ŴaKolose 1:12 - Tonga Bible 1986

¹² ndi kumuwonga Dada, mweniyo watenereska kuti tisangane chihara cho cha ŵakupaturika mu ukweru.

ŴaKolose 1:12 ပူးပေါင်းရင်းမြစ်များ

1 ŴaKaronga 6:7

Po yinguti yazengeka nyumba yenga ya mya yakulongosoreke limu pa malo gho watongapo mya. Viyo kuti chingana ndi nyundo pamwenga mbavi pamwenga mtundu unyake wa chisulu vyengavi kuvwika mu kasopi, wachizengeka.

1 Mikoka 29:20

Viyo Davidi wanguti ku wumba wose, “Atumbikeni sono Ambuya Chiuta winu,” ndipo wumba wose wunguŵatumbika Ambuya, Chiuta wa auskeu, ndi ŵangukotama pasi mitu yawo, ndi ŵanguŵalambiya Ambuya, ndi kujikamiya pasi karonga.

Sumu 116:7

Wa mzimu wangu, uwere ku chipumulu chako; chifukwa Ambuya aŵa amampha kwangu.

Sumu 36:9

Pakuti chisima cha umoyo che ndi imwe; mu kungweruka kwinu ifwe tiwona ukweru.

Sumu 79:13

Ndipo ifwe, khamu linu, ndi mberere za uliska winu, tiwongenge imwe muyaya; ndikutaula marumbu ghinu ku migonezi yose.

Sumu 97:11

Ukweru uŵaliya pa ŵakurunjika, chimwemwe che pa ŵakutowa mu mtima.

Nthanthi 16:1

Vyakulongoso vya muwongu vya munthu, kweni kwamuka kwa lilime kutuwa ku Ambuya.

Nthanthi 4:18

Kweni nthowa ya ŵarunji ye uli mbukweru wa matandakucha weniwo utuwiya-tuwiya mpaka kwachiya limu.

Danyele 2:23

Kwaku imwe, Chiuta wa ŵada, ndipereka viwongo ndi marumbu, chifukwa mwandipaska zeru ndi nthazi, ndipo sono mwandivumbuliya cho tingufumba kwaku imwe, chifukwa mwativumbuliya makani gha karonga.”

Mateyu 25:34

Sono karonga yo wakaneniyanga ŵaku marghe, ‘Zaninge, mwaŵakutumbika ŵa Ada, harani ufumu wakurongosoleke imwe kutuwa ku mtendeku wa charu:

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yohane 20:17

Yesu wanena nayo, “Reka kundiko, chifukwa ndindakwere ku Ada; kweni kanga ku ŵabali ŵangu, kaŵanene, ndikwere ku Ada Auskemwe, kwaku Chiuta wangu ndi Chiuta winu.”

Yohane 4:23

Kweni ora lituza, ndipo sono liripo penipo ŵasopi ŵenecho ŵamsopenge Dada mu mzimu ndi mu uneneska: pakuti nadi Dada wapenja ŵakumsopa ŵaviyo.

Machitidu gha Ŵakutumika 20:32

Ndipo sono ndikuseserekezgani kwaku Chiuta, ndi ku mazu gha wezi wake, kwaku mweniyo ngwanthazi kukuzengani, ndi kukupaskani chihara mwaku wose ŵeniwo ŵapaturiskika.

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

ŴaRoma 11:17

Kweni asani mphanda zinyake zafyolekako, ndipo iwe, pakuŵa olive lakudimba,

ŴaRoma 15:27

Viyo ŵangukondwa kuchita ichi; ndipo mbamateu kwaku wo; chifukwa asani ŵaMitundu ŵasanganapo vyamzimu vyawo mbamateu kuŵateŵete mu vyaliŵavu navyo.

ŴaRoma 8:17

kweni asani te ŵana, te ŵakuhara so; ŵakuhara ŵaku Chiuta, ndi ŵakuhara ŵamasanga ndi Kristu; asani tikomwe pamoza nayo, alinga kuti tikankhuskikiye so pamoza nayo.

ŴaRoma 9:23

ndipo alinga kuti waziŵiske usambasi wa unkhankhu wake pa ŵanthu wo ŵanguronde lisungu lake, ŵeniwo wangurongosole limu ku unkhankhu,

1 ŴaKorinte 8:6

kweni kwaku ifwe walipo Chiuta yumoza pe, Ada, kutuliya kwaku mweniyo kwe vyose ndi mwaku mweniyo tose tijariya Mbuya yumoza, Yesu Kristu mwaku mweniyo mwe vyose, ndi ifwe mwaku iyo.

