ŴaKolose 2:12 - Tonga Bible 1986

¹² mwati mwaŵikikiya pamoza nayo mu ubatizo, mwenimo so munguyuskikiya pamoza nayo mu chivwanu chamu kachitiru kaku Chiuta, mweniyo wangumuyuska ku ŵakufwa.

ŴaKolose 2:12 ပူးပေါင်းရင်းမြစ်များ

Luka 17:5

Ndipo ŵakutumika ŵanguti ku Ambuya, “Tikuskiyeniko chivwanu.”

Machitidu gha Ŵakutumika 14:27

Ndipo ŵati ŵafikako ndi kuwunganiska mpingu wo, ŵangukonkhoma vyenivyo vyose Chiuta wanguchita nawo, ndi mo wangujuriya ŵaMitundu likomo la chivwanu.

Machitidu gha Ŵakutumika 2:24

Kweni Chiuta wangumuyuska, wati wamasuwa maurwirwi gha nyifwa, chifukwa kuti kwenga kwamachitika cha kuti wagodeke nayo.

Machitidu gha Ŵakutumika 2:32

Yesu mwenuyu Chiuta wanguyuska, waku chenicho tose te ŵakaboni.

ŴaRoma 4:24

kweni pa chifwa chaku ifwe nafwe, kwaku taŵenifwe kwamkutipimikiya, pakuvwaniya mwaku yo wanguyuska Yesu Ambuyafwe ku ŵakufwa,

ŴaRoma 7:4

Eviyo, mwa ŵabali ŵangu, namwe so mungufiskikiya ku chilangulu cho mu liŵavulo laku Kristu; alinga kuti muŵirwiskike ku munyake yo wanguyuskika ku ŵakufwa, mwakuti tipasiye Chiuta vipasi.

1 ŴaKorinte 12:13

Chifukwa mu Mzimu yumoza ifwe tose tingubatizikiya ku liŵavu limoza, ŵaYuda pamwenga ŵaGriki, ŵaŵanda pamwenga ŵanangwa; ndipo tose tingumweskeka ku Mzimu yumoza.

1 ŴaKorinte 15:20

Kweni sono wayuskika Kristu ku ŵakufwa, mruwuku waku wo mbakura.

ŴaGalatia 3:27

Pakuti mose mwaŵakubatizikiya mwaku Kristu, munguvwa Kristu.

ŴaEfeso 2:8

chifukwa ndi wezi mwataskikiya mu chivwanu: ndipo chenicho kuti nchakutuwa kwaku mwaŵeni cha; ndi mpasku waku Chiuta;

ŴaEfeso 3:17

kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju,

ŴaEfeso 3:7

Waku wo ndinguchitika mteŵeti, kwakulingana ndi mpasku wa wezi wo waku Chiuta, weniwo ungupaskika kwaku ine uli nkhachitidu ka nthazi yake.

ŴaEfeso 4:5

Mbuya yumoza, chivwanu chimoza, chibatizo chimoza,

ŴaEfeso 5:14

Viyo watiti, “Yuka iwe, wakura tulo, ndipo yukanga ku ŵakufwa, ndi wakuwaliyenge Kristu.”

ŴaFilipi 1:29

Pakuti kwaku imwe kwapaskika kwawezi pa chifwa chaku Kristu kuvwaniya mwake pe cha, kweni so kukomwe pa chifukwa chaku iyo,

ŴaKolose 1:29

Mwaku ichi nditakataka ndawakulimbalimba ndi nthazi yose yo wachitiya mwaku ine.

ŴaKolose 2:13

Ndipo imwe, mwaŵakufwa mu mamphuru ndi uura muchinju wa liŵavu linu, wangumuchitiyani imwe ŵamoyo pamoza nayo, pakutireke mamphuru ghidu ghose;

ŴaHebere 12:2

ŵakumthoŵa Yesu jandu ndi mfiski wa chivwanu chidu, mweniyo, chifukwa cha chimwemwe chakujarikika paurongo pake, wanguyizizimizgiyapo mphinjika, ndi kuyuyuwa lilengu lake, ndipo sono waja pasi ku marghe gha chitengu cha ufumu chaku Chiuta.

ŴaHebere 6:2

cha sambizgu la vibatizo, ndi cha chiŵika cha manja, ndi cha chiyuka cha ŵakufwa, ndi cha cheruzgu chamuyaya.

1 Petro 3:21

maji ghenagha chenga chikozgu, chakurongo ubatizo wo sono umutaskani kusuka lisilu la liŵavu cha, kweni niniziku la njuŵi yamampha kuchiri kwaku Chiuta ndi chiyuka chaku Yesu Kristu,