Tito 3:2 - Tonga Bible 1986

² kuphara munthu yumoza cha, kuŵa ŵaziralisonji, ŵaroŵevu, ŵakurongo upovu wose ku ŵanthu wose.

Tito 3:2 ပူးပေါင်းရင်းမြစ်များ

2 Samuele 22:36

Imwe mwawa nguru ya kundivikiriya, ndipo chovyu chinu chandikuzga ukongwa.

Sumu 140:11

Wo ŵasuska ŵanyawo kwa utesi nawo ŵasuskike; mphurupuru yimusake ruŵi munthu wa nkhaza.

Nthanthi 19:19

Munthu wakukalipa ukongwa wakalipanga thumba; pakuti asani mutimuleka, mukawerezganga kuchichita.

Nthanthi 25:24

Nkhwamamphaku kuja pa chingodya cha nyumba pachanya kwakuruska mu nyumba yakujamo ndi munthukazi wakuŵereŵeta-ŵereŵeta.

Nthanthi 6:19

kaboni mutesi mweniyo watuzga mautesi, ndi munthu mweniyo wakhuŵizga zindeu pakati pa ŵabali.

Yesaya 40:11

Wakaliskanga muskambu wake nge ndi mliska, wakuwunjikanga twana mberere mu manja ghake wakutunyamuwanga pa chifukwa chake, ndipo wenguwengu wakarongozganga zo zendi ŵana.

Mateyu 11:29

jitoleni pinu goŵa langu, ndi sambirani kwaku ine; pakuti ndine mpovu ndi wakujiyuyuwa mu mtima: ndipo musaniyenge chipumulu ku mizimu yinu.

Machitidu gha Ŵakutumika 23:5

Ndipo Paulo wanguti, “Ndengavi kuziŵa, mwa ŵabali, kuti ndi mzukuru mura: chifukwa kwalembeka, ‘Ungakambanga uheni pa cheruzga wa khamu lako cha.’ ”

1 ŴaKorinte 6:10

chingana mbakupoka, chingana mbachipanira, kuti ŵakaharanga ufumu waku Chiuta cha.

1 ŴaKorinte 9:19

Chifukwa pakuŵa mwanangwa kwaku wose, ndajisanduska muŵanda kwaku wose, alinga kuti ndanduwe ŵanandi.

2 ŴaKorinte 10:1

Kweni mu ukhovu ndi mu umampha waku Kristu ndikuŵeyereni ine, nda Paulo, ndawakujiyuyuwa pa maso pinu, kweni pakuŵa kunyake nda wakujitunthwa paku imwe;

2 ŴaKorinte 12:20

Chifukwa nditopa kuti vinu ndichiza, ndingasaniya imwe nge ndimo kuti ndikhumbiya cha, ndipo ine ndingasanirika namwe nge ndimo kuti mukhumbiya imwe cha; vinu kokuli pangaŵa ndeu, sanji, vikwiya, magaukanu, kusuza, mitokutoku, matukutuku, vimtimbaheka.

ŴaGalatia 5:22

Kweni chipasi cha Mzimu nchanju, chimwemwe, chimangu, chilekerezga, ulemu, umampha, ukongorekwa,

ŴaGalatia 6:1

Mwaŵabali, asani munthu wakoreka mu ubudi wakuti e, imwe mwa ŵamzimu munyoroskeni waviyo mu mzimu wa upovu, pakujithoŵa wamweni, vinu nawe so ungeseka.

ŴaGalatia 6:10

Viyo na, mo titiri ndi nyengo, tichitiyenge kwaku wose cho nchamampha, ukongwa kuŵa nambumba ŵa chivwanu.

ŴaEfeso 4:2

ndi uzimbwa wose ndi upovu, ndi chilekerezga, pakukunthiriyana mu chanju;

ŴaEfeso 4:31

Kurunda kose, ndi chikwiya, ndi kandundu, ndi gazamu, ndi utusi, vituzgikeko kwinu, pamoza ndi uheni wose:

ŴaFilipi 4:5

Kuzika kwinu kuziŵikwe ku ŵanthu wose. Ambuya ŵe kufupi.

1 ŴaTesalonika 2:7

Kweni tinguŵa ŵapovu mukati mwinu, nge ndimo mlezi wapakati ya ŵana ŵapa mtima wake.

1 Timote 3:11

Kwakulingana so ŵanthukazi ŵakaŵanga ŵakongorekwa, ŵakuparamula cha, ŵamkanavinyo; ŵamagomekezgeka mwaku vyose.

1 Timote 3:3

wabwawatu cha, wambembe cha; kweni mpovu, wambura lisonji, mwanja ndrama cha;

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

Yakobe 4:11

Munganenana cha, mwa ŵabali. Mweniyo wasuza mbali, pamwenga wateruzga mbali wake, wasuza dangu, ndi wateruzga dangu: kweni asani uteruzga dangu, kuti we mchita wa dangu cha, kweni mweruzgi.

1 Petro 2:1

Viyo, pakujizuliya uheni wose, ndi urghargha wose, ndizifuzi, ndi viŵinu, ndi masuzgu ghose,

1 Petro 3:10

Chifukwa, “Yo watanja umoyo, ndi wakhumba kuwona mazuŵa ghamampha, warekeske lilime lake ku uheni, ndi milomo yake kuti yingaŵereŵeta cha urghargha;

1 Petro 3:8

Ndipo pakumariya, mose muŵe ŵakuyana mumtima, ŵakuvwiyapo pamoza, ŵakwanja ŵabali, ŵa chitima chamampha, ŵa mitima yakujiyuyuwa;

1 Petro 4:4

Paku chenichi ŵazizwa, chakuti mureka kuchimbiriyamo pamoza nawo mu mauheni gha utayisi, ndipo ŵampikisani,

2 Petro 2:10

kweni ukongwa wo mbakwende mu nyama mu ulakalaka wa ukazuzi, ndi mbakuyuyuwa mtufu. Ŵachiganga wo, ŵakajivwiyi, ŵalive chitenthe ŵachinanga pa vyaunkhankhu:

Yuda 1:10

Kweni yaŵa ŵanthu mbakutuka vyenivyo vyose ŵalivi kuziŵa; ndipo vyenivyo vyose ŵawamo kwakawi, nge ndi vyamoyo vyambura vinjeru, mwaku vyenivyo ŵanagikiya.

Yuda 1:8

Kweni kwakukozgana nako ŵakulota yaŵa nawo ŵakazuzga liŵavu, ndipo ŵayeya mazaza, ndi kutuka maunkhankhu.