ŴaKolose 3:13 - Tonga Bible 1986

¹³ muŵe ŵakukunthiriyana ndi ŵakurekiyana, yumoza ndi munyake; asani munthu wangaŵa ndi kafukwa pa munyake uli ndimo Ambuya agowoke imwe, namwe so muchite viyo.

ŴaKolose 3:13 ပူးပေါင်းရင်းမြစ်များ

Nthanthi 19:11

Ghanaghanu lamampha likanizga munthu kukara ruŵi, ndipo mbunkhankhu wake, kugowoke kunanga.

Mateyu 5:44

Kweni ine ndikuneniyani, Ŵanjeni wamawongu ŵinu, ndipo ŵarombiyeni ŵakuŵemba imwe,

Mateyu 6:12

Ndipo tirekiyeni mateu ghidu. Nge ndimo nafwe so taŵarekea mateu ŵidu.

Marko 11:25

Ndipo penipo pose mutuma ndi kuromba, khururukiyani, asani mwe nako kanthu pa yumoza; kuti Auskemwe ŵakuchanya nawo akhururukiye imwe mamphuru ghinu. [

Luka 11:4

Ndipo tirekiyeni vilakwa vidu, chifukwa taŵeni nafwe tiŵareke ŵakutewuwa kwaku ifwe. Ndipo mungatitole mu kesedu.’ ”

Luka 23:34

Ndipo Yesu wanguti, “Ada, ŵarekeni chifukwa kuti ŵaziŵa cha cho ŵachita.” Ndipo pakugaŵana minjirira yake, ŵangupong'a mphenduzga.

ŴaRoma 15:7

Viyo muronderani, uli ndimo Kristu nayo wangurondere imwe, ku unkhankhu waku Chiuta.

2 ŴaKorinte 2:10

Kwaku mweniyo yose mugowoke kanthu ine nane so ndimugowokiyenge. Chifukwa asani ine nane so ndimugowokiyenge. Chifukwa asani ine nane, ndimugowoke, ndamugowoke chifukwa chinu pa maso ghaku Kristu;

2 ŴaKorinte 6:6

mu ukhovu, mu mziŵiru, mu chilekerezga, mu ulemu mu Mzimu Wakupaturika, mu chanju chakuwura-ufyali,

ŴaGalatia 6:2

Nyamuliranani mphingu za ŵanyinu, ndipo viyo fiskani dangu lo laku Kristu.

ŴaEfeso 4:2

ndi uzimbwa wose ndi upovu, ndi chilekerezga, pakukunthiriyana mu chanju;

ŴaEfeso 4:32

kweni muŵenge ŵaulemu yumoza ku munyake, ŵachitima, ŵakugowokerana uli ndimo Chiuta nayo mwaku Kristu wagowoke imwe.

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.

ŴaKolose 3:12

Viyo vwarani, uli mbakusankhika ŵaku Chiuta, ŵakupaturika ndiŵakwanjiwa, chitima cha lisungu, ulemu, kujiyuyuwa, upovu, chilekerezga;

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

1 Petro 2:21

Chifukwa kwaku chenichi mungudanikiya; pakuti Kristu nayo wangukomwa chifukwa chinu, ndipo wamsiyiyani chandiru, kuti mundondoloskemo mu menderu ghake.