ŴaEfeso 5:3 - Tonga Bible 1986

³ Kweni kungazumbulika mwinu cha chingana mbureŵi, chingana mbukazuzi wose, chingana nchiŵinu, uli nkhwakwenere ŵakupaturika;

ŴaEfeso 5:3 ပူးပေါင်းရင်းမြစ်များ

Sumu 10:3

Pakuti muheni watijikuzga mu makhumbo gha mtima wake, ndipo munthu wa mbunu ndi chanduwu wanyoza ndi kutuka Ambuya.

Sumu 119:36

Mtima wangu urazge ku visimisimi vinu, kwakuruska kukwanduwa usambasi.

Chituwa 18:21

Ndipo iwe usankhemo wanthu mukati mwaku wose, ŵeniwo ŵatopa Chiuta, ŵanthu wo mba magomekezgeka ndi wo ŵatinkha vinda. Uŵamike ŵanthu ŵaviyo kuŵa ndi mtufu pa ŵanthu kuŵa ŵeruzgi ŵa vikwi, ŵamachumi pe chumi, ŵamachumi ghankhonde ndi ŵachumi limoza.

Chituwa 20:17

“Ungaŵiniwanga nyumba ya munyako; ungaŵiniwanga muwoli wa munyako, pamwenga wachitu wake munthurumi, pamwenga wanchitu wake munthukazi, pamwenga ng'ombe yake, pamwenga mbunda yake, pamwenga kanthu ke kose ka munyako.”

Chituwa 23:13

Phwereni vyose vyo ndakamba namwe; ndipo mungazumbuwanga mazina gha ŵachiuta ŵanyake cha, chingana nkhughazomerezga kuvwika mu mlomo winu cha.

Nthanthi 28:16

Mweruzgi mweniyo walivi kuwamongwakuyuzga ndi nkhaza; kweni mweniyo watinkha chanduwu chizira urunji wandaniskenge mazuŵa ghake.

Yeremiya 22:17

Kweni iwe wendi maso ndi mtima ivi vyakuchitiya chanduwu chakupusika waka, pakudiska ndopa zambura kalema, ndi pakuchita vya kusuzga ndi chiwawa.”

Yeremiya 6:13

“Pakuti kwamba ku mumana kwachifika ku mura wawo, we yose ndi msusi chifukwa cha chanduwu chakupusika; ndipo kutuwa ku mchimi mpaka ku mzukuru we yose wachita kwakupusika.

Yeremiya 8:10

Chifukwa cho ndipaskenge kuŵanyake ŵawoli ŵawo, ndi minda yawo ku ŵakuŵathereska, chifukwa kwamba ku wakumariya kufika ku mura wakuruska we yose ndi msusi chifukwa cha chanduwu chakupusika; kutuwa ku mchimi kufika ku mzukuru, we yose wachita kwakupusika.

Ezekiele 33:31

Ŵatuza kwaku iwe nge ndimo ŵanthu ŵaziya, ndipo ŵaja paurongo pako nge mbanthu wangu, ŵatuvwa vyo iwe ukamba, kweni kuti ŵakavichitanga cha; pakuti ndi milomo yawo ŵarongo chanju chikuru, kweni mitima yawo yikukho mu chanduwu chawo.

ŴaLevi 15:18

Nanga ndi munthukazi yo wagona ndi munthurumi wakukoza upafi, wose ŵaŵi ŵasambe mu maji, ndipo ŵaŵange ŵakukazuzgika mpaka mazulo.

Mika 2:2

Ŵakhumbira minda, ŵayironda; ndi nyumba ŵazironda; ŵasuzga munthurumi ndi mbumba yake; munthurumi ndi chihara chake.

Maŵerengedu 25:1

Wachija Yisraele mu Shitimu ŵanthu ŵangwamba kuseŵe ndi ŵana ŵanthukazi ŵa Moabu.

Mateyu 15:19

Chifukwa mu mtima mutuliya maghanaghanu ghaheni, zimbanda, maureŵi, mauyaya, maunkhungu, visimisimi vitesi, matuka.

