ŴaKolose 1:4 - Tonga Bible 1986

⁴ tati tavwa ndi chivwanu chinu mwaku Kristu Yesu, ndipo ndi chanju cho mwe nacho kwaku wose ŵakupaturika,

ŴaKolose 1:4 ပူးပေါင်းရင်းမြစ်များ

2 ŴaKorinte 7:7

ndipo ndi uzi wake pe cha, kweni so ndi sangarusku mwaku lo wangusangaruskikiya mwaku imwe, pakutitauliya linweka linu, chitenje chinu, rwana linu lapa chifwa changu; viyo kuti ndingukondwa ukongwa kwakuruska.

ŴaGalatia 3:26

Chifukwa mose mwe ŵana ŵaku Chiuta mu chivwanu mwakuKristu Yesu.

ŴaGalatia 3:28

Mwaku Kristu mulive muYuda chingana ndi muGriki, mulive muŵanda chingana, ndi mwanangwa, mulive munthurumi ndi munthukazi; chifukwa mose mwe yumoza mwaku Kristu Yesu.

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

ŴaEfeso 1:15

Chifukwa chenichi ine nane, ndatindavwa ndi chivwanu mu Ambuya Yesu cha mwinu, ndipo ndi chanju chinu cha ku ŵakupaturika wose,

ŴaEfeso 6:18

Mu kuromba ndi kuninizika murombiyenge nyengo zose mu Mzimu, ndi kucherezga kwakufwiririyapo limu kuninizikiya pa chifukwa chakuwose ŵakupaturika,

ŴaKolose 1:9

Chifukwa chenichi ifwe nafwe, kwanda ku zuŵa lo tinguchivwiya, kuti tireka cha kumrombiyani ndi kupempha, kuti muzazike ndi chiziŵisku cha khumbo lake mu zeru ndi chiteska cha mzimu,

1 ŴaTesalonika 1:3

pakukumbuka kwambura kurekezga nchitu yinu ya chivwanu ndi chitakataka chinu cha chanju, ndi unkhunthiya wachigomekezgu mu Ambuyafwe Yesu Kristu, paurongo paku Chiuta widu ndi Auskefwe.

1 ŴaTesalonika 3:6

Kweni sono po waza Timote kutuwa kwinu ndipakutigozge makani ghakunozga gha chivwanu chinu ndi chanju chinu, ndi kuti mutitikumbuka umamphavi nyengo zose, pakunweka kutiwona, nge ndimo ifwe nafwe tinweke kumuwonani imwe;

2 ŴaTesalonika 1:3

Titenere kumwonga Chiuta nyengo zose pa chifukwa chinu, mwa ŵabali; uli ndimo nadi nkhwakwenere, pakuti chikuliyakuliya ukongwa chivwanu chinu, ndipo chanju chaku mose, yumoza ndi yumoza, chifurwiya yumoza ku munyake;

Filemone 1:5

pakuvwa chanju chako, ndi chivwanu cho we nacho ku Ambuya Yesu, ndi kwaku wose ŵakupaturika wo;

ŴaHebere 6:10

Chifukwa kuti Chiuta ngwambura urunji cha kuruwa nchitu yinu ndi chanju cho mungurongole zina lake, po munguteŵete ŵakupaturika wo, ndi muchaŵateŵete.

1 Yohane 3:14

Tiziŵa ifwe kuti tatuwako ku nyifwa kuyiyamo mu umoyo, pakuti titanja ŵabali wo. Yo wareka kwanja, wajaririya mu nyifwa.

1 Yohane 3:23

Ndipo lenili ndi dangu lake, kuti tivwaniyenge mu zina la Mwana wake Yesu Kristu, ndi kuti tanjane, uli ndimo wangutilanguliya.

1 Yohane 4:16

Ndipo ifwe tiziŵa ndipo tavwana ndi chanju chenicho Chiuta wenacho kuchiri kwaku ifwe. Chiuta nchanju; ndipo mweniyo waja mu chanju, waja mwaku Chiuta, ndipo Chiuta waja mwaku iyo.