ŴaKolose 3:16 - Tonga Bible 1986

¹⁶ Mazu ghaku Kristu ghaje mwinu kwakusambasa, pa kusambizgana ndi kuchinyirana mu zeru yose, ndi penipo mutumba mu buku la sumu ndi mu sumu ndi sumu zamzimu, kumuwonga Chiuta mu mitima yinu.

ŴaKolose 3:16 ပူးပေါင်းရင်းမြစ်များ

1 ŴaKaronga 3:28

Ndipo ŵaYisraele wose ŵanguvwa cheruzgu cho karonga wangupereka; ndipo ŵanguma mu kofyerwa karonga, chifukwa wanguwona kuti zeru zaku Chiuta zenga mwake, zakupereka cheruzgu chirunji.

1 Mikoka 25:7

Unandi wawo pamoza ndi ŵabali ŵawo wo ŵangusambizgika kumbiya Ambuya, ndi wose ŵavinjeru, ŵenga machumi pe chumi ghaŵi ndi machumi ghankhonde ndi ghatatu pachanya ŵankhonde ndi ŵatatu (288).

Nehemiya 12:46

Pakuti mu mazuŵa ghaku Davidi ndi Asafi wakale wengapo mura wa ŵakumba, ndipo zengapo sumu zakutumbikiya ndi zakuwonge kwaku Chiuta.

Jobu 23:12

Ndilive kupatukako ku marangu ghatuŵa gha mumilomo yake, ndaronga mu chifuŵa changu mazu ghamu mlomo wake.

Sumu 119:11

Mazu ghinu ndasunga mu mtima wangu, alinga kuti ndireke kumunangiyani imwe.

Sumu 119:54

Virunguchizgu vinu vyaŵa sumu zangu mu nyumba ya ulendo wangu.

Sumu 138:1

Ndiwonga imwe, Ambuya, ndi mtima wangu wose; ndikoŵere marumbu kwaku imwe pauronga pa ŵachiuta.

Sumu 28:7

Ambuya ndi nthazi yangu ndi nguru yangu; mtima wangu ugomekezga mwaku iwo; viyo nditovyeka, ndi mtima wangu ukondwere; ndipo nditiŵawonga ndi sumu yangu.

Sumu 32:7

Ndimwe chakubisamamo changu, mutindivikiriya ku suzgu; mutindizingirizga ndi chipozomosko.

Sumu 71:23

Milomo yangu yikamburenge ndi chimwemwe, po nditumumbiyani marumbu; ndikuŵerenge ndi unthu wangu wose, chifukwa imwe mwandiwombo.

Nthanthi 14:8

Zeru ya munthu wakutakataka nkhuteska nthowa yake, kweni kupusa kwa ŵakupusa kupusika.

Nthanthi 18:1

Mweniyo wakana ŵanasi wapenja kafukwa kakusosomolana, kurwana ndi cheruzgu chose chakurunjika.

Sumu ya Zisumu 1:1

Sumu ya zisumu yo njaku Solomoni.

Yesaya 10:2

kuŵanderezgako ŵasauchi ku cheruzgu chirunji ndi kuŵa kwamphuwa ŵakavu ŵa ŵanthu ŵangu vyakuŵenere, kuti vyoko viŵe vyakuskoŵa vyawo, ndi kuti ŵachite ŵana ŵamasiye nyama yawo!

Yesaya 26:1

Mu zuŵa liya sumu iyi yikambikanga mu charu chaku Yuda: “Tendi muzi wakukho; wamika utaski nge ndi malinge ndi lisitu.

Yesaya 30:29

Mukaŵanga ndi sumu nge mbusiku po dghera lakupaturika lichitika, ndi kukondwa kwa mtima, ulaka ndipa munthu waruta ndi kumba kwa fyolilo ku phiri la Ambuya, ku Jarawe la ku Yisraele.

Yesaya 5:1

Ndirekeni ndimbiye nkhwanjiwa wangu sumu ya chanju yapa munda wake wa mphereska: Nkhwanjiwa wangu wenga ndi munda wa mphereska pa mtunthu wa nyata yikuru.

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Mateyu 26:30

Ndipo ŵanguti ŵamba sumu ŵangutuliya ku phiri la Olivete.

Luka 2:51

Ndipo wangusikiya pamoza nawo, ndi ŵangufika ku Nazarete; ndipo wenga wakuthera kwaku wo: ndipo nyina wasungirizganga makani ghose gho mu mtima wake.

Yohane 15:7

Asani mujaririya mwaku ine, ndi mazu ghangu ghajaririya mwaku imwe, chose cho mungakhumba pemphani, ndipo chikuŵiyeninge,

ŴaRoma 10:17

Viyo chivwanu chituliya mu kuvwa, ndi kuvwa ko mu mazu ghaku Kristu.

