Wakutaula 6:3 - Tonga Bible 1986

³ Asani munthu wabala ŵana machumi pe chumi, ndi kuŵa ndi umoyo wa virimika vinandi, ndi kuti mazuŵa ghavirimika vyake nganandi, kweni umoyo wake kuti ukondwere mu vinthu vyamampha cha, ndipo so muwunda nawo walivi, ndikamba kuti wakupapika kwambura kufikapo pa nyengo yake ngwamampha ukongwa kuruska iyo.

Wakutaula 6:3 ပူးပေါင်းရင်းမြစ်များ

Chiyambo 33:5

Ndipo penipo Esau wanguyunuska maso ghake wanguwona ŵanthukazi ndi ŵana, wanguti, “Mbayani yaŵa we nawo?” Yakobe wanguti, “Mbana ŵeniwo Chiuta wangundipaska ndi wezi ndamuŵanda wako.”

Chiyambo 47:9

Ndipo Yakobe wanguti kwaku Farao, “Mazuŵa gha virimika vya umoyo wangu ghe virimika machumi pe chumi ndi machumi ghatatu (130); ghaŵa ghamanavi ndi ghaheni mazuŵa gha virimika vya umoyo wa auskefwe mu mazuŵa gha umoyo wawo.”

2 ŴaKaronga 10:1

Ahabu wenga ndi ŵana ŵanthurumi machumi ghankhonde ndi ghaŵi muSamaria, viyo Yehu wangulemba ŵakarata, ndi wanguŵatuma ku Samaria, ku ŵeruzgi ŵa msumba ndi ku ŵaraŵara, ndi ku ŵakusunga ŵana ŵaku Ahabu, kunena kuti,

2 ŴaKaronga 9:35

Kweni po ŵarutanga kwachimuŵika ŵengavi kuwona so thupi lake cha, kweni bwaza lake ndi marundi ndi manja ghake.

1 Mikoka 28:5

ndipo mu ŵana ŵangu wose (chifukwa Ambuya andipaska ŵana ŵanandi) asankha Solomoni mwana wangu kuja pa chitengo cha ufumu wa Ambuya paku Yisraele yose.

2 Mikoka 11:21

Rehoboamu wangwanja Maka mwana waku Absolomu kwakuruska ŵawoli ŵake wose ndi mbirigha (wenga ndi ŵawoli chumi pachanya ŵankhonde ndi ŵatatu (18) ndi mbirigha machumi ghankhonde ndi limoza (60) ndipo wenga ndi ŵana ŵanthurumi machumi ghaŵi pachanya ŵankhonde ndi ŵatatu (28) ndi ŵana ŵanthukazi machumi ghankhonde ndi limoza (60)).

Estere 5:11

Ndipo Hamani wanguŵakonkhome kuzirwa kwa usambasi wake ndi unandi wa ŵana ŵake ndi vyose vyo karonga wangumtumbika navyo, ndimo karonga wangumkwezge pachanya pa mafumu ndi ŵanthu ŵa karonga.

Estere 7:10

Karonga wanguti, “Mpayikeni paku weniwo!” Viyo ŵangumpayika Hamani pa muti wo iyo wangulongosore Mordikayi. Ndipo kandundu ka karonga kangutuna.

Jobu 3:11

“Chifukwa nchine ndingureka kufwa pakupapika kwangu, kutuwa mu nthombo ndi kufwa penipo?

Jobu 3:16

Pamwenga chifukwa nchine ndingureka kupapika panyengo yambura kufikapo, yakubisika, nge mbamujedu wo kuti ŵawona ukweru cha?

Sumu 58:8

Ŵaŵe nge ndi nkhono yo yasongonoka; uli nkhufyoka kwa munthukazi, ko kulivi kuwona dazi.

Nthanthi 17:6

Ŵazuku nchisoti cha ŵakukota, ndi unkhankhu wa ŵana ŵanthurumi mbauskeu.

Wakutaula 4:3

kweni yo ngwamwaŵi kwakuruska yaŵa wose ndi mweniyo wandapapike, ndipo wandawone nchitu za ukazuzi zo zichitika panu pasi.

Wakutaula 6:4

Pakuti watuza mu chawaka ndi kututa mu mdima, ndipo zina lake libisika mu mdima;

Yeremiya 22:19

Wakaŵikikanga nge ndi mbunda, wakaguguzikanga ndi kupong'eka kubwalo kwa malikomo gha Yerusalemu.”

Yeremiya 36:30

Chifukwa cho atiti Ambuya gha paku Yehoyakimu karonga waku Yuda: ‘Kuti wakaŵangupu nayo cha wakuja pa chitengo cha ufumu waku Davidi, ndipo chiŵanda chake chikapong'ekanga kubwalo, ku chifundizi ndi msana ndi ku chiuli ndi usiku.

Yeremiya 8:2

ndipo vikanikikanga pa lumwi ndi mwezi ndi maliŵanja ghose gha kuchanya, ghenigho ŵanthu wo ŵangwanja ndi kughatataliya, ghenigho wangurondo, ndi ghenigho ŵangupenja ndi ŵangughasopa, ndipo kuti vikaunjikikanga chingana nkhuŵikika cha: vikaŵanga nge ndi vundira pa chisku cha charu.

Mateyu 26:24

Kweni Mwana wa munthu waruta, uli ndimo kwalembeke ndi iyo; kweni owe ku munthu yo mweniyo Mwana wa munthu wapachirika nayo! Kwenga kwamampha kwaku iyo, asani wengavi kupapika.”