Wakutaula 3:3 - Tonga Bible 1986

³ nyengo yakubayiya, ndi nyengo yakuchizgiya; nyengo yakubwanganduliya pasi, ndi nyengo yakuzenge;

Wakutaula 3:3 ပူးပေါင်းရင်းမြစ်များ

Chiyambo 9:6

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

Yesaya 44:26

mweniyo wakhozga mazu gha ŵateŵeti ŵake, ndipo wafiska fundu za mathenga ghake, mweniyo watiti gha paku Yerusalemu, ‘Wakajangamo ŵanthu,’ ndi gha mizi yaku Yuda, ‘Yikazengekanga; ndipo ndikasoskanga so malo ghawo gha mapopa’;

Yesaya 6:10

Utuluvye mitima ya ŵanthu yaŵa, makutu ghawo ghaŵe ghazituzitu, ndi ujare maso ghawo; vinu ŵangawona ndi maso ghawo, ŵangavwa ndi makutu ghawo, ndi ŵangawomo ndi mitima yawo, ŵangang'anamuka ndi ŵangachizgika.”

Yeremiya 1:10

Wona ndakumika iwe msana wale pa mitundu ndi pa maufumu, kupontho ndi kuswiya pasi, kubwanganduwa ndi kuthereska, kuzenga ndi kupanda.”

Yeremiya 31:28

Ndipo kukaŵanga, uli ndipo ndaŵalereze pa kupawuwa ndi kufyore pasi, kuwiska, kunanga, ndi kutoliyapo chiheni, viyo ndikaŵalereziyanga so pa kuzenga ndi kupanda, atiti Ambuya.

Yeremiya 33:6

Ehe, ndikatolenga kwaku wo umoyo ndi kuchizga, ndipo ndikaŵachizganga ndi kuŵalongo kuzara kwa vyakusakata ndi wanangwa.

Yeremiya 45:4

Ukakambe kwaku iyo, Viyo atiti Ambuya: Ehe, chenicho ndazenga ndibwanganduliya pasi, ndipo chenicho ndapanda ndipawuwa, charu chose ichi.

Ezekiele 13:14

Ndiwiskiyenge pasi linga lo mwamata ndi utoto, kulibwanganduliya pasi ske mwakuti chiŵanja chake chiŵenge pakweru; lichiwa, imwe mukamariyanga mukati mwake; ndipo mukaziŵanga kuti ine ndine Ambuya:

Hagayi 1:2

“Viyo atiti Ambuya ŵa maŵanja: Ŵanthu yaŵa ŵatiti nyengo kuti yafikapo cha yakuzenge so nyumba ya Ambuya.”

Hagayi 1:4

“Kumbi ndi nyengo iyi kwaku imwe kuja mu nyumba zamampha zamathabwa ghakupala, penipo nyumba iyi njakupasuka?

Zekariya 1:12

Penipo mungelo wa Ambuya wanguti, ‘Ambuya ŵa maŵanja, kumbi mpaka zuŵanji murekenge kuŵa ndi lisungu pa Yerusalemu ndi pa misumba yaku Yuda, yo mungutundiya nayo virimika ivi machumi ghankhonde ndi viŵi (70)?’

Marangu 32:39

“ ‘Wonani sono kuti ine, ine pe ndine iyo. Palivi chiuta munyake pade paku ine. Ine ndibaya ndi ndipaska umoyo, ndigwaza ndi ndichizga, ndipo palivi yumoza wangataska ku janja langu.

1 Samuele 2:25

Asani munthu walakwiya munyake, Chiuta wakamuŵiyanga mwenda-pakati; kweni asani munthu walakwiya Ambuya, ndiyani yo wakamuŵeyeriyanga iyo?” Kweni ndipuuli kuti ŵanguvwiya mazu gha auskeu cha; pakuti linguŵa khumbu la Ambuya kuŵabaya.

1 Samuele 2:6

Ambuya abaya ndi kutore ku umoyo; aserezga pasi ku muunda, ndi kuyuska so.