Tito 3:3 - Tonga Bible 1986

³ Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

Tito 3:3 ပူးပေါင်းရင်းမြစ်များ

Chiyambo 38:9

Kweni Onani wanguziŵa kuti mphapu yo kuti yikaŵanga yake cha; viyo penipo wangusere mu choko cho cha mwana munyake wangudira pasi uthurumi, kopa kuti wangamuyuskiya mphapu mwana munyake.

Chiyambo 39:16

Viyo wangusunga chivwaro chake pafupi nayo mpaka penipo mbuyake wanguwere ku nyumba,

Sumu 36:2

Chifukwa watijipusika mu maso gha mweneko, watiti uheni wake kuti ungabowozgeka ndi kutinkhika cha.

Nthanthi 8:5

Mwaŵampupuka sambirani kuphwere, mwaŵanthurumi ŵakupusa ŵikanipo mtima.

Nthanthi 9:6

Ureke uzereza, ndi uŵe wamoyo, ndipo wendenge mu nthowa ya vinjero.”

Yesaya 44:20

Waturgha chakurgha cha choto mtima wakujipusika wamurongozge kwawaka, ndipo kuti waziŵa kujipozomoska cha pamwenga kunena, “Kumbi kuti mwe utesi cha mu janja langu la marghe?”

Obadiya 1:3

Kujikuzga kwa mtima wako kwaupusika, iwe uja mu zimphanji za majarawi, wamweniwe malo ghako ghakujapo ghe pachanya, iwe mu mtima wako ukamba, “Njani wandisiskiyenge pasi pa dongo?”

Mateyu 21:29

Ndipo iyo wakwamuka wanguti, ‘Kuti ndikhumba cha’: kweni pavuli wangung'anamuka ndi wanguruta.

Luka 21:8

Ndipo iyo wanguti, “Thoŵani, mungarandizgika: pakuti ŵanandi ŵaziyenge mu zina langu, wakuti ‘Ndine’; ndipo ‘Nyengo yaŵandika.’ Mungarutanga cha kuvuli kwawo.

Yohane 8:34

Yesu wanguŵamuka, “Nadidi ndikuneneskiyani, yose wakuchita chilakwa, ndi muŵanda wachilakwa cho.

ŴaRoma 11:30

Chifukwa kwakulingana ndi mo kali imwe mungumtafuliya Chiuta, kweni sono mwachitikiya lisungu mu mtafu wawo viyo iwo nawo sono ŵatafula,

ŴaRoma 6:12

Viyo ulakwi ureke kuwusa mu liŵavu linu lachifweni, kuti muvwiye maulakalaka ghake.

ŴaRoma 6:17

Kweni wawongeke Chiuta, kuti chingana mwaŵanga ŵaŵanda ŵa ulakwi, ndikweni munguvwiya mu mtima kasambizgidu ko kakuperekeka kwaku imwe;

ŴaRoma 6:22

Kweni sono mwati mwafwatulika ku ulakwi, ndi so mwati mwaŵa ŵaŵanda kwaku Chiuta, mwe nacho chipasi chinu kuya ku kupaturika, ndi umari wa umoyo wamuyaya.

ŴaRoma 6:6

pakuziŵa chenichi, kuti unthu widu wakali ungupayikikiya pamoza nayo, alinga kuti liŵavu lo la ulakwi liwayulike, viyo kuti tireke ifwe kuŵa so ŵaŵanda ku ulakwi;

2 ŴaKorinte 12:20

Chifukwa nditopa kuti vinu ndichiza, ndingasaniya imwe nge ndimo kuti ndikhumbiya cha, ndipo ine ndingasanirika namwe nge ndimo kuti mukhumbiya imwe cha; vinu kokuli pangaŵa ndeu, sanji, vikwiya, magaukanu, kusuza, mitokutoku, matukutuku, vimtimbaheka.

ŴaGalatia 6:3

Chifukwa asani yumoza wajipima kuwa kanthu, pakuŵa kanthu cha, wajifuvya.

ŴaKolose 1:21

Ndipo imwe, mwaŵakuŵa kali ŵakugawukako ndi ŵarwani mu kaghanaghanidu, mu nchitu zinu ziheni,

ŴaKolose 3:7

mwaku vyenivyo imwe namwe mwendangamo kali, pakuŵa ndi umoyo wa mwaku vyo.

2 Timote 3:13

Kweni ŵanthu ŵaheni ndi ŵafuzi ŵakarutiriyanga ku uheni, ŵakurandizga ndi ŵakurandizgika,

2 Timote 3:6

Chifukwa mbamwaku ŵeniwo wo ŵanyete mu zinyumba, ndi ŵakole mikoli ŵanthukazi ŵakupusa ŵakuzitiskika ndi vilakwa, ŵakugumizgika ndi maulakalaka ghamtundumtundu,

Tito 1:16

Ŵazomera kuti mbakumziŵa Chiuta; kweni ndi nchitu zawo ŵatumkana, pakuŵa ŵauziya, ndi ŵamtafu, ndi ku nchitu yose yamampha ŵambura kwenere.

Tito 2:12

wakutirunguhizga kuti pakukana uwura uwopa Chiuta ndi malikhumbira gha charu, tijariyenge umoyo kwavinjeru ndi kwaurunji ndi kwauwopa Chiuta mu mgonezi wasono,

Yakobe 1:26

Asani munthu wajipima kuti ngwakusopa, wambura kutintha lilime lake kweni wakufuvya mtima wake, chisopa chaku mweniyo nchawaka.

1 Petro 1:14

uli mbana ŵa ŵakuvwiya kwambura kujilinganizga ndi malikhumbira ghakudanga ghamu ujira winu,

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

Chivumbuzi 13:14

Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.

Chivumbuzi 18:2

Ndipo wangukambura ndi mazu ghaunkhankhu watinge, “Wawa! Babiloni mukuru yo, wawa! Wasanduka uja wa ŵademone, ndi linga la mzimu wose wawiyu, ndi mphaku ya chiyuni chose chamwikhu ndi chakutinkhika!