ŴaRoma 15:14

Kweni ine ndamweni ndakhorwa mwaku imwe, mwa ŵabali ŵangu, kuti imwe namwe muzara umampha, pakutizika mziŵiru wose; ŵanthazi so kuchiskana.

1 ŴaKorinte 14:15

Viyo kwati? Ndirombenge ndimzimu, ndipo ndirombenge ndi vinjeru so: ndimbenge ndi mzimu, ndipo ndimbenge ndi vinjeru navyo.

1 ŴaKorinte 14:26

Na kwati, mwa ŵabali? Penipo muwunjikana, yose we ndi sumu we ndi chisambizgu, we ndi uvumbuzi, we ndi karongoroledu, we ndi ching'anamuwa. Vinthu vyose vichitikiye kuuzengi.

ŴaEfeso 1:17

kuti Chiuta iyo wa Ambuyafwe Yesu Kristu, Dada wa Unkhankhu, wakupaskeni mzimu wa zeru ndi wa uvumbuzi mu kumuziŵa iyo,

ŴaEfeso 5:17

Chifukwa chenichi mungaŵanga ŵakupusa cha, kweni ŵakuchiteska cho ndi khumbu la Ambuya.

ŴaEfeso 5:19

ndi kukambirana mu buku la Sumu, ndi mu sumu, ndi mu sumu zamzimu, pakumbiya ndi ghankhoŵera mu mtima winu ku Ambuya,

ŴaEfeso 5:26

alinga kuti walipatuliske, wati walitozge mu chibatizo ndi mazu,

ŴaKolose 1:28

Ndiyo titaula ifwe, taŵakuchenjezga munthu yose ndikusambizga munthu yose muzeru yose, alinga kuti tipereke munthu yose wakufiskika mwaku Kristu.

ŴaKolose 1:9

Chifukwa chenichi ifwe nafwe, kwanda ku zuŵa lo tinguchivwiya, kuti tireka cha kumrombiyani ndi kupempha, kuti muzazike ndi chiziŵisku cha khumbo lake mu zeru ndi chiteska cha mzimu,

ŴaKolose 4:6

Mazu ghinu ghaŵe ghawezi nyengo zose, ghakunoweskeka ndi mche, kuti muziŵe mo kutenere imwe kumwamukiya munthu yose, yumoza ndi yumoza.

1 ŴaTesalonika 1:8

Chifukwa kutuwa kwinu ghawandiya mazu gho gha Ambuya mu Makedonia ndi Akhaia pe cha; kweni mu malo ghose chivwanu chinu chamwaku Chiuta chawanda; viyo kuti palive chifukwa kuti tikambepo kanthu ifwe.

1 ŴaTesalonika 4:18

Viyonthu sangaruskanani ndi mazu yegha.

2 ŴaTesalonika 3:15

Kweni mungampimiyanga nge ngwamawongu cha, kweni muchenjezgeni nge ndi mbali.

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

2 Timote 3:15

ndikuti kutuwa ku ulitema waghaziŵiriya malembo ghakupaturika ghenigho nganthazi kukusanduska wazeru kutaskikiya mu chivwanu chamwaku Kristu Yesu.

Tito 3:6

mweniyo wangupunguliya paku ifwe kwakusambasa mwaku Yesu Kristu Mtaski widu;

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

Yakobe 5:13

Kumbi yumoza wamwaku imwe wavwiyapo uheni? Warombe. Kumbi yumoza wasangaruka? Wambenge sumu.

1 Yohane 2:14

Ndikulembiyani, mwaŵana chifukwa mumziŵe mweniyo nga ku mtendeku. Ndikulembiyani, mwamajaha, chifukwa mwe ŵanthazi, ndipo mazu ghaku Chiuta ghaja mwaku imwe, ndipo mwampunda muheni yo.

1 Yohane 2:24

Imwe, chenicho mwavwa kutuwa ku mtendeku chijaririye mwinu. Asani chingajaririya mwinu chenicho mwavwa kutuwa ku mtendeku, namwe so mujaririyenge mu Mwana ndi mu Dada.

1 Yohane 2:27

Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.

2 Yohane 1:2

chifukwa cha uneneska wo ujariya mwidu, ndipo ukaŵanga nafwe muyaya.

Chivumbuzi 14:3

Ndipo ŵambanga sumu yifya paurongo pa chitengu-chaufumu cho, ndi paurongo pa vyamoyo vyo vinayi ndi ŵara wo: kweni kuti wanguziŵa yumoza kusambira sumu yo cha, kweni vyo vikwi machumi pe chumi ndi machumi ghanayi ndi vinayi, ŵeniwo ŵakuwomboleka ku charu.

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

Chivumbuzi 5:9

Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;