ŴaKolose 1:20 - Tonga Bible 1986

²⁰ ndipo kuti mwaku iyo wasopaniskiye vyose kwaku yija, wati wachitiya chimangu mu ndopa za mphinjika yake; ndititi, kwachisopaniskiya mwaku iyo pamwenga vyo vyapa charu, pamwenga vyo vya kuchanya.

ŴaKolose 1:20 ပူးပေါင်းရင်းမြစ်များ

ŴaLevi 6:30

Kweni paulevi sembe yapa ulakwi yo yikarghikanga mwaku yo ndopa zose zatoreke mu hema lakuwunganamo kwa chipepeske mu malo ghakupaturika; yikawochekanga ndi moto.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Mika 5:5

Ndipo ichi chikaŵanga chimangu, po ŵaAsiriya ŵatuza mu charu chidundi kukanda pa dongo lidu, kuti timuyuskiye ŵaliska ŵankhonde ndi ŵaŵi, ndi ŵakaronga ŵankhonde ndi ŵatatu.

Maŵerengedu 7:65

ndipo vya sembe ya mipasku ya chimangu, tunkhuzi tuŵi, ŵabira ŵankhonde, ŵaphongo ŵankhonde, twana twa mberere tunkhonde twa chirimika chimoza. Uwu wenga mpasku waku Abidana mwana waku Gideoni.

Mateyu 1:21

Ndipo wapapenge mwana munthurumi; ndiudanenge zina lake Yesu: chifukwa ndiyo wataskenge khamu lake ku vilakwa vyawo.”

Luka 2:14

“Unkhankhu kwaku Chiuta mu mdengwendi, ndi panupasi chimangu mu ŵanthu mwaku wo wakondwere.”

Machitidu gha Ŵakutumika 10:30

Ndipo Kornelio wanguti, “Ghandakepo mazuŵa ghanayi, po ora lenilino, ndarombanga mu nyumba yangu maniniziku ghamazulo; ndipo, wonani, munthu mu kavwaridu kakuŵala wanguma paurongo pangu,

ŴaRoma 5:1

Viyo pakurunjiskika ndi chivwanu, chimangu te nacho kuchiri kwaku Chiuta mu Ambuyafwe Yesu Kristu;

ŴaEfeso 1:10

yati yafika nyengo vinthu vyose, vyakuchanya ndi vyapanupasi vyo, viŵe vimoza mwaku Kristu iyo.

ŴaFilipi 2:10

kuti mu zina laku Yesu gongonu lose ligwadiyenge, la ŵakuchanya, ndi la ŵapa charu, ndi la ŵakusi kwa charu,

ŴaKolose 1:16

Pakuti mwaku iyo vingulengeka vinthu vyose, vya kuchanya ndi vyapa charu, vyakuwoneka ndi vyambura kuwoneka, pamwe vitengu vyaufumu, pamwe maumbuya, pamwe maufumu, pamwe mitufu; vyose vyo vikulengeke mwaku iyo, ndi kwaku iyo.

ŴaHebere 2:17

Viyo na wangwenere mwaku vyose kulinganizgika ku ŵabali ŵake, alinga kuti waŵiye kuchiri kwaku Chiuta mzukuru mura walisungu ndi wamagomekezgeka, kwachipepeske pa vilakwa vya ŵanthu.