1 ŴaKorinte 9:23

Ndipo vyose, ndichitiya pa chifukwa cha evangeli wo, alinga kuti ndiŵi msangazi mu vitumbiku vyake.

2 ŴaKorinte 11:14

Ndipo kuti nchakuziziswa cha; chifukwa chingana ndi Satana nayo watijisanduska kuŵa mungelo wa ukweru.

2 ŴaKorinte 5:5

Kweni yo watichitiya chenichi chaviyo ndi Chiuta, mweniyo watipaska Mzimu nge nchamatomi cha umoyo wo utuza.

ŴaEfeso 1:11

Nadi mwaku iyo, mwaku mweniyo so tinguchitika chihara (tati tatemeke limu mu chitema chaku mweniyo watataliya vyose tataliya vyose kwakulingana ndi chipangu cha khumbu lake),

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

ŴaEfeso 2:18

pakuti mwakuiyo tose taŵaŵi tiŵandikiya mu Mzimu yumoza ku Dada.

ŴaEfeso 3:6

pakuti ŵaMitundu ŵaŵa ŵakuhara nafwe, ndi ŵa liŵavu limoza pamoza nafwe, ndi ŵasangazi-ŵanase ŵa chipanganu mwaku Kristu Yesu mu evangeli.

ŴaEfeso 4:6

Chiuta yumoza ndi Wiskeu waku wose, mweniyo wawusa pachanya paku wose, ndi wachitiya mwaku wose, ndi waja mukati mwaku wose.

ŴaEfeso 5:11

ndipo mungasangana ndi nchitu zambura vipasi za mdima, kweni viŵiviŵi muzisuske nadi;

ŴaEfeso 5:20

pakuwonge so nyengo zose Chiuta ndi Dada pa chifukwa chaku vyose mu zina la Ambuyafwe Yesu Kristu.

ŴaEfeso 5:4

chingana ndi lilengu, chingana mbubepi, chingana ndi mphekulu yiheni, vyenivyo vyambura kuyamo; kweni ukongwa kuwonga.

ŴaEfeso 5:8

chifukwa kali mwenga mu mdima, kweni sono mwe kungweruka mu Mbuya: yendani ulaka mbana ŵa kungweruka

ŴaKolose 2:2

alinga kuti yikhwimiskike mitima yawo, pakumangana pamoza mu chanju, ndi mu usambasi wose wakuzala wa mziŵiru, kuti ŵaziŵe mangari ghaku Chiuta, ghaku Kristu,

ŴaKolose 3:15

Ndipo chimangu chaku Kristu chiuse mu mitima yinu, kwaku chenicho so mungudanikiya mu liŵavu limoza; ndipo muŵe ŵakuwonga.

ŴaKolose 3:17

Ndipo chose cho mungachita, mu mazu pamwenga mu nchitu, chitiyani vyose mu zina la Mbuya Yesu, ndipo muwongeni Chiuta Dada mwaku iyo.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

ŴaHebere 12:23

ku ungano ndi ekleziya la ŵakupapika danga ŵakulembeka kuchanya, ndi kwaku Chiuta, mweruzgi waku wose, ndi ku ŵazimu ŵa ŵarunji ŵakufiskika,

ŴaHebere 3:1

Viyo na, mwa ŵabali ŵakupaturika, ŵasambazi ŵa mdanu wakuchanya, pimani wakutumika yo ndi Mzukuru Mura wachizomerezgu chidu, Yesu;

ŴaHebere 3:14

chifukwa taŵa ŵasangazi ŵaku Kristu, asani tikoreska chandiru cha chigomekezgu chidu nganganga mpaka umari;

Yakobe 3:9

Ndi lilime lo titumbika Ambuya ndi Dada; ndipo ndi lenilo pe titemba ŵanthu, wo mbakulengeka mu chikozgu chaku Chiuta:

1 Petro 5:1

Viyo ndichiska ŵara ŵamwaku imwe, ine ndamura munyawo, ndi kaboni wa vyakukomwa vyaku Kristu, ndamsangazi so wa unkhankhu wakukhasa kuvumbulika:

1 Yohane 1:3

chenicho tawona ndi tavwa timtauliyani imwe so, alinga kuti namwe muŵe ndi wanase pamoza nafwe; ndipo nadi wanase widu ngwa pamoza ndi Dada, ndi pamoza ndi Mwana wake Yesu Kristu.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

Chivumbuzi 22:14

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.