ŴaHebere 8:3 - Tonga Bible 1986

³ Pakuti mzukuru mura yose wamikikiya kwachipereka mipasku ndi so visopu: viyo kukhumbikwa kuti mwenuyu waŵe ndi kanthu ko wangapereka.

ŴaHebere 8:3 ပူးပေါင်းရင်းမြစ်များ

Yohane 6:51

Ine ndine Chiŵande chamoyo, cho chasoromoka kuchanya: asani yumoza wangarghapo chiŵande chenichi, wajaririyenge wamoyo ku muyaya: ndipo chiŵande nacho cho ine ndipaskenge pa chifwa cha umoyo wa charu ndi liŵavu langu.”

ŴaRoma 4:25

mweniyo wangukomboleke pa chifukwa cha vilakwa vidu, ndipo wanguyuskikiya pa chifukwa cha kurunjiskika kwidu.

ŴaRoma 5:6

Chifukwa kuti, tenga teche ŵakutomboroka; pa nyengo yakwenere Kristu wangufwiya ŵambura kuziŵa Chiuta.

ŴaRoma 5:8

Kweni Chiuta wasimikizgiya chanju chaku iyo mweneko kuchiri kwaku ifwe, mwakuti, tengateche ŵakulakwa, Kristu wangutifwiya.

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

ŴaHebere 2:17

Viyo na wangwenere mwaku vyose kulinganizgika ku ŵabali ŵake, alinga kuti waŵiye kuchiri kwaku Chiuta mzukuru mura walisungu ndi wamagomekezgeka, kwachipepeske pa vilakwa vya ŵanthu.

ŴaHebere 3:1

Viyo na, mwa ŵabali ŵakupaturika, ŵasambazi ŵa mdanu wakuchanya, pimani wakutumika yo ndi Mzukuru Mura wachizomerezgu chidu, Yesu;

ŴaHebere 5:1

Chifukwa mzukuru mura yose, wakusankhika mu ŵanthu, waŵikikiya pa chifwa cha ŵanthu mu vinthu vya kuchiri kwaku Chiuta, alinga kuti waperekenge mipasku ndi visopu pa chifwa cha vilakwa.

ŴaHebere 7:27

mweniyo walive chikakamizgu zuŵa ndi zuŵa, ulaka mbazukuru ŵara ŵeniŵa, kupereka chisopu pa chifukwa cha vilakwa kudanga vya mweneko ndi pavuli vya khamulo; pakuti chenicho wanguchitiya kamoza limu, wangwachijisaska, mwenecho.

ŴaHebere 8:4

Ndipo asani wenga panupasi, mphanyi kuti wanguŵa mzukuru kose cha, po ŵalipo ŵakupereka mipasku mwa dangu.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?