ŴaKolose 2:11 - Tonga Bible 1986

¹¹ Mwaku mweniyo so mwachinjikiya ndi muchinju wakuchitika ndi manja cha, pa kuzuwa liŵavu la nyama, mu mchinju wo waku Kristu;

ŴaKolose 2:11 ပူးပေါင်းရင်းမြစ်များ

Yeremiya 4:4

Jichinjiyeni ku Ambuya tuzganipo khungu la mitima yinu, mwa ŵanthu ŵaku Yuda ndi ŵakuja mu Yerusalemu, vinu ukari wangu ungaruta nge ndi moto, ndi kocha penipo palivi wakuwuzimwa chifukwa cha uheni wa machitidu ghinu.”

Marko 14:58

“Ifwe tingumuvwa wachikamba kuti, ‘Ine nkhabwanganduwanga kasopi uyu wakuzengeka ndi manja, ndipo mu mazuŵa ghatatu nkhazenganga munyake wambura kuzengeka ndi manja.’ ”

Luka 2:21

Ndipo penipo ghangufiskika mazuŵa ghankhonde ndi ghatatu gha kumchinjiya, lingudanika zina lake Yesu, lo lingudanika ndi mungelo wenga wandazuuke iyo mu chibali.

Machitidu gha Ŵakutumika 17:24

Chiuta yo wangwata charu ndi vyose vyamwake, pakuŵa iyo mbuya wa kuchanya ndi pasi, kuti waja muŵakasopi ŵakumangika ndi manja cha;

Machitidu gha Ŵakutumika 7:48

Ndikweni kuti wamumachanya waja mu nyumba zakuzengeka ndi manja cha; uli ndimo wanene mchimi yo,

ŴaRoma 2:29

kweni ndiyo muYuda yo ngwa mukati; ndipo mchinju ngwa mtima, mu mzimu, mu lembo cha; rumbu laku mweniyo kuti nda ku ŵanthu cha, kweni kwaku Chiuta.

ŴaRoma 6:6

pakuziŵa chenichi, kuti unthu widu wakali ungupayikikiya pamoza nayo, alinga kuti liŵavu lo la ulakwi liwayulike, viyo kuti tireke ifwe kuŵa so ŵaŵanda ku ulakwi;

ŴaRoma 7:24

Ndamunthu msokwa ine! Njani wanditaskengeko ku liŵavu la nyifwa yeniyi?

2 ŴaKorinte 5:1

Chifukwa tiziŵa kuti asani nyumba yapa charu ya hema lidu yabwanganduka, uzengi wakutuliya kwaku Chiuta te nawo, nyumba yakuchitika ndi manja cha, yamuyaya, mu machanya.

2 ŴaKorinte 5:17

Ndiviyo asani yumoza we mwaku Kristu, nchakulengeka chifya: vyakale vyarutapo; awonani, vyaza vifya.

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

ŴaGalatia 5:24

Ndipo ŵeniwo mbaku Kristu Yesu ŵapayika nyama pamoza ndi maulakalaka ndi malikhumbira ghake.

ŴaEfeso 4:22

muzuwe kendedu kinu kakudanga, munthu yo wakali, yo ngwakukazuzgika kwakuyana ndi maulakalaka gha fuzi;

Marangu 10:16

Viyo dumuwani khungu laku mitima yinu, ndipo so mureke kuŵa so ŵanonono mu mitima.

Marangu 30:6

Ndipo Ambuya Chiuta winu wakachinjanga mtima winu ndi mtima wa mphapu yinu, alinga kuti mukanjanga Ambuya Chiuta winu ndi mtima winu wose, ndi mzimu winu wose, kuti muŵenge ŵamoyo.

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

ŴaHebere 9:11

Kweni Kristu, pakuza ngendi mzukuru mura wa vinthu vyamampha vyakukhasa kuza, mu chihema cho chikuruka ndi chakufiskikaka, chakwatika ndi manja cha, ndikwesa kuti, cha kalengekedu kano cha, chingana ndi mu ndopa za vyaphongu ndi matholi cha, kweni mu ndopa zaku Yija.

ŴaHebere 9:24

Chifukwa Kristu walive kusere mu malo ghakupaturika ghakwatika ndi ŵanthu, cho nchikozgu cha malo gheneko. Kweni wanguruta kuchanya iko, kweniko sono wawoneka paurongo paku Chiuta pa chifwa chidu: