ŴaKolose 3:3 - Tonga Bible 1986

³ Chifukwa mungufwa, ndipo umoyo winu wabisikiya pamoza ndi Kristu mwaku Chiuta.

ŴaKolose 3:3 ပူးပေါင်းရင်းမြစ်များ

Mateyu 11:25

Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu.

Yohane 14:19

Kachalipo kanyengo kamanavi, ndipo charu cho kuti chindiwonenge so cha; kweni imwe mundiwonenge; chifukwa ine ndi wamoyo namwe so muŵenge ŵamoyo.

Yohane 3:16

Pakuti Chiuta wangwanja viyo charu, viyo kuti wangupaska Mwana wake wakuwayija, alinga kuti yose wakuvwana mwaku iyo wareke kutayika, kweni waŵe ndi umoyo wamuyaya.

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Yohane 5:21

Chifukwa uli ndimo Dada wayuskiya ŵakufwa ndi kuŵasanduska ŵamoyo, viyo Mwana nayo waŵasanduskenge ŵamoyo ŵeniwo wakhumba.

Yohane 5:24

Nadidi, ndikuneneskiyani, yo ngwakuvwa mazu ghangu, ndi ngwakuvwana mwaku yo wangundituma, we nawo umoyo wamuyaya, ndipo kuti watuza ku cheruzgu cha, kweni wajumpha kutuwa ku nyifwa kuya ku umoyo.

Yohane 5:40

kweni kuti mukhumba kuza kwaku ine cha, mwakuti muŵe umoyo.

ŴaRoma 5:10

Chifukwa asani, tenga teche ŵamawongu, tingwanjaniskikiya kwaku Chiuta mu nyifwa ya Mwana wake, ukongwako, taŵakwanjaniskika titaskikenge mu umoyu wake.

ŴaRoma 5:21

alinga kuti, uli ndimo ulakwi wo unguwusiya ku nyifwa, viyo so wezi wo unguwusiya mu urunji ku umoyo wamuyaya mwaku Yesu Kristu Ambuyafwe.

ŴaRoma 6:11

Viyo namwe mujipime ŵakufwa kuchiri ku ulakwi, kweni ŵamoyo kuchiri kwaku Chiuta mwaku Kristu Yesu.

ŴaRoma 6:2

Kungaŵanga viyo cha! Taŵenifwe tingufwa ku ulakwi, tijaririyenge ŵamoyo so uli mwenimo?

ŴaRoma 8:2

Chifukwa langulu la Mzimu wa umoyo mwaku Kristu Yesu landifwatuwa ku dangu lo la ulakwi la nyifwa.

1 ŴaKorinte 15:45

Viyo so kwalembeka, “Munthu wakudanga yo Adamu, wanguŵa mzimu wakututa”; Adamu wakumariya yo wanguŵa mzimu wakupaska umoyo.

1 ŴaKorinte 2:14

Kweni munthu wambura mzimu kuti wangaronde vyawanangwa vya Mzimu waku Chiuta cha chifukwa kwaku iyo vye kupusa; ndipo kuti waziŵa kuviteska cha, pakuti viteruzgika ndi mzimu.

2 ŴaKorinte 5:14

Chifukwa chanju chaku Kristu chititikakamizga, taŵakweruzga chenichi, chakuti Yumoza wangufwiya wose, viyo wose wangufwa;

2 ŴaKorinte 5:7

chifukwa titende mu chivwanu, mu kawonedu cha.

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

ŴaEfeso 3:9

ndi kuŵangweruskiya wose mo uliri uteŵeti wa mangari ghenigho kutuwa ku muyaya ghabisika mwaku Chiuta Mlengi wa vinthu vyose;

ŴaFilipi 4:7

Ndipo chimangu cho chaku Chiuta, cho chizungura kuwamo kose, chikalindiyanga mitima yinu ndi vinjeru vinu mwaku Kristu Yesu.

ŴaKolose 1:5

chifukwa cha chigomekezgu cho chiŵikikiya imwe kuchanya. Ndipo ichi nchenicho mukuvwa kali mu mazu gha uneneska wa evangeli, wo mukuronda;

ŴaKolose 2:20

Mungufwiya pamoza ndi Kristu, viyo nthazi ya charu yirivi mtufu paku imwe. Chifukwa nchine nanga mweche kuja nge mwe ŵa charu? Mweche kujithereska ku marangu nge ngakuti:

ŴaKolose 2:3

mwaku mweniyo mwe mbiku zose zakubisika za zeru ndi mziŵiru.

ŴaKolose 3:4

Penipo Kristu, yo mbumoyo widu, wamuwoneka, penipo ndipo imwe namwe mwamuwoneka pamoza nayo mu unkhankhu.

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

1 Petro 3:4

kweni munthu yo wakubisama mu mtima, watenere kadghoŵedu kambura kuwo, ka mzimu upovu ndi wachisisi, wo pa maso ghaku Chiuta ngwakuzirwa ukongwa.

1 Petro 4:2

viyo kuti mu nyengo yakujamo so mu liŵavu mungajariyanga ku maulakalaka gha ŵanthu so cha, kweni ku khumbo laku Chiuta.

1 Yohane 3:2

Mwaŵakwanjiwa, sono te ŵana ŵaku Chiuta, ndipo chindarongoleke ndasono mo tiŵiyenge. Kweni tiziŵa kuti, penipo wakawonekanga, tikaŵanga ŵakukozgana nayo; pakuti tikamuonanga mo waliri.

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’