Luka 12:15

Ndipo wanguti kwaku wo, “Mucheŵe ndi muchwe ku mbunu yose: pakuti umoyo wa munthu kuti uŵiya mu ufurwi waku vyo we navyo cha.”

Luka 16:14

Ndipo vyenivyo vyose ŵavwanga ŵaFarisi wo mbamwanja ndrama; ndipo ŵanyumbanga.

Machitidu gha Ŵakutumika 15:20

kweni kuti tilembe kwaku wo kalata wakuti ŵajitinthe ku vyaukazuzi vya ŵangoza, ndi ku uyaya, ndi ku vyakuphuphunyuka, ndi ku ndopa.

Machitidu gha Ŵakutumika 20:33

Kuti ndaunukiya cha siliva, pamwenga golide, pamwenga chivwaru cha munthu yumoza.

ŴaRoma 1:29

pakuzazika iwo ndi uwuraurunji wose, uheni, bina, nkhaza; pakuzara chiŵinu, mbanda, ndeu, fuzi, kapimidu kaheni; ŵamtokutoku,

ŴaRoma 16:2

kuti mumronde mu Mbuya, kwakwenere ŵakupaturika, ndi kuti mumovye mu chinthu chose chenicho wangapempha imwe; pakuti iyo nayo waŵa movya wa ŵanandi, ndi waku ine ndamweni.

ŴaRoma 6:13

Ndipo viŵaru vinu mungavipereka cha ku ulakwi nge ndi vitataliru vya uwura-urunji; kweni mujipereke kwaku Chiuta, nge mbamoyo ku ŵakufwa, ndi viŵaru vinu nge ndi vitataliru vya urunji kwaku Chiuta.

1 ŴaKorinte 10:8

Ndipo tingaŵanga ŵareŵi cha, uli ndimo ŵanyake ŵaku wo ŵanguchitiya ndipo mu zuŵa limoza viguŵa vikwi machumi ghaŵi ndi vitatu.

1 ŴaKorinte 5:1

Nadidi kuvwika kuti mwinu mwe ureŵi; ureŵi wakuti chingana ndi mu ŵamtundu kuti ulipo wa viyo cha, kuti munthu walakwenge ndi muwoli wa awiske!

1 ŴaKorinte 6:13

“Vyakurgha vikuŵiyako chifukwa cha rufu, ndi rufu chifukwa cha vyakurgha”: kweni Chiuta wakamaranga ilo ndi ivyo so. Kweni liŵavu kuti nda ku ureŵi cha, kweni ku Ambuya; ndi Ambuya ku liŵavu.

1 ŴaKorinte 6:18

Uthaŵeni ureŵi wo, chakulakwa chose cho wangachita munthu che kubwaro ku liŵavu; kweni yo ngwakureŵa walakwiya liŵavu laku yija.

2 ŴaKorinte 12:21

Nditopa kuti vinu, ndichiza so ine, Chiuta wangu wangandiyuyuska paurongo pinu, ndipo ndingatenjere ŵanandi ŵaku wo ŵalakwa kali, ndi ŵandajipezge pa chifukwa cha ukazuzi wo ndi ureŵi ndi uyaya wo ŵanguchita.

ŴaEfeso 5:12

chifukwa nkhwalilengu chingana nkhukamba vyenivyo vichitika nawo mu ubisibisi.

ŴaEfeso 5:5

Chifukwa namwe muziŵiska chenichi, kuti chingana ndi mureŵi yose, chingana ngwawiyu, chingana ngwachiŵinu, yo ndi msopangoza, walive chihara mu ufumu waku Kristu ndi Chiuta.

ŴaFilipi 1:27

Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

1 ŴaTesalonika 4:3

Chifukwa khumbo laku Chiuta ndenili, kutozgeka kwinu nkhwakuti mujitintheko ku ureŵi:

1 ŴaTesalonika 4:7

Chifukwa Chiuta kuti wangutidaniya ku wiyu cha, kweni ku upaturika.

1 Timote 2:10

kweni (chenicho chitenere ŵanthukazi wo ŵazomerezga uwopa Chiuta) ndi nchitu zamampha.

