Wakutaula 11:2 - Tonga Bible 1986

² Pereka chigaŵa ku ŵankhonde ndi ŵaŵi pamwenga ŵankhonde ndi ŵatatu, pakuti kuti uziŵa cha mbuheni wa mtundu uli uŵenge pa charu chapasi.

Wakutaula 11:2 ပူးပေါင်းရင်းမြစ်များ

Nehemiya 8:10

Sono ŵanguti kwaku wo, “Rutaninga kwinu, kargheninga mafuta ndi kamweninga vinyo wakunowa ndipo vinyake mukatumiyenge yo walivi kujilongosore; pakuti zuŵa ili ndakupaturika ku Ambuya widu; ndipo mungaŵanga ŵachitima cha, pakuti chimwemwe cha Ambuya ndi nthazi yinu.”

Estere 9:19

Chifukwa ichi ŵaYuda ŵamu mizi yambura malinga, ŵangulichita zuŵa la chumi ndi ghanayi la mwezi Adara kuŵa zuŵa la likondwa ndi la dghera zuŵa lamampha, lakutumirana twamampha-twamampha.

Estere 9:22

pakuti ndi mazuŵa mwaku ghenigho ŵaYuda ŵangupumuwa ku ŵarwani ŵawo mwezi weniwo chitima chawo chingusanduka chimwemwe, ndi kutenje kungusanduka zuŵa lamampha; kuti ŵaghasunge kuŵa mazuŵa gha dghera, ndi chimwemwe, ndi ghakutumirana vyawezi ndi kupaska ŵasauchi vyawanangwa.

Jobu 5:19

Wakakutaskanga ku visuzgu vinkhonde ndi chimoza, mu chachinkhonde ndi chiŵi pakaŵangavi chiheni chakukukwaska.

Sumu 112:9

Wapaska kwa wanangwa ku ŵasauchi, ndipo wezi wake ngwa muyaya; wakaŵanga ndi mazaza ndi kutumbikika.

Nthanthi 19:17

Mweniyo ngwa chifundu ku mukavu wakongoleska Ambuya, ndipo akamulipanga pa nchitu yake.

Nthanthi 6:16

Pe vinthu nkhonde ndi chimoza vyenivyo Ambuya atinkha, nkhonde ndi viŵi vyenivyo mbukazuzi kwawo:

Wakutaula 11:3

Asani mitambo yazaza vuwa, yitiyipunguliya pa charu; ndipo asani muti wawa ku malaŵi pamwenga ku nkhonde, pa malo po muti, wawiya, ndipo ukagonanga.

Wakutaula 11:8

Pakuti asani munthu watuŵa ndi umoyo wa virimika vinandi, wakondwenge mwaku vyose vyo, kweni watenere kukumbuka kuti mazuŵa gha mdima ghakaŵanga ghanandi. Chose cho chituza nchawaka.

Wakutaula 12:1

Kumbuka so Mlengi wako mu mazuŵa gha unyamata wako, ghenga ghandazi mazuŵa ghaheni, ndi virimika vyenga vindafike, penipo wazamukamba kuti, “Ndilivi likondwa mwaku vyo.”

Danyele 4:27

Viyo, karonga, muronde chenjezgu, langu; mureke kuchita uheni, ndi mwanji kuchita urunji, mureke maubedezi ghinu pakurongo lisungu ku ŵakusuzgika, kuti vinu nyengo ya chimangu chinu yingakuskikiyako.”

Mika 5:5

Ndipo ichi chikaŵanga chimangu, po ŵaAsiriya ŵatuza mu charu chidundi kukanda pa dongo lidu, kuti timuyuskiye ŵaliska ŵankhonde ndi ŵaŵi, ndi ŵakaronga ŵankhonde ndi ŵatatu.

Mateyu 18:22

Wamunene Yesu, “Kuti nditukunene mpaka kankhonde ndi kaŵi cha, kweni, mpaka kamachumi ghankhonde ndi ghaŵi kuwerezga kankhonde ndi kaŵi.

Mateyu 5:42

Paska kwaku yo wakupempha, ndipo ku wakukhumba kulamba kwako, ungamukaniya cha.

Luka 17:4

Ndipo asani kankhonde ndi kaŵimu zuŵa wangakulakwiya, ndi kankhonde ndi kaŵi wanganyongoke kwako, wakuti, ‘Ndape’; umgowokiyenge.”

ŴaGalatia 6:1

Mwaŵabali, asani munthu wakoreka mu ubudi wakuti e, imwe mwa ŵamzimu munyoroskeni waviyo mu mzimu wa upovu, pakujithoŵa wamweni, vinu nawe so ungeseka.

ŴaEfeso 5:16

ŵakujiwombole nyengo, pakuti ngaheni mazuŵa gho.

ŴaHebere 13:3

Kumbukani ŵamagoŵa wo ulimba kumangikiya pamoza nawo; kumbukani wo mbakuchitikiya uheni, pakuti namwe so mwe muliŵavu lo.

1 Samuele 25:8

Uŵafumbe ŵanyamata ŵako, ndipo ŵakakukambiyanga. Chifukwa ichi ndipempha kuti ŵanyamata ŵangu aŵa ŵasaniye wezi mu maso ghako, pakuti ichi ndipempha kuti ŵanyamata ŵangu aŵa ŵasaniye wezi mu maso ghako; pakuti ili ndi zuŵa la likondwa la dghera lidu. Ndiromba, ŵapaskeni ŵateŵeti ŵinu ndi mwana winu Davidi kose ko mwenako mu janja linu.’ ”