ŴaKolose 1:23 - Tonga Bible 1986

²³ asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

ŴaKolose 1:23 ပူးပေါင်းရင်းမြစ်များ

Sumu 125:5

Kweni wo ŵatenda munthowa za uheni wawo, Ambuya akaŵatuzgangapo pamoza ndi ŵakuchita uheni! Chimangu chiŵiye Yisraele!

Chitenje 3:66

Muŵarondo ndi kuŵaparghang'a ndi ukari kutuwa kuchanya kwinu, Ambuya.”

Ezekiele 18:26

Asani murunji wareka urunji wake ndi kuchita uheni, wakafwanga nawo; wakafwanga chifukwa cha uheni wo wachita.

Zefaniya 1:6

ndi wo ŵawere vuli kutuwako kwa Ambuya, kuti ŵatuŵapenja Ambuya cha chingana nkhuŵafumba iwo.”

Marko 16:15

Ndipo wanguŵanene, “Kaninga mu charu chose; ndipo memezani evangeli ku ulengi wose.

Luka 22:32

kweni ine ndinguŵeyerere paku iwe, alinga kuti chingapereŵe cha chivwanu chako; ndipo iwe, utakuti wang'anamuka, khozganga ŵabali ŵako.”

Luka 6:48

Wakozgana ndi munthu wakuzenga nyumba mweniyo wangukumba pasi ndi wangunyonyoska, ndi wanguŵika chiŵanja pa jarawe: ndipo pakuŵapo zandi, msinji ungukukurwiyapo pa nyumba yiya, ndipo yengavi nthazi kuyisukung'a: chifukwa yinguzengeka umampha.

Yohane 15:6

Asani munthu wareka kujaririya mwaku ine, wapong'eka kubwaro nge ndi mphanda, wamira; ndipo ŵaunjika mphanda zo, watizipong'a mu moto, ndipo zitocheka.

Machitidu gha Ŵakutumika 1:17

Pakuti wangupendeke pamoza nafwe, ndipo wanguronde chigaŵa chake cha uteŵeti uwu.

Machitidu gha Ŵakutumika 1:25

rongoni mwaku wo ŵaŵi yo mwamsankhiya kuronde chigaŵa cha uteŵete uwu ndi utumi kwaku weniwo wangudezukako Yuda, kwachiruta ku malo ghapa mtima wake.”

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

Machitidu gha Ŵakutumika 2:5

Ndipo mwajangamo mu Yerusalemu ŵaYuda ŵanthu ŵakopa Chiuta, ŵakutuwa ku mitundu yose ya ŵapasi pa kuchanya.

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

Machitidu gha Ŵakutumika 26:16

Kweni yuka, ndi umiye pa marundi ghako: chifukwa chenichi ndakuwoneke, kukumika mteŵeti ndi kaboni waku vyo wandiwoniyamo ndi so waku vyenivyo ndikuonekiyengemo.

Machitidu gha Ŵakutumika 4:12

Ndipo kuti mwe utaski mu munyake cha, chifukwa chingana nkhuti kwe zina lamwenga cha pasi pa kuchanya, lakupaskika mu ŵanthu, mwaku lenilo tingataskikiya.”

ŴaRoma 10:18

Kweni ndititi, asi ŵanguvwa? Inyadi, “Mazu ghawo ghanguwanda mu charu chose, ndi manenedu ghawo ku vigoti vya panupasi.”

ŴaRoma 15:16

kuti ndiŵe ine mumirizi waku Kristu Yesu ku ŵaMitundu, wakuteŵete evangeli waku Chiuta, viyo kuti ŵaMitundu nawo ŵaŵenge mpasku wamarondeka, pakupaturiskikiya ndi Mzimu ŵakupaturika.

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

ŴaRoma 5:5

ndipo chigomekezgu kuti chilengeska cha; pakuti chanju cho chaku Chiuta chasapatiskikiya mu mitima yidu mwa Mzimu Wakupaturika, yo wapaskika kwaku ifwe.

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

1 ŴaKorinte 3:5

Apolo nkhane? Ndipo Paulo nkhane? Mbateŵeti mwaku ŵeniwo munguvwaniya; uli ndimo Ambuya angupaskiya kwaku yose.

2 ŴaKorinte 10:1

Kweni mu ukhovu ndi mu umampha waku Kristu ndikuŵeyereni ine, nda Paulo, ndawakujiyuyuwa pa maso pinu, kweni pakuŵa kunyake nda wakujitunthwa paku imwe;

2 ŴaKorinte 11:23

Kumbi mbateŵeti ŵaku Kristu? (Ndirongoro nge ngwauzereza) ine kwakuruska; mu mautakataka kwakuruska, mu magoŵa kwakuruska, mu malikwechu kwambura kupendeka, mu zinyifwa panandi.

2 ŴaKorinte 3:6

Mweniyo so watenereska kuŵa ŵateŵeti ŵa chipanganu chifya, cha lembo cha, kweni cha mzimu; chifukwa lembo lo libaya, kweni Mzimu ndiyo wapaska umoyo.

2 ŴaKorinte 4:1

Chifukwa chenichi pakuŵa nawo uteŵeti wenuwu, uli ndimo tarondere lisungu laku Chiuta, kuti tidembereka cha.