1 Timote 3:3

wabwawatu cha, wambembe cha; kweni mpovu, wambura lisonji, mwanja ndrama cha;

1 Timote 6:10

Chifukwa kwanja ndrama ndi msisi wa mauheni ghose; pakutambazukiya chenicho ŵanyake ŵarandizgika nacho kutuwako ku chivwanu cho, ndipo ŵakoreka ndi soni zinandi.

2 Timote 3:2

Chifukwa paŵengepo ŵanthu ŵakujanja, ŵakwanja ndrama, ŵakujiŵikamu, ŵakujikuzga, ŵakutondowo, ŵakutafuliya ŵapapi ŵawo, wambura kuwonga, ŵambura ukhovu, ŵazira chanju chakawi,

Tito 1:11

Watenere kusunamiskika; ŵeniwo ŵabwanganduwa chivwanu cha nyumba zamphumphu, pakusambizga vyambura kwene chifukwa cha chanduka chasoni.

Tito 1:7

Chifukwa mlereze watenere kuŵa wambura masumulika, wachiwawa cha, wambembe cha, mwanduzi vyasoni cha;

Tito 2:3

makhongwe nagho kwakulingana ghaŵe ghaulemu mu kajaridu, ghakuparamula cha, chingana ngaŵanda ku vinyo linandi cha, ghakusambizga vyamampha:

ŴaHebere 12:16

vinu wangaŵapo mureŵi yumoza, pamwenga wawaka ngendi Esau, mweniyo pa mtanda umoza wa chakurgha wanguguriska ura wake.

Yoswa 7:21

Po ndinguti ndawona mu vyakuskoŵa saru yakujeduka yakutuwa ku Shinara ndi ndrama machumi pe chumi ghaŵi (200) za siliva, ndi barunga la golide la uzitu wa myeso machumi ghankhonde (50) gha shekelo, ndinguvikhumbira; ehe, ndikuviwundiya pasi mu hema langu siliva we kusi kwake.”

1 Petro 5:2

liskani muskambu waku Chiuta wo we mwinu, pakuulereze kwakupemberezgeka cha, kweni kwakukhumba, kwakuyana ndi kukhumba kwaku Chiuta; kwaupiripiri nako cha, kweni kwaphamphu;

2 Petro 2:10

kweni ukongwa wo mbakwende mu nyama mu ulakalaka wa ukazuzi, ndi mbakuyuyuwa mtufu. Ŵachiganga wo, ŵakajivwiyi, ŵalive chitenthe ŵachinanga pa vyaunkhankhu:

2 Petro 2:14

Pakuŵa ndi maso ghakuzara urowozi, ghambura matunika mu ulakwi; pakuŵa ndi mtima wakutakatakiya mbunu, ŵanyengere mizimu yakuyaghayika.

2 Petro 2:3

Ndipo mu chiŵinu ndi mazu ghafuzi ŵakachitiyanga mwinu chanduku; chisusa paku ŵeniwo kutuliya ku mwaka chiura kukotoka, ndi wanangiku wawo uwura kugompho.

Chivumbuzi 2:14

Kweni nde navyo vyawida kukususka iwe pakuti we nawo kweniko ŵanyake wo ŵakoreska chisambizgu cho chaku Balamu, yo wangusambizga Balaki kupong'a chiguŵisku paurongo pa ŵana ŵaku Yisraele, kurgha vinthu vyakubayikiya vyangoza, ndi kuchita ureŵi.

Chivumbuzi 2:21

Ndipo ndingumpaska nyengo yakuti wang'anamuke; ndipo kuti wakhumba cha kung'anumuka, kutuwako ku ureŵi wake.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

Chivumbuzi 9:21

ndipo kuti ŵangubezga cha ku maumbanda chingana nkhu vyanusi, chingana nkhu ureŵi, chingana nkhu maunkhungu ghawo.

1 Samuele 8:3

Kweni ndipuuli ŵana ŵake kuti ŵangwenda mu nthowa zake cha, ŵangupatukiya ku chanduwu chiheni ŵanguronde vimbundi ndipo ŵangutimbanizga kweruzga.