ŴaEfeso 2:3 - Tonga Bible 1986

³ mukati mwaku ŵeniwo nafwe so tingujijariya tose mu maulakalaka gha liŵavu lidu, ndi kutataliya makhumbu gha liŵavu ndi maghanaghano, ndipo taŵanga mu kaŵiru ŵana ŵachikaralizga, nge mbakujapo nawo:

ŴaEfeso 2:3 ပူးပေါင်းရင်းမြစ်များ

Chiyambo 5:3

Penipo Adamu wanguŵa wa virimika machumi pe chumi pachanya machumi ghatatu (130) wangupapa mwana munthurumi wakukozgana nayo, wachikozgu chake, ndi wangumudana zina Sete.

Chiyambo 6:5

Ambuya anguwona kuti utimbanizi wa munthu wenga ukuru mu charu ndiso mateskedu ghose gha maghanaghano gha mu mtima ghenga ghaheni pe nyengo zose.

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

Jobu 14:4

Ndiyani wangato chinthu chakutowa mukati mu chinthu chakufipa? Palivi nanga njumoza.

Jobu 25:4

Munthu wangaziŵa uli kuŵa murunji pa maso paku Chiuta? Wangaziŵa uli yo ngwakupapika ndi munthukazi kuŵa wakuphotoka?

Sumu 51:5

Ehe, mu kubende ndingulengeka, ndipo mu kwananga wangundizuwukiya ama.

Yesaya 53:6

Tose nge ndi mberere taranda; tang'anamukiya yumoza ndi yumoza ku nthowa yake; ndipo Ambuya ayirika paku iyo mauheni ghaku ifwe tose.

Marko 4:19

Kweni chifukwa cha maghanaghano gha mgonezi wo, ndi fuvyu la usambasi, ndi makhumbiro gha vinthu vinyake ghakuseremu, sono vighafinyirizga mazu, ndipo ghatuwa ghazira vipasi.

Yohane 1:13

wo ŵangupapika, ku kaŵiro ka kunthu cha pamwenga ko khumbo la munthu, kweni kwaku Chiuta.

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

Machitidu gha Ŵakutumika 14:16

mweniyo mu migonezi yaruta wanguyileka mitundu yose kukamu mu mendedu ghaku yija.

ŴaRoma 1:24

Chifukwa chenichi Chiuta wanguŵapereka ku ukazuzi mu maulakalaka gha mitima yawo kuti ŵayuyuwe maliŵavu gha ŵeneko;

ŴaRoma 11:30

Chifukwa kwakulingana ndi mo kali imwe mungumtafuliya Chiuta, kweni sono mwachitikiya lisungu mu mtafu wawo viyo iwo nawo sono ŵatafula,

ŴaRoma 13:14

Kweni vwarani Ambuya Yesu Kristu ndi mungaghanaghaniya ku vyaliŵavu cha, kwachifuska maulankhasi ghake.

ŴaRoma 2:14

Chifukwa penipo ŵaMitundu pakuŵavi chilangulu ŵachita vya chilangulu kwaku iwo ŵeneko;

ŴaRoma 5:10

Chifukwa asani, tenga teche ŵamawongu, tingwanjaniskikiya kwaku Chiuta mu nyifwa ya Mwana wake, ukongwako, taŵakwanjaniskika titaskikenge mu umoyu wake.

ŴaRoma 5:9

Ukongwa viŵi, tati tarunjiskikiya sono mu ndopa zake, titaskikenge ku kandundu ko ndi iyo.

ŴaRoma 6:12

Viyo ulakwi ureke kuwusa mu liŵavu linu lachifweni, kuti muvwiye maulakalaka ghake.

ŴaRoma 7:18

Chifukwa ndiziŵa kuti mwangu, ndikwesa kuti, mu liŵavu langu kuti kajamo kanthu kamampha cha: pakuti kukhumba kwe nane, kweni kuchita kamampha ko kuti kuliko cha.

ŴaRoma 9:22

Kweni na kwati asani Chiuta, chingana wakhumba kurongo kandundu kake ndi kusimikizga nthazi yake, mu kuzuzipizga kukuru wangulekerezga ŵanthu wo wangukaripa nawo ndi kuŵarongosole ku wanangiku;

1 ŴaKorinte 4:7

Chifukwa njani yo wawona kupambana kwinu? Ndipo we ndi chine iwe cho ulive kuronde? Kweni asani ukuchita kuronde, utumbwiyanji na nge kuti nchawanangwa cha?

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

ŴaGalatia 3:22

Kweni lembo lo laŵajariya wose pasi pa ulakwi, alinga kuti chipanganu cho chamu chivwanu mwaku Yesu Kristu chapaskike kwaku wo mbakuvwana.

ŴaEfeso 2:2

mwaku ghenigho mungwendayenda ulaka ndi mgonezi wa charu chenichi, kwakuzomerezgana ndi fumu ya mitufu ya mude mzimu yo sono watataliyamo mu ŵana ŵa mtafu;

ŴaEfeso 4:22

muzuwe kendedu kinu kakudanga, munthu yo wakali, yo ngwakukazuzgika kwakuyana ndi maulakalaka gha fuzi;

ŴaKolose 1:21

Ndipo imwe, mwaŵakuŵa kali ŵakugawukako ndi ŵarwani mu kaghanaghanidu, mu nchitu zinu ziheni,

1 ŴaTesalonika 4:13

Kweni kuti tikhumba cha, mwa ŵabali, kuti mureke kuziŵiyapo paku wo mbakura tulo; alinga kuti mungafwa chisungu cha, nge mbanyake nawo wo ŵalive chigomekezgu.

1 ŴaTesalonika 5:6

Viyo na tireke kura tulo nge mbanyake, kweni ticherezge ndi tizize.

1 Timote 6:9

Kweni wo mbakukhumba kusambasa ŵatuwa mu kesedu ndi chikhwiriki ndi malikhumbira ghanandi ghazereza ndi gharwani, ghenigho ghose ghabizga ŵanthu mu chipasuka ndi wanangiku.

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

1 Petro 1:14

uli mbana ŵa ŵakuvwiya kwambura kujilinganizga ndi malikhumbira ghakudanga ghamu ujira winu,

2 Petro 2:14

Pakuŵa ndi maso ghakuzara urowozi, ghambura matunika mu ulakwi; pakuŵa ndi mtima wakutakatakiya mbunu, ŵanyengere mizimu yakuyaghayika.

2 Petro 2:18

Chifukwa pakukamba vya umbughuya, ŵanyengere mu maulakalaka gha liŵavu, mu mauyaya, ŵeniwo ŵafyanthamuka pamanavi ku ŵakujariya mu urandizgi;

1 Yohane 2:16

Pakuti chose chamu charu nchilakalaka cha nyama, ndi chilakalaka cha maso, ndi chitumbwa cho cha umoyo, kuti nchakutuliya ku Dada cha, kweni nchaku charu cho.

1 Yohane 2:8

Ndipo so, ndikulembiyani dangu lifya lenilo mbuneneska mwaku iyo ndi mwaku imwe; pakuti mdima wo ukungunuka, ndipo ndi sono kungweruka kweneko kuŵala.