ŴaKolose 3:4 - Tonga Bible 1986

⁴ Penipo Kristu, yo mbumoyo widu, wamuwoneka, penipo ndipo imwe namwe mwamuwoneka pamoza nayo mu unkhankhu.

ŴaKolose 3:4 ပူးပေါင်းရင်းမြစ်များ

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Sumu 73:24

Mutindirongozga ndi chirunguchizgu chinu, ndipo pa umari mwa mkundironde ndi chitumbiku.

Mateyu 13:43

Penipo ŵarunji ŵaŵalenge nge ndi dazi mu ufumu wa Auskeu. Wakuŵa ndi makutu yo, wavwe.

Luka 17:30

viyo ndimo kuŵiyenge mu zuŵa lenilo Mwana wa munthu wavumbulikiyenge.

Yohane 11:25

Wangumnene Yesu, “Ine ndine Chiyuka ndi Umoyo; wakuvwana mwaku ine, chingana wangafwa, waŵenge wamoyo,

Yohane 14:3

Ndipo asani ndaruta ndi kukurongosoleni malo, ndituza so, ndipo ndazamkukutoriyani kwaku ndamweni; alinga kuti ko nde ine, namwe so muŵe kweniko.

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yohane 17:24

Ada, wo mwandipaska, ndikhumba kuti ko nde ine, iwo nawo ŵaŵe pamoza nane; mwakuti ŵawone unkhankhu wangu, weniwo mukundipaska; pakuti mungundanja, chenga chindajarikike charu.

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

Machitidu gha Ŵakutumika 3:15

kweni chirongozgi wa Umoyo mungubaya, mweniyo Chiuta wanguyuska ku ŵakufwa; waku chenicho te ŵakaboni ifwe.

ŴaRoma 8:18

Chifukwa ndipima kuti vinkhurukusweka vya nyengo yamakono kuti vi tenere cha kulinganizgika ndi unkhankhu wo ukavumbulikanga kwaku ifwe.

ŴaRoma 8:19

Pakuti chilereze chakunweka cha ulengi chilindizga kuvumbulika kwa ŵana ŵaku Chiuta.

1 ŴaKorinte 1:7

viyo kuti mupereŵe mu chawezi cha mzimu che chose so cha pakulindizga uvumbuzi wa Ambuyafwe Yesu Kristu;

1 ŴaKorinte 15:43

Limijika mu myuyu; liyuskika mu unkhankhu. Limijika mu unthomboru; liyuskika mu nthazi.

2 ŴaKorinte 4:17

Chifukwa suzgu yidu yiyuyu yakanyengo yititataliya kwakutaruliya taruliya uzituwa muyaya wa unkhankhu wambura mapimika.

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

ŴaFilipi 3:21

mweniyo wamsanduska liŵavu lidu la kuyuyulika kuti lilinganizgike ndi liŵavu la unkhankhu wake, kwakuyana ndi nthazi yo ye mwaku iyo yeniyo so wathereskiyenge vinthu vyose kwaku iyo mweneko.

1 ŴaTesalonika 4:17

pavuli pake ifwe taŵamoyo, taŵakujaririya, tikakwamphulikiyanga pamoza nawo mu mitambo, kwachikumana ndi Ambuya mude; ndipo viyo tikaŵanga muyaya pamoza ndi Ambuya.

1 Timote 6:14

ndikuchiska sungirizga langulu lo lizira donthu, lizira kalema, mpaka ku chiwoneka cha Ambuyafwe Yesu Kristu;

2 Timote 1:1

Kalata wakutuwa kwaku Paulo wakutumika waku Kristu mu khumbu laku Chiuta, uli ndi phanganu la umoyo wa mwaku Kristu Yesu,

2 Timote 4:8

chajako kuti chiŵikikiye ine chifuku cho cha urunji, chenicho Mbuya, cheruzga yo murunji, wandipaskenge mu zuŵa liya: ndipo kwaku ine pe cha, kweni so kwaku wose ŵeniwo ŵanja chiwoneka chake.

Tito 2:13

pakulereze chigomekezgu cho chamwaŵindi chiwoneka cha unkhankhu waku Chiuta mkhuru ndi wa Mtaski widu Yesu Kristu;

ŴaHebere 9:28

viyo Kristu nayo, wati waperekeka kamoza kwachinyamuliya vilakwa ŵanandi, wamwoneka kachiŵi, kwambura maulakwi, ku ŵakumlereze, kwachiŵataska.

1 Petro 1:13

Chifukwa chenichi pakujichinyiya mu vionu vya vinjeru vinu, zizani ndi gomekezgiyani limu kwaumari pa wezi wo utolekiyenge kwaku imwe pa uvumbuzi waku Yesu Kristu;

1 Petro 5:4

Ndipo wachirongoleka Mliska mura yo, mwamronde ndumbu yambura mafoteka ya unkhankhu.

1 Yohane 2:28

Ndipo sono, mwatwana twangu, jaririyani mwaku iyo, alinga kuti, wachiwoneka, tiŵe ndi chigomezgu ndi kulengeka lilengu cha paurongo pake, pa uzi wake.

1 Yohane 3:2

Mwaŵakwanjiwa, sono te ŵana ŵaku Chiuta, ndipo chindarongoleke ndasono mo tiŵiyenge. Kweni tiziŵa kuti, penipo wakawonekanga, tikaŵanga ŵakukozgana nayo; pakuti tikamuonanga mo waliri.

1 Yohane 5:12

Mweniyo we ndi Mwana yo we nawo umoyo; yo walive Mwana waku Chiuta walive umoyo.

Yuda 1:24

Ndipo kwaku mweniyo ngwanthazi kumbhozgani ŵambura kuguŵa, ndi kumjarikani paurongo pa unkhankhu wake ŵambura kalema mu chimwemwe chenichikuru,

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

Chivumbuzi 22:1

Ndipo wangundirongo msinji wa maji gha umoyo, wakulangaliya ulaka ndi galase, langa-langa, wo utuliya ku chitengu-chaufumu chaku Chiuta ndi cha Mwana-mberere,

Chivumbuzi 22:14

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.