ŴaHebere 4:2 - Tonga Bible 1986

² Chifukwa nadi tataulikiya evangeli uli ndi ŵeniŵa: kweni mazu gho ŵanguvwa ghengavi kuŵanduliya kanthu, pakuŵavi kusazgikana ndi chivwanu mu ŵakughavwa.

ŴaHebere 4:2 ပူးပေါင်းရင်းမြစ်များ

Machitidu gha Ŵakutumika 13:46

Kweni Paulo ndi Barnaba ŵangugangiya, kuti “Kungwenere kuti mazu ghaku Chiuta ghakambike danga kwaku imwe. Kweni imwe mutighapata ndipo mujesa ŵambura kwenere umoyo wo wamuyaya, awonani, ting'anamukiya ku Mitundu yo.

Machitidu gha Ŵakutumika 3:26

Chiuta wati wayuska Muŵanda wake, wangumtuma danga kwaku imwe kukutumbikani, mu kunyongo munthu yose waku imwe ku viheni vinu.”

ŴaRoma 2:25

Pakuti nadi mchinju utanduwa, asani uchita dangu: kweni asani ndiwe mjumpha-dangu, mchinju wako waŵadi uruwa-mchinju.

ŴaRoma 3:3

Na kwati, asani ŵengavi kuvwana ŵanyake? Kumbi uwura chivwanu wawo uwayuwenge umagomekezgeka waku Chiuta?

1 ŴaKorinte 13:3

Ndipo asani ndingagaŵa vyangu vyose kovya ŵakavu, asani ndingapereka liŵavu langu kuti ndocheke, kweni chanju ndirive, kuti ndanduwengepo kanthu cha.

ŴaGalatia 3:2

Chinichi pe ndikhumba kuziŵapo kwinu, kumbi munguronde Mzimu yo ku milimu ya chilangulu, pamwenga ku kuvwa kwa chivwanu?

ŴaGalatia 3:8

Ndipo lembo lo, pakuwone limu kuti Chiuta kutuwa ku chivwanu warunjiskenge ŵaMitundu, lingutauliya limu evangeli kwaku Abrahamu, lakuti, “Mwaku iwe yikatumbikikanga mitundu yose.”

ŴaGalatia 4:13

kweni muziŵa kuti chifukwa cha unthomboru wamu liŵavu langu ndingumtauliyani evangeli pakudanga pa:

Marangu 1:32

Ndipo nanga mazughenga viyo, kuti munguvwana ndi Ambuya Chiuta winu cha,

1 ŴaTesalonika 1:5

pakuti evangeli widu kuti unguziya imwe mu mazu pe cha, kweni so mu nthazi ndi mu Mzimu Wakupaturika, ndi mu uzali wenecho wa chigomekezgu. Uli ndimo muziŵiya po tinguŵiya mwinu wakuti e, pa chifukwa chinu.

1 ŴaTesalonika 2:13

Chifukwa chenichi nafwe so timwonga Chiuta kwambura kulekezga, kuti pakuronde kwaku ifwe mazu gha uthenga waku Chiuta, mungugharonde nge ndi mazu gha ŵanthu cha, kweni, mo ghaliri, nge ndi mazu ghaku Chiuta, ghenigho nagho ghatakataka mwaku imwe mwaŵakuvwana.

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

ŴaHebere 11:6

Kweni kwambura chivwanu kutondeka kumkondweska: chifukwa yo watuza kwaku Chiuta wakavwananga kuti waliko, ndipo kuti ngwakuŵalambula ŵeniwo ŵatumpenjeska.

ŴaHebere 3:12

Cheŵani, mwa ŵabali vinu kokuli mu yumoza waku imwe uŵenge mtima uheni wambura chivwanu, mu kudezukako kwaku Chiuta wamoyo.

ŴaHebere 4:6

Viyo pakuwona kuti anyake ŵaserenge mwaku cho, ndipo kuti ŵeniwo ŵangutaulikiya kali mazu ghakunozga ŵanguseremo cha chifukwa cha mtafu,

Yakobe 1:21

Chifukwa chenichi pakuzuwa ukazuzi wose ndi uheni wakuwanda, rondani mu upovu mazu ghaku pandika, gho nganthazi kutaska mizimu yinu.

1 Petro 1:12

Kwaku ŵenaŵa kunguvumbulikiya, kuti kwaku ŵija cha, kweni kwaku imwe ŵateŵetiyanga vyenivi, vyo sono vyataulikiya imwe ndi ŵeniwo ŵangumkambiyani evangeli mu Mzimu Wakupaturika, yo wangutumika kutuliya kuchanya; mwaku vyenivyo ŵangelo ŵanweka kulingirizgamo.