ŴaKolose 3:24 - Tonga Bible 1986

²⁴ pakuziŵa kuti ku Mbuya mwamuronde mphoto yinu ya chihara cho: muteŵete Ambuya Kristu.

ŴaKolose 3:24 ပူးပေါင်းရင်းမြစ်များ

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

Nthanthi 11:18

Munthu wa mphurupu watanduwa mphotu yakupusika, kweni mweniyo wamija urunji waronde mphotu yeneko.

Mateyu 10:41

Yo waronde mchimi mu zina la umchimi, warondenge mphotu ya mchimi; ndipo yo waronde mrunji mu zina la urunji wake, mphotu ya mrunji warondenge.

Mateyu 5:12

Sangarukani ndi kondwani, pakuti mphotu yinu njikuru kuchanya; chifukwa wanguŵaŵemba viyo ŵamchimi ŵa paurongo pinu.

Mateyu 5:46

Chifukwa asani munganja ŵakukwanjani pe, mwendiphotu uli? Asi ŵamsonkhu nawo ŵachita chenicho?

Mateyu 6:16

“Ndipo penipo pose mungafunga, mungaŵanga nge mbakufuvya cha, ŵakuzimbwachisku: chifukwa ŵazimbwiska visku vyawo alinga kuti ŵawoneke ku ŵanthu kuti mbakufunga. Nadidi ndikuneniyani, ŵakuronde mphotu yawo.

Mateyu 6:5

“Ndipo penipo uromba, ungaŵanga nge mbakufuvya cha; pakuti ŵatanja kuma ndi kuromba mu masinagoge ndi mu ndekanu za miseu, kuti ŵawoneke ku ŵanthu. Nadidi ndikuneniyani, ŵaronda mphotu yawo.

Luka 14:14

Ndipo uŵenge wakutumbikika; pakuti ŵalive chakuwerezgiyapo kwako: chifukwa kuwerezgekiyenge kwaku iwe mu chiyuka cha ŵarunji.”

Luka 6:35

Kweni muŵanje ŵamawongu ŵinu, ndipo ŵachitiyeni umampha ndi ŵalambiskeni kwambura kugomekezgako kanthu; ndipo mphoto yinu yiŵenge yikuru, ndipo mukaŵanga ŵana ŵa wamdengwendi: pakuti iyo ngwamampha ku ŵambura-kuwonga ndi ŵaheni.

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Machitidu gha Ŵakutumika 20:32

Ndipo sono ndikuseserekezgani kwaku Chiuta, ndi ku mazu gha wezi wake, kwaku mweniyo ngwanthazi kukuzengani, ndi kukupaskani chihara mwaku wose ŵeniwo ŵapaturiskika.

ŴaRoma 1:1

Kalata wakutuwa kwaku Paulo, mteŵeti waku Yesu Kristu, wakutumika wakusankhika ndi wakudanika ndi Chiuta kwachisambizga uthenga wamampha waku Chiuta:

ŴaRoma 14:18

Chifukwa yo wateŵete Kristu mwaku vyenivyo, ngwakukondweska Chiuta, ndi ngwakurumbika ndi ŵanthu.

1 ŴaKorinte 11:23

Chifukwa ine ndinguronde ku Ambuya chenicho so ndingupereka kwaku imwe, kuti Ambuya Yesu mu usiku wo wakumbolekiyanga, wanguto chiŵande.

1 ŴaKorinte 3:8

Ndipo wakupanda ndi wakudiriya maji mbamoza: kweni yose wajirondiyenge mphotu yaku yija kwakulingana ndi chitakataka chaku yija.

1 ŴaKorinte 7:22

Chifukwa yo wangudanikiya mu Ambuya, pakuŵa muŵanda, ndi mwanangwa mu Ambuya: kwakulingana nayo wangudanika pakuŵa mwanangwa, ndi muŵanda waku Kristu.

ŴaGalatia 1:10

Chifukwa kumbi ndiwoja ŵanthu, pamwenga Chiuta iyo? Pamwenga ndilembe kukondweska ŵanthu? Asani ndale ndakondweskanga ŵanthu, mphanyi kuti ndingawa mteŵeti waku Kristu cha.

ŴaEfeso 6:6

kwakutataliya jiso cha, nge mbakukondweska ŵanthu, kweni nge mbateŵeti ŵaku Kristu, ŵakuchita khumbu laku Chiuta mu mtima;

ŴaEfeso 6:8

pakuziŵa kuti chose chamampha chenicho munthu ndi munthu wangachita, chenicho wamronde so ku Ambuya, chingana ndi muŵanda, chingana ndi mwanangwa.

ŴaKolose 2:18

mureke kususkika mu uja winu ndi ŵanthu wo ŵatenda mukujinanga maumoyo ghawo ndimu chisopa cha ŵangelo, wo ŵakujimiskiya pa viwona vyawo, ndi kujithamiya bweka ndi chinjeru chawo chanyama,

ŴaHebere 10:35

Viyo mungataya cha chigomekezgu chinu, cho che nayo mphotu yikuru.

ŴaHebere 11:6

Kweni kwambura chivwanu kutondeka kumkondweska: chifukwa yo watuza kwaku Chiuta wakavwananga kuti waliko, ndipo kuti ngwakuŵalambula ŵeniwo ŵatumpenjeska.

ŴaHebere 9:15

Ndipo pa chifukwa chenichi ndiyo mwendapakati wa chipanganu chifya, viyo kuti yati yaŵapo nyifwa yakwachipepeske pa maujumphi ghapa chipanganu chakudanga wo ŵadanika ŵarondenge phanganu lo la chihara chamuyaya cho.

1 Petro 1:4

ndi so ku chihara chambura mawoleka, ndi chambura banga, ndi chambura mafoteka, chakuŵikikiya imwe kuchanya,

2 Petro 1:1

Kalata wakutuwa kwaku Simoni Petro, muŵanda ndi wakutumika waku Yesu Kristu, kwaku ŵeniwo ŵaronde chivwanu chakuzirwa chakuyana ndi chidu mu urunji wa ku Chiuta widu ndi wa Mtaski Yesu Kristu:

Yuda 1:1

Kalata wakutuwa kwaku Yuda mteŵeti waku Yesu Kristu, ndi mhurwa waku Yakobe, ku ŵakudanika wo ŵakwanjiwa mwaku Chiuta Dada, ndi ŵakusungikiya mwaku Yesu Kristu:

Ruti 2:12

Ambuya akulipiyapo paku vyo ukuchita, ndipo lipila lakuzaza lipaskike kwako ndi Ambuya, Chiuta waku Yisraele mweniyo iwe waza kuzachibisama ku mapapa ghake!”