ŴaFilipi 1:20 - Tonga Bible 1986

²⁰ uli nchilereze cho ndinweka ndi chigomekezgu changu, chakuti ndingalengeskeka mu kanthu kamoza cha, kweni kuti mu chiganga chose sono nge ndi nyengo zose, Kristu wakuzgikiyenge mu liŵavu langu, manyi ndi mu umoyo, pamwenga mu nyifwa.

ŴaFilipi 1:20 ပူးပေါင်းရင်းမြစ်များ

Sumu 119:116

Ndichirikiriyeni kwakuyana ndi phanganu linu, mwakuti ndiŵe wamoyo, mu chigomezgu changu ndireke kurengeskeka.

Sumu 119:80

Mtima wangu uvwiye malangulu ghinu, mwakuti ndireke kulengeskeka.

Sumu 25:2

Mwa Chiuta wangu, mwaku imwe ndagomekezga, ndireke kulengeskeka: ŵareke kutumbiya paku ine ŵarwani ŵangu.

Sumu 62:5

Mzimu wangu ulindizga chisisi mwaku Chiuta; chigomezgu changu ndiŵika mwaku iyo.

Nthanthi 10:28

Chigomezgu cha murunji chimaliya mu kukondwa, kweni cho wagomezga wamphurupuru chimaliya pa waka.

Nthanthi 23:18

Kwakuneneska kwe umukucha, ndipo gomezgu lako kuti likadumulikangako cha.

Yesaya 45:17

Kweni Yisraele wataskika ndi Ambuya ndi utaski wa muyaya; kuti ukalengeskekanga cha chingana rikhutimbanizgika ku mgonezi wa muyaya.

Yesaya 50:7

Pakuti Ambuya Chiuta atindovya; chifukwa chenichi kuti ndatimbanizgika cha; chifukwa cho ndamika chisku changu uli ndi mwa, ndipo ndiziŵa kuti, kuti ndikalengeskekanga cha;

Yesaya 54:4

“Ungopanga cha, pakuti kuti ukalengeskekanga cha; ungaghanaghananga cha, pakuti kuti ukatolekiyanga chilengesku cha; pakuti ukaruwanga chilengesku cha unyamata wako, kusekeka kwa uvyokoro wako kuti ukakumbukanga so cha.

Yohane 21:19

(Ndipo ichi wangunena, pakusimikizga ndi nyifwa yo Petro wakafwanga ndi kutore unkhankhu kwaku Chiuta.) Ndipo wati wakamba chenichi, wangumnene, “Rondo ine.”

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

Machitidu gha Ŵakutumika 21:13

Sono wangwamuka Paulo, “Muchitanji, kuliya ndi kuswa mtima wangu? Chifukwa ine nde wakurongosoleke kwachimangika pe cha, kweni so kufwiya mu Yerusalemu pa chifwa cha zina la Ambuya Yesu.”

Machitidu gha Ŵakutumika 4:31

Ndipo ŵati ŵaromba, ghanguyaghayika malo mwenimo ŵanguwungana ndipo ŵanguzazika wose ndi Mzimu Wakupaturika, ndipo ŵarongoronga mazu ghaku Chiuta ndi chiganga.

ŴaRoma 12:1

Viyo ndikuŵeyereni, mwa ŵabali, chifukwa cha vyalisungu vyo vyaku Chiuta, kupereka maliŵavu ghinu sembe yamoyo yakupaturika, yamarondeka kwaku Chiuta, ndiyo uteŵeti winu wavinjeru.

ŴaRoma 5:5

ndipo chigomekezgu kuti chilengeska cha; pakuti chanju cho chaku Chiuta chasapatiskikiya mu mitima yidu mwa Mzimu Wakupaturika, yo wapaskika kwaku ifwe.

ŴaRoma 6:13

Ndipo viŵaru vinu mungavipereka cha ku ulakwi nge ndi vitataliru vya uwura-urunji; kweni mujipereke kwaku Chiuta, nge mbamoyo ku ŵakufwa, ndi viŵaru vinu nge ndi vitataliru vya urunji kwaku Chiuta.

ŴaRoma 6:19

Ndikamba nge ndi munthu pa chifukwa cha udomboto wa liŵavu linu; chifukwa uli ndimo mungupereke viŵaru vinu nge mbaŵanda ku ukazuzi ndi ku uchikana-marangu kuya ku uchikana-marangu, viyo sono viperekeni viŵaru vinu nge mbaŵanda ku urunji kuya ku kupaturika.

