Wakutaula 1:9 - Tonga Bible 1986

⁹ Cho chengako ndicho chikaŵangako, ndipo cho chikuchitika ndichu chikachitikanga; kulivi chinthu chifya pa charu cha pasi.

Wakutaula 1:9 ပူးပေါင်းရင်းမြစ်များ

Wakutaula 1:10

Kumbi chiripo chinthu paku chenicho kungakambika kuti, “Awonani, ichi nchifya?” Chengako kale, ifwe tenga tindaweko.

Wakutaula 2:12

Viyo ndingung'anamuka kughanaghana vinjeru, kufuntha, ndi uzereza; chifukwa wangachitanji munthu yo watuza pavuli pa karonga? Nchenicho pe wakuchita kale.

Wakutaula 3:15

Cho chiriko chinguŵako ndi kale, cho chikaŵangako chinguŵako kale; ndipo Chiuta wapenja cho chadikiskikiya kutali.

Wakutaula 6:10

Cho chose chikuŵapo chikudanika kale zina, ndipo kukuziŵikwa mo munthu waliri, kuti waziŵa kulimbana ndi yo ngwanthazi kuruska iyo cha.

Wakutaula 7:10

Ungakambanga cha kuti, “Chifukwa chine mazuŵa gha kale ghenga ghamampha kwakuruska yagha?” Pakuti kafumbidu yaka ufumba kuti nkhakutuliya mu vinjeru cha.

Yesaya 43:19

Ehe, ndichita chinthu chifya; sono chifwatapuka, kuti mutichiteska cha? Ndikachitanga nthowa mu bozwa ndi misinji mu bozwa.

Yeremiya 31:22

Mpaka zuŵanji ukayingangayinganga, wa mwana munthukazi wambura magomezgeka? Pakuti Ambuya achita chinthu chifya, pa charu chapasi: munthukazi ndiyo wavikiriya munthurumi.”

2 Petro 2:1

Kweni so ŵanguŵa mu khamu lo ŵamchimi ŵatesi, uli ndimo mwaku imwe namwe muŵiyenge ŵasambizgi ŵatesi, ŵeniwo ŵaserengemu kwaudeke ndi mipambuku yakwananga, ndi kumkana Mweneko yo wanguŵawombo, ndi kujitole viyo kunanga kwa paruŵi.

Chivumbuzi 21:1

Ndipo ndinguwona kuchanya kufya ndi charu chifya: chifukwa kuchanya kwakudanga ndi charu chakudanga vyarutapo, ndipo kwengavi so nyanja.

Chivumbuzi 21:5

Mweniyo wajanga pa chitengu-chaufumu cho wanguti, “Awonani; ndizghora vinthu vyose viŵe vifya.” Ndipo wanguti, “Lembapo: pakuti mazu yagha ngamagomekezgeka ndi ghakuneneska.”