ŴaKolose 2:7 - Tonga Bible 1986

⁷ pakumererwa ndi kuzengeka mwake, ndi kukhozgeka mu chivwanu, uli ndimo mwasambizgikiya, ndi kufurwiya mu chiwonga.

ŴaKolose 2:7 ပူးပေါင်းရင်းမြစ်များ

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

Sumu 92:13

Ndi miti yakupandika mu nyumba ya Ambuya, wo ŵatipitiya mu kasopi waku Chiuta widu.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Yeremiya 17:8

Wakozgana ndi muti wakupandika pafupi ndi maji, weniwo utambaruliya misisi yake ku maji, ndipo kuti utopa cha chichiza chifundizi, pakuti mani ghake ghajaririya uŵisi, ndipo kuti usuzgika cha mu charu cha chilala pakuti kuti ureka cha kupasa vipasi.”

Luka 6:48

Wakozgana ndi munthu wakuzenga nyumba mweniyo wangukumba pasi ndi wangunyonyoska, ndi wanguŵika chiŵanja pa jarawe: ndipo pakuŵapo zandi, msinji ungukukurwiyapo pa nyumba yiya, ndipo yengavi nthazi kuyisukung'a: chifukwa yinguzengeka umampha.

ŴaRoma 16:25

Sono kwaku mweniyo ngwanthazi kwachikhoze imwe kwakulingana ndi evangeli wangu ndi mumemezu waku Yesu Kristu, uli ndi uvumbuzi wa mangari ghakubisika mu nyengo za migonezi.

1 ŴaKorinte 1:8

mweniyo nayo wakakhozganga imwe mpaka ku umari, wambura masumulika mu zuŵa la Ambuyafwe Yesu Kristu.

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

2 ŴaKorinte 1:21

Ndipo ndi Chiuta yo watikhozge pamoza namwe mwaku Kristu, watipaska kutipatuwa;

ŴaEfeso 3:17

kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju,

ŴaEfeso 4:21

asani mwamuvwa, ndipo mwaku iyo mwasambizgika, mo uliri uneneska mwaku Yesu;

ŴaEfeso 5:20

pakuwonge so nyengo zose Chiuta ndi Dada pa chifukwa chaku vyose mu zina la Ambuyafwe Yesu Kristu.

ŴaKolose 1:23

asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

ŴaKolose 3:17

Ndipo chose cho mungachita, mu mazu pamwenga mu nchitu, chitiyani vyose mu zina la Mbuya Yesu, ndipo muwongeni Chiuta Dada mwaku iyo.

1 ŴaTesalonika 5:18

mwaku vyose Kristu Yesu kuchiri kwaku imwe.

2 ŴaTesalonika 2:17

wasangaruske mitima yinu ndi wayikhozge mu mlimu wose wamampha ndi mu mazu.

ŴaHebere 13:15

Viyo mwaku iyo tipereke kwaku Chiuta rutaruta sembe yakuthamikiya, ndiyo chipasi cha milomo yakuzomerezga Zina lake.

ŴaHebere 13:9

Mungalongozgeka ndi visambizgu vyamtundumtundu ndi vilendo: chifukwa nkhwamampha kuti mtima ukhozgeke ndi wezi; ndi vyakurgha cha, mwenimo ŵakutangwanikamo kuti ŵangawovyeka kanthu cha.

1 Petro 5:10

Ndipo Chiuta wa wezi wose, mweniyo wangumdaniyani ku unkhankhu wake wamuyaya mwaku Kristu Yesu, mwati mwakomwapo kamanavi, mwenecho wafiskenge, wakhozgenge, wakhomeskenge imwe.

Yuda 1:12

Ŵenaŵa ndi maŵanga gha kufipa mu madghera ghinu ghachanju, pakurghiya pamoza namwe ŵajariska kwambura wofi: mitambo yambura maji, yakuyungwiskika ndi zimphepu; miti yachihanya yambura vipasi yakufwa kaŵi, yakuzgulika;

Yuda 1:20

Kweni imwe, mwaŵakwanjiwa, pakujizenge pa chivwanu chinu chakupaturika kwakuruska, ndi pakurombe mu Mzimu ŵakupaturika,

Yuda 1:24

Ndipo kwaku mweniyo ngwanthazi kumbhozgani ŵambura kuguŵa, ndi kumjarikani paurongo pa unkhankhu wake ŵambura kalema mu chimwemwe chenichikuru,