ŴaRoma 8:19

Pakuti chilereze chakunweka cha ulengi chilindizga kuvumbulika kwa ŵana ŵaku Chiuta.

ŴaRoma 9:33

uli ndimo kwalembeke, “Awonani, ndiŵika mu Zioni mwa wachiguŵisku ndi jarawe la chiwiska: ndipo yo ngwakuvwana paku iyo kuti walengeskekenge cha.”

1 ŴaKorinte 15:31

Ndirapa mu kujikuzga ko ndenako mwinu mwa ŵabali, ndiko nde nako mwaku Kristu Yesu Ambuyafwe.

1 ŴaKorinte 6:20

chifukwa mungugulika ndi mtengu. Viyo mkankhuskiyeni Chiuta mu liŵavu linu.

1 ŴaKorinte 7:34

ndipo likondwa lake ligaŵikana. Viyo munthukazi nayo wakuŵirwa wapambana ndi mbeta. Yo ngwambura kuŵirwa wakweŵeke vya Ambuya, alinga kuti waŵe wakupaturika mu liŵavu ndi so mu mzimu: kweni yo ngwakuŵirwa wakweŵeke vya charu, mo wangakondweske mrumi wake.

2 ŴaKorinte 10:8

Chifukwa chingana ndingajikuzga kamanavi ukongwa pa mtufu widu wo wakutipaska Mbuya kwachizenge imwe, kwachimudengenduwani cha, kuti ndingakanyara cha.

2 ŴaKorinte 3:12

Viyo pakuŵa ndi chigomezgu chaviyo, tikamba ndi chiganga chikuru,

2 ŴaKorinte 4:10

nyengo yose tipinga mu liŵavu nyifwa yaku Yesu, alinga kuti umoyo so nawo waku Yesu ulongorekenge mu liŵavu lidu.

2 ŴaKorinte 5:15

ndipo chifukwa chaku wose wangufwiya, alinga kuti wo mbakuŵa ndi umoyo ŵangajijariya ŵija so cha, kweni mweniyo pa chifukwa chawo wangufwa ndi kuyuka so.

2 ŴaKorinte 7:14

Pakuti asani kwaku iyo ndatumbwiyapo kakuti pa chifukwa chinu, kuti ndalengeka soni cha; kweni uli ndimo tingumkambiyani vyose mu uneneska, viyo so chitumbwa chidu cha paurongo paku Tito chaŵa chakuneneska.

2 ŴaKorinte 7:4

Nde nacho chigomezgu chikuru kuchiri kwinu, kujikuzga kwangu nkhukuru paku imwe; ndazara sangarusku. Ndifurwa ndi chimwemwe mu suzgu yidu yose.

ŴaFilipi 1:14

ndipo urapasi wa ŵabali ŵakugomekezga mu Mbuya pa chifukwa cha magoŵa ghangu ŵasoke kali muchanya kukamba mazu ghaku Chiuta kwambura wofe.

ŴaFilipi 2:17

Ndikweni, nanga ndipungulikiya pa chisopu ndi uteŵeti ukhovu wa chivwanu chinu, ndikondwa, ndipo ndikondwere ndi imwe mose.

ŴaKolose 1:24

Sono ndikondwere mu malikomwa ghangu ghapa chifukwa chinu, ndipo mu liŵavu langu ndifiskiyamo vyakupere vya suzgu yaku Kristu pa chifukwa cha liŵavu lake, lenilo ndi eklesiya lo.

1 ŴaTesalonika 5:23

Ndipo mweneko Chiuta wa chimangu wakuphotoni kosekose; ndipo mzimu winu ndi vinjeru vinu ndi liŵavu visungike vizirima, kwambura kalema pa chiwoneka cha Ambuyafwe Yesu Kristu.

1 Petro 4:16

Kweni asani wakomwa uli ndi mkristu, wareke kuŵa wasoni; kweni wakankhuske Chiuta mu zina lenili.

1 Yohane 2:28

Ndipo sono, mwatwana twangu, jaririyani mwaku iyo, alinga kuti, wachiwoneka, tiŵe ndi chigomezgu ndi kulengeka lilengu cha paurongo pake, pa uzi wake.