya wangumfinga wakhumbanga kumbaya; kweni wengavi nthazi;

Marko 6:24

Ndipo wangutuwa ndi kunena ndi anyina, “Ndikapemphe chine?” Anyina ŵangunena nayo, “Mutu waku Yohane Mbatizi.”

Yakobe 1:19

Muziŵa chenichi, mwa ŵabali ŵangu ŵakwanjiwa. Kweni munthu yose waŵe mupusu kwachivwa, wachizita kurongoro, wachizita ku kandundu;