ŴaKolose 3:11 - Tonga Bible 1986

¹¹ Kweniko kuti kukaŵanga muGriki ndi muYuda cha, muchinju ndi wakuura-muchinju, muheriheri, muSkutia, muŵanda, mwanangwa: kweni Kristu ndiyo ndi vyose mwaku vyose.

ŴaKolose 3:11 ပူးပေါင်းရင်းမြစ်များ

Sumu 117:2

Chifukwa nchikuru chanju chawo chakufikapo paku ifwe, ndipo kugomezgeka kwawo nkhwa muyaya. Rumbani Ambuya!

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Yesaya 52:10

Ambuya arongo pakweru janja lawo pa maso gha mitundu yose; ndipo vigoti vyose vya charu chapasi vikawonanga utaski waku Chiuta widu.

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Ezekiele 47:22

Mukachigaŵanga nge nchihara chaku mwaŵeni ndi cha ŵalendo ŵakuja mukati mwinu wo ŵabariyamo ŵana mwaku imwe. Kwaku imwe ŵakaŵanga nge mbana ŵa ŵeni charu ŵa ŵaYisraele; ŵakagaŵikiyanga chihara pamoza namwe mukati mu mafuku ghaku Yisraele.

Hoseya 2:23

ndipo nkhamupandanga mu charu chifukwa chaku ndamweni. Ndipo nkhaŵanga ndi lisungu paku yo ‘Wambura kuchitikiya lisungu,’ ndipo nditinge ku ŵanthu ŵangu cha. ‘Ndimwe ŵanthu ŵangu’; ndipo iyo watinge, ‘Imwe mwe Chiuta wangu.’ ”

Amosi 9:12

mwakuti ŵaronde ŵakujako ŵaEdomu, ndi mitundu yose yo yidanika ndi zina langu,” atiti Ambuya wo achita ichi.

Mika 4:2

ndi mitundu yinandi yikazanga ndi kunena kuti: “Tiyeni tikwere ku phiri la Ambuya, ku nyumba yaku Chiuta waku Yakobe; mwakuti watisambizge nthowa zake ndi kuti tendenge mwaku zo.” Chifukwa ku Zioni kukatuwiyanga dangu, ndi mazu gha Ambuya ghakatuwiyanga ku Yerusalemu.

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

Yohane 15:5

Ine ndine mphereska yo, imwe mwe mphanda zo; wakujaririya mwaku ine, ndi ine mwaku iyo, mweniyo ndiyo wapasa vinandi: chifukwa kwambura ine kuti muziŵa kuchita kanthu cha.

Yohane 17:23

ine mwaku iwo, ndi imwe mwaku ine, alinga ŵaŵe ŵakufiskikiya mu umoza; kuti charu chiziŵe kuti imwe mungundituma, ndipo kuti mwaŵanja iwo, uli ndimo mwandanjiya ine.

Machitidu gha Ŵakutumika 15:17

viyo kuti ŵakujapo mu ŵanthu ŵapenje Ambuya, ndipo ŵaMitundu wose paku wo ladanikiya zina langu,

Machitidu gha Ŵakutumika 28:2

Ndipo ŵaheriheri wo ŵangutichitiya ulemu weniukuru: pakuti ŵangupemba moto, ndi wanguti kuzizira.

Machitidu gha Ŵakutumika 28:4

Ndipo ŵaheriheri po ŵanguwona chirwani cho chadoromoka pa janja lake, ŵanenerananga, “Nadidi munthu mwenuyu ngwambanda, mweniyo chingana wapozomoka ku nyanja, ndikweni thayulirive kumzomerezga kuŵa wamoyo.”

ŴaRoma 1:14

Nde wamateu ku ŵaGriki ndi so ku ŵaHeriberi, ku ŵazeru ndi so ku ŵazereza.

ŴaRoma 10:12

Chifukwa mphambanu palive pakati pa muYuda ndi muGriki chifukwa yumoza iyo ndi Mbuya waku wose, msambasi kwaku wose ŵakudaniya paku iyo:

ŴaRoma 3:22

urunji nawo wakuchiuta wamu chivwanu mwaku Yesu Kristu, wa kwaku wose ŵakuvwana; pakuti mpambanu palive;

ŴaRoma 3:29

Pamwenga kumbi Chiuta ngwa ŵaYuda pe? Asi ngwa ŵaMitundu nawo? Inya, ngwa ŵaMitundu so;

1 ŴaKorinte 12:13

Chifukwa mu Mzimu yumoza ifwe tose tingubatizikiya ku liŵavu limoza, ŵaYuda pamwenga ŵaGriki, ŵaŵanda pamwenga ŵanangwa; ndipo tose tingumweskeka ku Mzimu yumoza.

1 ŴaKorinte 14:11

Viyo asani ndirive kuziŵa kang'anamulidu ka mazu gho, ndiŵenge nge ngwa mtundu kwaku yo wakamba, ndi wakukamba yo nayo so viyo kwaku ine.

1 ŴaKorinte 7:19

Mchinju wo kuti nkhanthu cha, ndipo uwuramchinju kuti nkhanthu cha; kweni kusunga marangu ghaku Chiuta ndiko.

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

ŴaEfeso 1:23

ndilo liŵavu lake, uzali wo waku mweniyo wazaziya vyose mwaku vyose.

ŴaEfeso 2:14

Chifukwa ndiyo chimangu chidu, yo wachita viŵi vyo chimoza, ndi wadengenduwa chimati chapakati chakugauwa,

ŴaEfeso 2:15

wati wakotole limu mu liŵavu lake umawongu wo, chilangulu nacho cha marangu ghakulamulika; alinga kuti mwaku yija waŵalenge wo ŵaŵi munthu yumoza mufya, ndi kuchata viyo chimangu;

ŴaEfeso 3:17

kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju,

ŴaEfeso 3:6

pakuti ŵaMitundu ŵaŵa ŵakuhara nafwe, ndi ŵa liŵavu limoza pamoza nafwe, ndi ŵasangazi-ŵanase ŵa chipanganu mwaku Kristu Yesu mu evangeli.

ŴaEfeso 6:8

pakuziŵa kuti chose chamampha chenicho munthu ndi munthu wangachita, chenicho wamronde so ku Ambuya, chingana ndi muŵanda, chingana ndi mwanangwa.

ŴaKolose 2:10

ndipo mwe ŵakuzazika mwaku iyo, mweniyo ndi mutu wa ufumu wose ndimtufu.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

2 Yohane 1:9

Yose yo wajumphapo ndi mgwambura kukaririya mu chisambizgu cho, chaku Kristu, walivi Chiuta: yo wajaririya muchisambizgu cho mweniyo we ndi Dada ndi Mwana viyo.