ŴaKolose 3:15 - Tonga Bible 1986

¹⁵ Ndipo chimangu chaku Kristu chiuse mu mitima yinu, kwaku chenicho so mungudanikiya mu liŵavu limoza; ndipo muŵe ŵakuwonga.

ŴaKolose 3:15 ပူးပေါင်းရင်းမြစ်များ

Sumu 100:4

Sereni mu malikomo ghake ndi kuwonga, mu maluluwa ghake ndi kurumba! Muwongeni, ndipo murumbeni iyo!

Sumu 107:22

Nadi ŵapereke sembe za kuwonga, ndi kutaula nchitu zawo mu sumu za chimwemwe.

Sumu 116:17

Ndiperekenge kwaku imwe sembe za kuwonga, ndipo zina la Ambuya ndidanenge.

Sumu 29:11

Ambuya paskani nthazi ku ŵanthu ŵinu! Ambuya tumbikani ŵanthu ŵinu ndi chimangu!

Yesaya 26:3

Mutimusunga iyo mu chimangu cheneko, mweniyo mtima wake ukula pinu, chifukwa wagomekezga mwaku imwe.

Yesaya 27:5

Kweni udange charonde ine nge nchakudingang'amo chake ndi kuchita nane chimango, udange wachita nane chimango.”

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yesaya 57:19

Chimangu, chimangu kutali ndipafupi, atiti Ambuya; inya ndikamuchizganga.

Yona 2:9

Kweni ine nkhaperekanga sembe kwinu ndi mazu ghakuwonga, nkhaperekanga cho ndajirapizga nacho. Utaski ngwa Ambuya!”

Yohane 14:27

Chimangu ndikusiyiyani; chimangu changu nditukupaskani, ine kuti nditukupaskani uli ndimo charu chipaskiya cha. Ungakweŵekanga mtima winu cha, chingana nkhutenthema cha.

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

ŴaRoma 1:21

Chifukwa pakumziŵa Chiuta ŵengavi kumkankhuska uli ndi Chiuta, chingana nkhuti ŵangumwonga cha; kweni ŵangupusa mu maghana-ghanu ghawo ndi mtima wawo wauzereza ungufipiskika,

ŴaRoma 14:17

Chifukwa ufumu waku Chiuta kuti mbunkharghi ndi unkhamwi cha, kweni urunji ndi chimangu ndi chimwemwe mu Mzimu Wakupaturika.

ŴaRoma 15:13

Ndipo Chiuta yo wa chigomekezgu wakuzazeni ndi chimwemwe chose ndi chimangu mu kuvwana, kuti musambasenge mu chigomekezgu, mu nthazi ya Mzimu Wakupaturika.

ŴaRoma 5:1

Viyo pakurunjiskika ndi chivwanu, chimangu te nacho kuchiri kwaku Chiuta mu Ambuyafwe Yesu Kristu;

1 ŴaKorinte 10:17

Pakuti chiripo chiŵande chimoza, ifwe taŵanandi te liŵavu limoza; chifukwa tose tisanganapo pa chiŵande cho chimoza.

1 ŴaKorinte 7:15

Kweni asani munthurumi pamwenga munthukazi wambura kuvwana yo watijigaruska, ipu wagaukeko; mbali yo munthurumi pamwenga mzichi kuti wakoreka mu uŵanda pa nthowa nge ndi iyi cha. Pakuti Chiuta watidaniya mu chimangu.

2 ŴaKorinte 4:15

Chifukwa vyose vyo viŵiya chifukwa chinu, alinga kuti wo wezi, wakwandaniskikiya mu kuwonga kwa urapasi ufurwiyenge ku unkhankhu waku Chiuta.

2 ŴaKorinte 9:11

Mu chinthu chose muŵe wakusambasiskikiya ku wanangwa wose, weniwo pakutataliya mwidu ukaperekanga viwongo kwaku Chiuta.

ŴaEfeso 4:16

kutuwa kwaku mweniyo liŵavu lose lo, pakuyaniskirana ndi kurunjiskirana mu fundu yose yakuninkhikako, likuliya kwakulingana ndi kachitidu kakwenere ka chigaŵa che chose, chimoza ndi chimoza, viyo kuti liŵavu lo lijizenga mu chanju.

ŴaEfeso 4:4

Kwe liŵavu limoza ndi Mzimu yumoza, uli ndimo so mungudanikiya mu chigomekezgu chimoza cha mdanu winu;

ŴaEfeso 5:1

Viyo muŵe ŵakumwezga Chiuta, uli mbana ŵakwanjiwa;

ŴaEfeso 5:20

pakuwonge so nyengo zose Chiuta ndi Dada pa chifukwa chaku vyose mu zina la Ambuyafwe Yesu Kristu.

ŴaKolose 1:12

ndi kumuwonga Dada, mweniyo watenereska kuti tisangane chihara cho cha ŵakupaturika mu ukweru.

ŴaKolose 2:7

pakumererwa ndi kuzengeka mwake, ndi kukhozgeka mu chivwanu, uli ndimo mwasambizgikiya, ndi kufurwiya mu chiwonga.

ŴaKolose 3:17

Ndipo chose cho mungachita, mu mazu pamwenga mu nchitu, chitiyani vyose mu zina la Mbuya Yesu, ndipo muwongeni Chiuta Dada mwaku iyo.

1 ŴaTesalonika 5:18

mwaku vyose Kristu Yesu kuchiri kwaku imwe.

1 Timote 2:1

Viyo, pakudanga ŵaka, ndichiska kuti ghachitikiye maniniziku, marombo, mapemphu, vyakuwonga, pa chifukwa cha ŵanthu wose;

1 Timote 6:12

Limba-limbanga mlimbanu wo weneko wa chivwanu, jibwakiye umoyo wo wamuyaya, kwaku weniwo ungudanikiya, ndipo unguzomerezga chizomerezgu cho cheneko pa maso gha ŵakaboni ŵanandi.

ŴaHebere 13:15

Viyo mwaku iyo tipereke kwaku Chiuta rutaruta sembe yakuthamikiya, ndiyo chipasi cha milomo yakuzomerezga Zina lake.

Chivumbuzi 7:12

ŵakuti, “Ameni! Thumbiku, ndi unkhankhu, ndi zeru, ndi chiwongu, ndi ulemu, ndi nthazi, ndi uchilamilami, viŵiye kwaku Chiuta widu ku muyaya ndi muyaya! Ameni.”