ŴaKolose 4:1 - Tonga Bible 1986

¹ Mwaŵambuyau, cho nchakurunjika ndi chakuyamu ŵachitiyeni ŵaŵanda ŵinu, pakuziŵa kuti imwe namwe mwe nayo Mbuya kuchanya.

ŴaKolose 4:1 ပူးပေါင်းရင်းမြစ်များ

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

Yesaya 58:3

‘Chifukwa chine tafunga, ndipo iwe kuti utichiwona cha? Chifukwa chine tajorovya ndipo iwe kuti uziŵa ichi cha?’ Ehe, mu zuŵa lakufunga kwinu mupenja vyakumukondwereskani vyakumwija, ndipo muyuzga ŵa nchitu ŵinu wose.

ŴaLevi 19:13

Mungayuzganga muzenegezgani winu cha; pamwenga kumubiya. Malipilo gha wanchitu mungaghasunganga usiku wose mpaka ku mlenji cha.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Mateyu 20:4

ndipo kwaku ŵeniwo wanguti, ‘Kaninga namwe so ku munda wo wa mphereska, ndipo cho chingaŵa chakurunjika, ndikupaskeninge.’ Ndipo ŵanguruta.

Luka 19:15

Ndipo kunguŵa kuti, wanguti wawe iyo, wati waronde ufumu wo, wangulangula ŵadanikiye kwake ŵaŵanda yaŵa, ŵeniwo wangupaska zo ndrama, alinga waziŵe cho ŵangwanduwa.

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

Yakobe 5:4

Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.