2 ŴaKorinte 6:1

Ndipo taŵakutakatakiya pamoza nayo, tikuŵeyereni karonde wezi waku Chiuta kwaumbughuya cha.

ŴaGalatia 4:11

Nditope imwe, vinu posepose ndatakatakiya imwe kwaŵaka.

ŴaGalatia 5:5

Chifukwa ifwe mu Mzimu tilindizgiya mu chivwanu chigomekezgu cha urunji.

ŴaGalatia 5:7

Mwachimbiyanga umampha; wangumumikani njani, kuti mureke kuvwiya uneneska wo?

ŴaGalatia 6:9

Ndipo tingavuka cha pakuchita cho nchamampha: chifukwa pa nyengo yake yiyo tikavunanga, pakureka kuropwa.

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

ŴaEfeso 2:21

mwaku mweniyo uzengi wose, pakurunjiskirana limu, ukuwa kuŵa kasopi wakupaturika mu Mbuya;

ŴaEfeso 3:17

kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju,

ŴaEfeso 4:16

kutuwa kwaku mweniyo liŵavu lose lo, pakuyaniskirana ndi kurunjiskirana mu fundu yose yakuninkhikako, likuliya kwakulingana ndi kachitidu kakwenere ka chigaŵa che chose, chimoza ndi chimoza, viyo kuti liŵavu lo lijizenga mu chanju.

Marangu 2:25

Zuŵa lino ndiyambenge kutenthemeska ŵanthu wose mu charu wo we pasi pa mtambo kuti ŵawopenge. Weniwo ŵavwenge mbili yino, ŵatenthemenge ndi kuvwa urwirwi chifukwa chaku imwe.’

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

ŴaKolose 1:25

Waku lenilo ndaŵiya mteŵeti, kwakulingana ndi uteŵeti wakupaturika wo ungupaskika kwaku ine pa chifukwa chinu, mwakuti ndifiske kumemeza mazu ghaku Chiuta,

ŴaKolose 2:7

pakumererwa ndi kuzengeka mwake, ndi kukhozgeka mu chivwanu, uli ndimo mwasambizgikiya, ndi kufurwiya mu chiwonga.

1 ŴaTesalonika 3:3

alinga kuti wareke kuyuzgika, yumoza ndi suzgu zenizi: pakuti muziŵa mwaŵeni kuti nkhwaku chenichi ko ifwe tikumikikiya.

1 ŴaTesalonika 3:5

Chifukwa chenichi ine nane, pakuziŵa kukunthiyapo so cha, ndingumutuma mwakuti ndiziŵe chivwanu chinu, vinu kokuli wakwesa yo wakwesani, ndi kuti mlimu widu waŵa wawaka.

1 ŴaTesalonika 5:8

Kweni ifwe, taŵakuŵa ŵa msana, tizize, taŵakuvwara chivekeru chapa chifuŵa cha chivwanu ndi chanju, ndi nge nchapa mutuchigomekezgu cha chipozomosku.

2 ŴaTesalonika 2:16

Ndipo Ambuyafwe Yesu Kristu mweneko, ndi Chiuta Auskefwe, yo wangutanja ndi wangutipaska chisangurusku cha muyaya ndi chigomekezgu chamampha mu wezi,

1 Timote 1:12

Nditumuwonga yo wangundinthaziska, Kristu Yesu Ambuyafwe, mwakuti wangundipima wamagomekezgeka, pakujiŵikiya ine mu uteŵeti;

1 Timote 2:7

waku cho ndingumikikiya ine mumemeza ndi wakutumika, (ndineneska, kuti nditetacha), msambizgi wa ŵaMitundu mu chivwanu ndi uneneska.

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

Tito 3:7

alinga kuti, pakurunjiskika ndi wezi wake, tiŵenge ŵakuhara kwakulingana ndi chigomekezgu cha umoyo wamuyaya.

ŴaHebere 10:38

Kweni murunji wangu yo mu chivwanu wajariyenge wamoyo: ndipo asani wawere vuli umoyo wangu kuti ukondwere mwake cha.”

ŴaHebere 3:14

chifukwa taŵa ŵasangazi ŵaku Kristu, asani tikoreska chandiru cha chigomekezgu chidu nganganga mpaka umari;

ŴaHebere 3:6

kweni Kristu nge ndi mwana, pa nyumba yake; nyumba yaku mweniyo ndifwe, asani tikoreska chiganga chidu ndi chitumbwa cha chigomekezgu chidu gwa mpaka umari.

ŴaHebere 4:14

Viyo pakuŵa ndi Mzukuru Mura mukuru, yo waporota mu machanya, Yesu, Mwana yo waku Chiuta, tikoreske chizomerezgu chidu.

ŴaHebere 6:19

chigomekezgu chenicho te nacho nge ndi ndondowa ya mzimu, chakuneneska ndi chakukho, ndi chakuserere mwaku cho che mukati mu chijaru cho;

1 Petro 1:3

Warumbike Chiuta wiske wa Mbuyafwe Yesu Kristu, mweniyo kwakuyana ndi unandi wa lisungu lake wangutipapiya so ku chigomekezgu chamoyo mu chiyuka chaku Yesu Kristu ku ŵakufwa,

1 Petro 1:5

mwaŵakusungika ndi nthazi yaku Chiuta mu chivwanu ku utaski wakurongosoleke kuvumbulikiya mu nyengo yaumari.

1 Yohane 2:27

Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.