ŴaHebere 1:3 - Tonga Bible 1986

³ Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

ŴaHebere 1:3 ပူးပေါင်းရင်းမြစ်များ

1 Mikoka 29:11

Ukuru ngwinu, Ambuya, ndi nthazi ndi upundi, ndi unkhankhu chifukwa vyose vya kuchanya ndi vya pasi vinu; ufumu ngwinu, Ambuya, ndipo mwakwezgeka nge ndi mutu pachanya paku vyose.

Jobu 37:22

Kuŵala kwakung'anima nge ndi golide kutuliya ku nkhonde; Chiuta wakunwalikika ndi unkhankhu ukuru.

Sumu 110:1

Ambuya angunene ambuyangu, “Uje ku janja langu la kurghiya, mpaka po ndaŵika ŵamawongo ŵako kusi ku marwayo ghako.”

Sumu 75:3

Nanga charu ndi vyose vyakujamo vimbininika, ine ndikakhozganga viŵanja vyake.”

Wakutaula 8:4

Pakuti mazu gha karonga nga nthazi, ndipo ndiyani yo wanganena kwaku iyo, “Uchitanji?”

ŴaLevi 15:15

Mzukuru wakaperekanga, kamoza pa sembe yapa ulakwi ndi kanyake pa sembe yakocha; ndipo mzukuru wakamupepeskiyanga paurongo pa Ambuya pa kusuruwa kwake.

Mika 5:4

Ndipo wakamanga ndi kuliska mskambu wake, ndi nthazi za Ambuya, ndi kuzirwa kwa zina la Ambuya Chiuta wake. Ndipo ŵakajanga mu kufwasa chifukwa iyo wakaŵanga mukuru mpaka ku vigoti vya charu chapasi.

Mateyu 22:24

kuti, “Msambizgi, Mosese wangukamba, ‘Asani munthu wafwa wambura ŵana, mhurwa wake wahare muwoli wake, mwakuti wamyuskiye mkuwake mbeu.’

Marko 16:19

Viyo ndipo Ambuya Yesu, pavuli pa kurongoro nawo, wangurondeke kuchanya, ndipo wangujariya pasi ku janja lamarghe laku Chiuta.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

Yohane 1:4

Mwaku iyo mwenga umoyo, ndipo umoyo wo wenga kungweruka kwa ŵanthu.

Machitidu gha Ŵakutumika 2:33

Viyo pakukwezgeke ku marghe ghaku Chiuta ndipo wati waronde ku Dada chipanganu cho cha Mzimu Wakupaturika, wapunguliya paku ifwe chenicho imwe muwona ndi mutuvwa.

Machitidu gha Ŵakutumika 7:56

ndipo wanguti, “Awonani, ndiwona machanya gho ghakujurika, ndi Mwana wa munthu yo watuma ku marghe ghaku Chiuta.”

ŴaRoma 1:16

Chifukwa kuti ndikanyara ndi evangeli wo cha: chifukwa ndi nthazi yaku Chiuta, yakutaskiya yose yo ngwakuvwana; kuti muYuda danga, ndi so ku muGriki.

ŴaRoma 8:34

Kristu Yesu ndiyo wangufwa, inya, ndiyo wanguyuskika ku ŵakufwa mweniyo we ku marghe ghaku Chiuta, mweniyo nayo waninizikiya pa chifukwa chidu.

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

ŴaKolose 3:1

Viyo asani mwayuskika pamoza ndi Kristu, lembeni vya kuchanya, kweniko kwe Kristu, wakujariya ku janja lamarghe laku Chiuta.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

ŴaHebere 1:13

Ndipo nkhwaku yani wamu ŵangelo wanene kali, “Ja kwangu ku marghe, Mpaka ndaŵika ŵamawongu ŵako nge nchitengu cha marwayo ghako?”

ŴaHebere 10:12

kweni mwenuyu, wanguti wapereka sembe yimoza yapa chifukwa cha vilakwa, wangujariya pasi ku marghe ghaku Chiuta muyaya;

ŴaHebere 12:2

ŵakumthoŵa Yesu jandu ndi mfiski wa chivwanu chidu, mweniyo, chifukwa cha chimwemwe chakujarikika paurongo pake, wanguyizizimizgiyapo mphinjika, ndi kuyuyuwa lilengu lake, ndipo sono waja pasi ku marghe gha chitengu cha ufumu chaku Chiuta.

ŴaHebere 4:14

Viyo pakuŵa ndi Mzukuru Mura mukuru, yo waporota mu machanya, Yesu, Mwana yo waku Chiuta, tikoreske chizomerezgu chidu.

ŴaHebere 7:27

mweniyo walive chikakamizgu zuŵa ndi zuŵa, ulaka mbazukuru ŵara ŵeniŵa, kupereka chisopu pa chifukwa cha vilakwa kudanga vya mweneko ndi pavuli vya khamulo; pakuti chenicho wanguchitiya kamoza limu, wangwachijisaska, mwenecho.

ŴaHebere 8:1

Kweni mwaku vyenivyo vyakambika fundu yeneko njeniyi: te nayo Mzukuru Mura waviyo, mweniyo waja pasi ku marghe gha chitengu chaufumu ukurukuru mu machanya,

ŴaHebere 9:16

Pakuti po pe chipanganu cha chirawu, yikateskekanga nyifwa ya wakuchichita.

ŴaHebere 9:26

iku wangwenere kukomwa panandi kutuwa ku kujarikika kwa charu; kweni sonu kamoza pa umari wa migonezi warongoleka kwachituzgiya maulakwi mu chisopu chaku iyo yija.

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.

1 Petro 3:22

mweniyo we ku marghe ghaku Chiuta, wati waruta kuchanya, pakuthereskeke kwaku iyo ŵangelo ndi mitufu ndi Vyanthazi.

2 Petro 1:16

Chifukwa tengavi kurondo nthanu zakunyengere, tichimziŵiskani nthazi yake ndi uzi wa Mbuyafwe Yesu Kristu, kweni tenga ŵakutimu ndi maso ukuru wake.

2 Petro 1:17

Chifukwa kwaku Chiuta Dada wanguronde thamu ndi unkhankhu, penipo kutuliya ku unkhankhu wo wakuzungura ghangumziya mazu ghakuti, “Mwenuyu ndi Mwana wangu wakwanjiwa, mwaku mweniyo ndikondwere ine.”

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

1 Yohane 3:5

Ndipo muziŵa kuti wanguwoneka Yuwa, alinga kuti watuzgepo vilakwa; ndipo mwaku iyo chilakwa mulive.

Yuda 1:25

kwaku Chiuta yijayija pe, Ntaski widu, kuŵiye mwaku Yesu Kristu Ambuyafwe, unkhankhu, mazaza, ukumu ndi mtufu, uli ndimo kwaŵiyanga yindaŵepo migonezi, kuliri sono, ndipo kukaŵiyanga muyaya. Ameni.

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

Chivumbuzi 4:11

“Wakwenere ndimwe, Ambuyafwe Chiuta widu, kuvironde, unkhankhu, rumbu ndi nthazi: pakuti imwe munguvilenga vyose, ndipo chifukwa cha khumbu linu vinguŵako, ndipo vingwatika.”