ŴaHebere 2:2 - Tonga Bible 1986

² Chifukwa asani mazu gho ghangukambika ndi ŵangelo ghanguŵa ghakukho, ndipo ubudi wose ndi mtafu unguronde chilambula mphotu chakurunjika;

ŴaHebere 2:2 ပူးပေါင်းရင်းမြစ်များ

Sumu 68:17

Ndi magareta ghanthazi, vikwi machumi ghaŵi (20,000), vikwi pavikwi, Ambuya anguza kutuwa ku Sinai kwazifika mu malo ghakupaturika.

Maŵerengedu 11:33

Penipo nyama yenga yeche mu milomo yawo, ŵenga ŵandayitafunye, ukari wa Ambuya ungukole pa ŵanthu, ndipo anguŵapuma ndi nthenda yakofya ukongwa.

Maŵerengedu 16:49

Sono wo ŵangufwa ndi nthenda wenga vikwi chumi ndi vinayi pachanya machumi pe chumi ghankhonde ndi ghaŵi, (14,700) yaŵa mba pade paku wo ŵangufwa chifukwa cha mrandu waku Kora.

Maŵerengedu 21:6

Ndipo Ambuya angutumizga njoka za moto mukati mu ŵanthu, zinguŵaruma ŵanthu mwakuti ŵanandi ŵangufwa.

Maŵerengedu 25:9

Kweni ndipuuli wo ŵangufwa ndi chideru ŵenga vikwi machumi ghaŵi pachanya vinayi (24,000).

Machitidu gha Ŵakutumika 7:53

Mwaŵenimwe munguronde dangu lakupaskika ndi ŵangelo, ndi mwengavi kulisunga.”

ŴaGalatia 3:19

Ndavine nanga langulu lo? Linguŵikikapo pa chifukwa cha maubudi, mpaka yingaza mbeu yo, kwaku yeniyo chipaskika chipanganu; ndipo chingurongosoleke ndi ŵangelo mu janja la mwendapakati.

Marangu 17:12

Munthu mweniyo wakachitanga mazaza ghake, pakureka kuvwiya mzukuru mweniyo watuma kuteŵete penipa paurongo pa Ambuya Chiuta winu, pamwenga mweruzgi, yo munthu wakafwanga. Pakuchita viyo mukatuzgangamo uheni mu Yisraele.

Marangu 17:2

“Asani kwasanirika nukati mwinu, mu mizi yinu yose yo Ambuya Chiuta winu watumupaskani, munthurumi pamwenga munthukazi yo walakwa mu maso gha Ambuya Chiuta winu, pakujumpha phanganu la Ambuya,

Marangu 17:5

viyo mukatuzgiyanga kubwalo kwa malikomo ghinu munthurumi yo, pamwenga munthukazi yo wachita chinthu chiheni cha viyo. Ndipo mukamupong'anga ndi mya munthurumi yo pamwenga munthukazi yo ndi kumubaya.

Marangu 27:26

“ ‘Watembeke yo kuti wazomerezga cha mazu gha dangu ili mu kughachita.’ Ndipo ŵanthu wose ŵanenenge, ‘Ameni.’

Marangu 32:2

Mphanyi kusambizga kwangu kungunthona uli ndi vuwa, fundu yangu mphanyi yingusongonoka uli ndi dungwi; uli ndi vuwa ya wenguwengu pa uteka wakutefwatefwa, ndipo uli nkumeme pa vyakume.

ŴaHebere 1:1

Chiuta, yo mwaka wakambiyanga munthowa zinandi ndi zakupambanapambana ndi ŵaseku mu ŵamchimi,

ŴaHebere 10:28

Munthu wakukana dangu laku Mosese watufwa kwambura lisungu pa chisimisimi cha ŵakeboni ŵaŵi pamwenga ŵatatu:

ŴaHebere 10:35

Viyo mungataya cha chigomekezgu chinu, cho che nayo mphotu yikuru.

ŴaHebere 11:26

ndipo wangweska tozu lo laku Kristu yo uromba ukuru ku usambasi wamu Egipiti pakuti wangulereskako ku chilambula-mphotu.

ŴaHebere 11:6

Kweni kwambura chivwanu kutondeka kumkondweska: chifukwa yo watuza kwaku Chiuta wakavwananga kuti waliko, ndipo kuti ngwakuŵalambula ŵeniwo ŵatumpenjeska.

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

2 Petro 1:19

Ndipo te nalo nenedu lo la umchimi lakukhozgeka: kwaku lenilo mutenere kuphwere, uli nkhu lumbuni lakuŵaliya mu malo ghamunkhorwi, mpaka lichenge zuŵa, ndi thondu lituwenge mu mitima yinu.

Yuda 1:5

Kweni ndikhumba kumkumbuskani, mwaŵakuziŵiya limu vyose, kuti Ambuya, ŵati ŵataska khamu ku Egipiti, pavuli po anguŵananga ŵambura kuvwana.