Wakutaula 11:3 - Tonga Bible 1986

³ Asani mitambo yazaza vuwa, yitiyipunguliya pa charu; ndipo asani muti wawa ku malaŵi pamwenga ku nkhonde, pa malo po muti, wawiya, ndipo ukagonanga.

Wakutaula 11:3 ပူးပေါင်းရင်းမြစ်များ

1 ŴaKaronga 18:45

Ndipo pa kanyengo kamanavi kuchanya kungufipa ndi mitambo ndi mphepo, ndipo kwenga vuwa yikuru. Ndipo wangukwera wanguruta ku Yeserele.

Wakutaula 11:2

Pereka chigaŵa ku ŵankhonde ndi ŵaŵi pamwenga ŵankhonde ndi ŵatatu, pakuti kuti uziŵa cha mbuheni wa mtundu uli uŵenge pa charu chapasi.

Wakutaula 11:4

Yo walereska mphepo kuti wakamijanga cha; ndipo wakughanaghana ndi mitambo kuti wakavunanga cha.

Mateyu 3:10

Ndipo sono nako mbavi yajikika ku nkhorozu za miti, chimuti chose chakureka kupasa vipasi vyeneko chitemeka ndipo chipong'eka mu moto.

Luka 13:7

Ndipo wanguti ku mlimi mphereska, ‘Awona, virimika ivi vitatu sono nthuza chipenja chipasi mu mkuyu uwu, ndipo kuti ndichisaniyapo cha; uwudumuliye pasi; chifukwa chine usuŵizga so charu?’

1 Yohane 3:17

Kweni yose yo we nacho chuma cha charu, ndipo wawona mbali wake kuti wakavuka, ndi wamjariya lisungu lake, chanju cho chaku Chiuta chija uli mwaku iyo?