ŴaKolose 3:5 - Tonga Bible 1986

⁵ Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

ŴaKolose 3:5 ပူးပေါင်းရင်းမြစ်များ

Chituwa 37:22

Mitu yake ndi mphanda zake vyenga chiŵaru chimoza ndi icho, chose chenga chiŵaru chimoza, chakusula yiwo cha golide.

Mateyu 15:19

Chifukwa mu mtima mutuliya maghanaghanu ghaheni, zimbanda, maureŵi, mauyaya, maunkhungu, visimisimi vitesi, matuka.

ŴaRoma 1:26

Chifukwa chenichi Chiuta wanguŵapereka ku maulakalaka ghaunyakazi: chifukwa ŵanthukazi ŵawo ŵangusanduska kachitiro ka kawi kuŵa kambura kawi.

ŴaRoma 1:29

pakuzazika iwo ndi uwuraurunji wose, uheni, bina, nkhaza; pakuzara chiŵinu, mbanda, ndeu, fuzi, kapimidu kaheni; ŵamtokutoku,

ŴaRoma 6:13

Ndipo viŵaru vinu mungavipereka cha ku ulakwi nge ndi vitataliru vya uwura-urunji; kweni mujipereke kwaku Chiuta, nge mbamoyo ku ŵakufwa, ndi viŵaru vinu nge ndi vitataliru vya urunji kwaku Chiuta.

ŴaRoma 6:6

pakuziŵa chenichi, kuti unthu widu wakali ungupayikikiya pamoza nayo, alinga kuti liŵavu lo la ulakwi liwayulike, viyo kuti tireke ifwe kuŵa so ŵaŵanda ku ulakwi;

ŴaRoma 7:23

kweni mu viŵaru vyangu ndithoŵa dangu lamwenga, lakurwiya pa chilangulu cho cha vinjeru vyangu, ndi lakundikole mkoli ku dangu lo la ulakwi, lo le mu viŵaru vyangu.

ŴaRoma 7:5

Chifukwa penipo tajanga kwakuyana ndi kaŵiro ka unthu widu, makhumbiro gha maulakwi, gho ghanguziya mu chilangulu cho, ghachitiyanga mu viŵaru vidu, kwachipasiya vipasi ku nyifwa.

ŴaRoma 8:13

chifukwa asani mujariya ŵamoyo kwakulingana ndi nyama, mukafwanga; kweni asani ndi Mzimu mufwiska machitidu gha liŵavu lo, muŵenge wamoyo,

1 ŴaKorinte 5:1

Nadidi kuvwika kuti mwinu mwe ureŵi; ureŵi wakuti chingana ndi mu ŵamtundu kuti ulipo wa viyo cha, kuti munthu walakwenge ndi muwoli wa awiske!

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

1 ŴaKorinte 6:13

“Vyakurgha vikuŵiyako chifukwa cha rufu, ndi rufu chifukwa cha vyakurgha”: kweni Chiuta wakamaranga ilo ndi ivyo so. Kweni liŵavu kuti nda ku ureŵi cha, kweni ku Ambuya; ndi Ambuya ku liŵavu.

1 ŴaKorinte 6:18

Uthaŵeni ureŵi wo, chakulakwa chose cho wangachita munthu che kubwaro ku liŵavu; kweni yo ngwakureŵa walakwiya liŵavu laku yija.

2 ŴaKorinte 12:21

Nditopa kuti vinu, ndichiza so ine, Chiuta wangu wangandiyuyuska paurongo pinu, ndipo ndingatenjere ŵanandi ŵaku wo ŵalakwa kali, ndi ŵandajipezge pa chifukwa cha ukazuzi wo ndi ureŵi ndi uyaya wo ŵanguchita.

ŴaGalatia 5:24

Ndipo ŵeniwo mbaku Kristu Yesu ŵapayika nyama pamoza ndi maulakalaka ndi malikhumbira ghake.

ŴaEfeso 4:19

weniwo pakuŵa ŵakukurung'undiya ŵangujikonbole ku uyaya kwachitataliya wiyuwose kwalinweka.

ŴaKolose 2:11

Mwaku mweniyo so mwachinjikiya ndi muchinju wakuchitika ndi manja cha, pa kuzuwa liŵavu la nyama, mu mchinju wo waku Kristu;

1 ŴaTesalonika 4:3

Chifukwa khumbo laku Chiuta ndenili, kutozgeka kwinu nkhwakuti mujitintheko ku ureŵi:

1 ŴaTesalonika 4:5

mu ulakalaka wa likhumbira cha, nge ndi mitundu yakuura kumziŵa Chiuta;

1 Timote 6:10

Chifukwa kwanja ndrama ndi msisi wa mauheni ghose; pakutambazukiya chenicho ŵanyake ŵarandizgika nacho kutuwako ku chivwanu cho, ndipo ŵakoreka ndi soni zinandi.

ŴaHebere 12:16

vinu wangaŵapo mureŵi yumoza, pamwenga wawaka ngendi Esau, mweniyo pa mtanda umoza wa chakurgha wanguguriska ura wake.

ŴaHebere 13:4

Nthengwa yiŵe yaulemu mwaku wose, ndipo chita chiŵe chikhovu: chifukwa ŵareŵi ndi ŵarowozi waŵeruzgenge Chiuta.

ŴaHebere 13:5

Nkharu yinu yingaŵanga yakwanja ndrama cha; mukhorwe ndi vyo mwe navyo; chifukwa wanguti mweneko, “Kuti ndamleka iwe cha, chingana nkhuti ndamsiya iwe cha kosekose.”

Yakobe 4:1

Nchine cho chichitiska mahomwa ndi nchine cho chichitiska mapindanu mukati mwinu? Asi nga kweniko, ku malikondwa ghinu ghakurwiya mu viŵaru vinu?

1 Petro 2:11

Mwaŵakwanjiwa, ndikuŵeyereni nge mbayinga ndi ŵalendo kufunga pa maulakalaka ghanyama, ghenigho ghaturwa pa uzima wo.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.