ŴaKolose 3:2 - Tonga Bible 1986

² Ghanaghaniyani vya kuchanya, vyapanupasi cha.

ŴaKolose 3:2 ပူးပေါင်းရင်းမြစ်များ

1 Mikoka 22:19

Sono khozgani mitima ndi umoyo winu kupenja Ambuya Chiuta winu. Sokani ndi muzenge nyumba ya kupaturika ya Ambuya Chiuta, mwakuti bokosi la phanganu la Ambuya ndi viyaŵi vyakupaturika vyaku Chiuta vitoleke mu nyumba yakuzengeke zina la Ambuya.”

1 Mikoka 29:3

Ndipo so chifukwa ndikondwa ndi nyumba yaku Chiuta wangu ndisazgiyako kwaku vyo vyose ndalongosole nyumba yakupaturika, nge ndi vyuma vya golide ndi vya siliva vyakundamweni vyo ndipereka ku nyumba yaku Chiuta wangu:

Sumu 62:10

Rekani kuŵika chigomezgu chinu mu vyakuskoŵa; rekani kugomekezga muusambasi wakuchita kuphanga; asani usambasi ungandana, ungaŵikangako mtima wako cha.

Sumu 91:14

Chiuta watiti, “Nditaskenge wo ŵatindanja, ndi kuŵavikiriya wo ŵatindiziŵa.

Nthanthi 23:5

Maso ghako ghachilereska paku cho, mbwenu charuta, pakuti ruŵiruŵi chitijitole mapapa, kuphululuka uli ndi nombo kulata kuchanya.

Wakutaula 7:14

Mu zuŵa la kusakata kondwanga, ndipo mu zuŵa la soka ghanaghana; Chiuta wachita chimoza ulaka nge nchinyake mwakuti munthu wareke kusaniya kanthu ko kaŵengepo, pavuli pake.

Mateyu 16:23

Kweni wati wang'anamuka, wangumunene Petro, “Kanga kuvuli kwangu, Satana; ndiwe guŵisku kwaku ine chifukwa kuti we kuchiri kwaku Chiuta cha kweni ku ŵanthu.”

Mateyu 6:19

“Mungajiŵikiya mbiku panupasi cha, penipo nyenji ndi murozu vitananga, ndi penipo ŵankhungu ŵabukutuwa ndipo ŵatuba.

Luka 12:15

Ndipo wanguti kwaku wo, “Mucheŵe ndi muchwe ku mbunu yose: pakuti umoyo wa munthu kuti uŵiya mu ufurwi waku vyo we navyo cha.”

Luka 16:11

Asani viyo kuti mwaŵa ŵakugomezgeka cha mukusunga usambasi wa mucharu, mungaziŵa kugomezgeka uli ndi usambasi wa urunji?

ŴaFilipi 1:23

Kweni nde mu gangang'u pakugho ghaŵi. Linweka langu nda kuruta ndi kujariya pamoza ndi Kristu; chifukwa ichi nchamampha ukongwa kwakuruska:

ŴaKolose 3:1

Viyo asani mwayuskika pamoza ndi Kristu, lembeni vya kuchanya, kweniko kwe Kristu, wakujariya ku janja lamarghe laku Chiuta.

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;