ŴaKolose 2:9 - Tonga Bible 1986

⁹ Pakuti mwaku iyo ndimo mwe uzali wose wauchiuta muliŵavu,

ŴaKolose 2:9 ပူးပေါင်းရင်းမြစ်များ

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

Luka 14:22

Ndipo muŵanda yo wanguti, ‘Mbuya, chachitika cho mungulangula, kweni ghachalipo malo.’

Luka 3:22

ndipo kungusikiya pake Mzimu Wakupaturika mu chikozgu cha liŵavu uli ndi nkhunda, ndipo kunguŵa liu kutuwa kuchanya, lakuti, “Iwe ndiwe Mwana wangu wakwanjiwa, mwaku iwe ndikondwere.”

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Yohane 1:16

Pakuti wapaska wezi kwaku ifwe tose rutaruta kutuwa ku uzari wake.

Yohane 10:30

Ine ndi Ada te ŵamoza.”

Yohane 10:38

Kweni asani ndizu ndichita, chingana mureke kuvwaniya mwangu, vwaniyani mu nchitu so; alinga kuti muziŵe ndi kufikapo mtima kuti Dada we mwaku ine, ndi ine mu Dada.”

Yohane 14:20

Mu zuŵa liya muziŵenge imwe kuti ine ndemu Dada, ndi imwe mwaku ine, ndi ine mwaku imwe.

Yohane 17:21

kuti wose ŵaŵe ŵamoza uli ndimo imwe, Ada, muliri mwaku ine, ndi ine mwaku imwe, kuti nawo so ŵaŵe mwaku ifwe; alinga kuti charu chivwane kuti imwe mungundituma.

Yohane 2:21

Kweni iyo wakambanga vya kasopi wa liŵavu lake.

Machitidu gha Ŵakutumika 17:29

“Pakuŵa viyo mbumba yaku Chiuta, tingarunguruka cha kuti Uchiuta wo ukozgana ndi golide pamwenga siliva pamwenga mwa, wakusemeka ndi chinjeru ndi njeza ya munthu.

2 ŴaKorinte 5:19

nge nkhuti Chiuta wenga mwaku Kristu wakwanjaniskiya charu kwaku yija, wakuŵapimiya vilakwa vyawo cha, ndi wakutipazgiya ifwe mazu gha chanjanisku cho.

ŴaKolose 1:19

Pakuti kungukondweska Dada kuti mwaku iyo ujariye uzali wo wose;

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

Tito 2:13

pakulereze chigomekezgu cho chamwaŵindi chiwoneka cha unkhankhu waku Chiuta mkhuru ndi wa Mtaski widu Yesu Kristu;

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

1 Yohane 5:7

Ndipo Mzimu yo ndiyo wasimikizga, pakuti Mzimu yo ndiyo Uneneska wo.