ŴaKolose 2:18 - Tonga Bible 1986

¹⁸ mureke kususkika mu uja winu ndi ŵanthu wo ŵatenda mukujinanga maumoyo ghawo ndimu chisopa cha ŵangelo, wo ŵakujimiskiya pa viwona vyawo, ndi kujithamiya bweka ndi chinjeru chawo chanyama,

ŴaKolose 2:18 ပူးပေါင်းရင်းမြစ်များ

Chiyambo 3:13

Sono Ambuya Chiuta wanguti ku munthukazi, “Nchine ichi cho wachita?” Munthukazi wanguti, “Njoka yo yingundinyenga ndipo ndingurgha.”

Jobu 38:2

“Ndiyani uyu wafipiska fundu yeneko ndi kakambidu kambura zeru?

Yesaya 57:9

Munguto lwendo kuya kwaku Moleki ndi mafuta mungwandaniska vyachema vinu; mungutuma nthumi zinu kutali ukongwa, ndipo mungutuma so chingana nkhu muunda.

Ezekiele 13:3

Viyo atiti Ambuya Chiuta, Soka lo, ku zinchimi zakupusa zo zirondo mzimu wa ŵeneko, ndipo kuti zawona kanthu cha!

Danyele 11:38

Wakankhuskenge chiuta wa malinga mu malo mwaku yaŵa; chiuta yo awiske ŵengavi kumuziŵa, wakankhuskenge golide ndi siliva, mya yakuzirwa ndi vyawanangwa vya mtengo wapachanya.

Maŵerengedu 25:18

pakuti ŵakusuzga ndi mautesi ghawo, gho ŵangumupusikani pa makani ghaku Peoro, ndi ghaku Kozobi, mwana munthukazi wa fumu yaku Midiani, mzichi wawo, yo wangubayika pa zuŵa la nthenda ya chideru pa chifukwa chaku Peoro.”

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

ŴaRoma 1:25

mwakuti iwo ŵangusinthiskana uneneska waku Chiuta ndi chautesi, ndipo ŵangusopa ndi ŵanguteŵete chakulengeka kwakuruska Mlengi yo, mweniyo ngwakutumbikika muyaya. Ameni.

ŴaRoma 16:18

Chifukwa ŵaviyo kuti ŵateŵete Ambuyafwe Kristu cha, kweni linweka laku ŵija; ndipo ndimakambidu ghausarazi ndi ghakufyafyalika ŵafuvya mitima ya ŵakujiyuyuwa.

1 ŴaKorinte 13:4

Chanju chilekerezga, ndipo ncha ulemu, chanju kuti chiŵiniwa cha; chanju kuti chijirumba cha;

1 ŴaKorinte 3:3

chifukwa mweche ŵaliŵavu. Pakuti po pe bina ndi ndeu mukati mwinu, asi mwe ŵaliŵavu, ndi mutenda ulaka mbanthu bweka?

1 ŴaKorinte 4:18

Kweni ŵanyake ŵatukumuka, ulaka nge ndirekenge kuzako kwinu.

1 ŴaKorinte 4:6

Kweni mwa ŵabali, ivi ndirongoro nding'anamuliya paku ndamweni ndi paku Apolo pa chifukwa chinu; alinga kuti mwaku ifwe musambirenge kuja kwakulingana ndi vyo vyalembeka mwakuti wareke munthu yose waku imwe kujitukumuwa iyo mweneko ndi kuyeya munyake.

1 ŴaKorinte 8:1

Kweni nge nkhwaku vyo vyabayikiya vyangoza: tiziŵa kuti tose te ndi mziŵiru. “Mziŵiru wo utukumuska,” Kweni chanju ndicho chizenga.

1 ŴaKorinte 9:24

Asi muziŵa kuti ŵakuchimbiya mu maphara ŵachimbiya wose, kweni yumoza ndiyu waronde mphotu? Chimbiyani viyo kuti muronde.

2 ŴaKorinte 11:3

Kweni nditopa vinu uli ndimo njoka yo yingumunyenge Eva mu uchenjezi wake, vinjeru vinu vinganangika kulekana ndi uneneska ndi ukhovu wa mwaku Kristu.

2 ŴaKorinte 12:20

Chifukwa nditopa kuti vinu ndichiza, ndingasaniya imwe nge ndimo kuti ndikhumbiya cha, ndipo ine ndingasanirika namwe nge ndimo kuti mukhumbiya imwe cha; vinu kokuli pangaŵa ndeu, sanji, vikwiya, magaukanu, kusuza, mitokutoku, matukutuku, vimtimbaheka.

ŴaEfeso 4:17

Viyo chenichi ndikamba ndi kusimikizgiya mu Mbuya, kuti mungendanga so cha, imwe, uli ndimo ŵatende ŵaMitundu nawo, mu uzereza wa vinjeru vyawo,

ŴaEfeso 5:6

Wangamfuvyani cha munthu yumoza ndi mazu ghaŵaka: pakuti chifukwa chaku vyenivi katuziya kandundu kaku Chiuta pa ŵana ŵa mtafu.

Marangu 29:29

“Vinthu vyaku ubende vya Ambuya Chiuta widu; kweni vinthu vyo vyavumbulika vidu ndi vya ŵana ŵidu muyaya, aling kuti tichitenge mazu ghose gha dangu ili.

ŴaFilipi 3:14

ndichimbiriya ku chichiri ku mphotu ya mdanu wakuchanya waku Chiuta mwaku Kristu Yesu.

ŴaKolose 2:23

Marangu yagha ghawoneka nge ngatuwa ku vinjeru mu nthowa yo wachichizgiya ŵanthu kujipereka ndi kujiyuyuwa mu kuphwere liŵavu weniukongwa, kweni kuti vitovya cha pakurunjiska makhumbu gha liŵavu.

ŴaKolose 2:4

Ndikamba chenichi, wangamrandizgani cha munthu yumoza ndi mazu ghakuwoja ŵaka.

ŴaKolose 2:8

Thoŵani vinu munthu wangamuskowani mu zeru ndi fuzi yaŵakaŵaka, uli ndi mdauku wa ŵanthu, uli ndi vyamtendeku vya mizimu ya charu, ndipo uli nkhwakuyana ndi Kristu cha.

1 Timote 1:7

pakukhumba kuŵa ŵasambizgi ŵa chilangulu, ŵauravi kuteska chingana ndi vyenivyo ŵakamba, chingana ndi vyenivyo ŵakokomezgapo.

1 Timote 4:1

Kweni Mzimu iyo wakamba pakweru, kuti mu nyengo zakumariya ŵanyake ŵadezukengekoku chivwanu, pakuphwere mizimu yirandizgi ndi visambizgu vya ŵademone,

2 Petro 2:14

Pakuŵa ndi maso ghakuzara urowozi, ghambura matunika mu ulakwi; pakuŵa ndi mtima wakutakatakiya mbunu, ŵanyengere mizimu yakuyaghayika.

1 Yohane 2:26

Vyenivi ndikulembiyani paku wo ŵakurandizgani.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

Chivumbuzi 13:14

Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.

Chivumbuzi 13:8

Ndipo wose ŵakuja pa charu chapasi ŵakachilambiyanga, we yose yo zina lake lirivi kulembeka kutuwa ku kujarikika kwa charu mu buku la umoyo la Mwana-mberere yo, mweniyo wangubayika.

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

Chivumbuzi 3:11

Nthuza ruŵi: koreska cho we nacho, alinga kuti paŵevi yumoza wakupoka ndumbu yako.