Tito 2:2 - Tonga Bible 1986

² kuti madoda ghaŵe ghamkana vinyo, ghaziza, gha vinjeru, ghakhome mu chivwanu, mu chanju, mu unkhunthiya:

Tito 2:2 ပူးပေါင်းရင်းမြစ်များ

Jobu 12:12

Vinjeru vye ku ŵara ndi mu unandi wa mazuŵa mwe vinjeru.

Sumu 92:14

Ŵapasa upasiya vipasi ndi mu ukhongwe wawo, nyengo yose mbakubiriŵira ndi ŵanthazi.

Nthanthi 16:31

Mutu wa nyivu nchisoti chaunkhankhu; chandukiya mu umoyo wa urunji.

Yesaya 65:20

Kuti mukawonekanga so litema lakuja lamoyo mazuŵa ghamanavi cha muwa, pamwenga khongwe lambura kufiska mazuŵa ghake, pakuti mwana wakafwanga wachiŵa mura wa virimika machumi pe chumi, ndipo muheni wa ura wa virimika machumi pe chumi wakaŵanga wakutembeka.

ŴaLevi 19:32

“Muperekenge ulemu ku khongwe la nyivu, mutumbikenge ŵanthu ŵara, ndipo mopenge Chiuta winu, Ndine Ambuya.

Marko 5:15

Ndipo ŵanguza kwaku Yesu, ŵangumuwona wademone yo wakuja ndeku pasi, wakuvwara ndi wakuŵa ndi zeru, mweniyo wenga liŵanja: ndipo wangopa.

Luka 8:35

Ndipo ŵangutuliya kwachiwona chakuŵapo cho ndipo ŵanguza kwaku Yesu, ndipo ŵangumsaniya munthu mwaku mweniyo ŵademone ŵangutuwa, wakuja pasi, wakuvwara ndi wavinjeru, pa marwayo ghaku Yesu; ndipo ŵangopa.

Machitidu gha Ŵakutumika 24:25

Kweni wachipokoto iyo vyapa urunji, ndi kujitintha ndi cheruzgu cho chikazanga, Feliko wangumbwambwantha, ndi wangwamuka, “Sono rutanga; ndipo ndichiŵa ndi nyengo, ndamkukudana.”

ŴaRoma 12:3

Chifukwa, ku wezi wakupaskika kwaku ine, ndimunene munthu yose wamwaku imwe, wareke kujipima kwakuruska po watenere kupimiya; kweni kupima kwakuziza, nge ndimo Chiuta wagaŵiya yose, yumoza ndi yumoza, chigaŵa cha chivwanu.

1 ŴaKorinte 15:34

Yukiyani ku urunji, ndi kuti mungalakwa cha; chifukwa ŵanyake mbajira mu kumuziŵa Chiuta; ndikamba namwe ichi alinga kuti mulengeke lilengu.

1 ŴaKorinte 9:25

Ndipo yose wakulimbalimbiya mu maseŵero wajitintha mwaku vyose. Wachita viyo mwakuti waronde ndumbu yakuvunda; kweni ifwe njambura kuvunda.

2 ŴaKorinte 5:13

Chifukwa asani tiwoneka nge tifuntha, nchifukwa cha mlimu waku Chiuta; ndipo asani tiziza, nkhwaku imwe.

ŴaGalatia 5:23

upovu, kujitintha; dangu lakukanizga vyaviyo palive.

ŴaFilipi 4:8

Pakumariya, mwa ŵabali, vyo vyose vyakuneneska, vyo vyose vyavitumbiku, vyo vyose vyakurunjika, vyo vyose vikhovu, vyo vyose vyamanjika, vyo vyose vyamarumbika; asani kwe umampha, wakuti, ndipo asani kwe thamu lakuti, pimani ndi vyenivyo.

1 ŴaTesalonika 5:6

Viyo na tireke kura tulo nge mbanyake, kweni ticherezge ndi tizize.

1 ŴaTesalonika 5:8

Kweni ifwe, taŵakuŵa ŵa msana, tizize, taŵakuvwara chivekeru chapa chifuŵa cha chivwanu ndi chanju, ndi nge nchapa mutuchigomekezgu cha chipozomosku.

1 Timote 1:10

ŵareŵi, ŵakura ndi ŵanthurumi, ŵachivwamba, ŵatesi, ŵakurapa kwautesi, ndi kose kanyake asani kamikirana ndi chisambizgu chizirima;

1 Timote 1:14

ndipo ungufurwiya ukongwa wezi wo wa Ambuyafwe pamoza ndi chivwanu ndi chanju chamwaku Kristu Yesu.

1 Timote 1:2

kwaku Timote, mwana wangu mweni-mweni mu chivwanu: wezi, lisungu, chimangu, vyakutuliya kwaku Chiuta Dada ndi Kristu Yesu Ambuyafwe.

1 Timote 1:5

Kweni kamaridu ka chilangulu chonchanju chakutuwa ku mtima ukhovu ndi njuŵi yamampha ndi chivwanu chambura fuzi:

1 Timote 3:11

Kwakulingana so ŵanthukazi ŵakaŵanga ŵakongorekwa, ŵakuparamula cha, ŵamkanavinyo; ŵamagomekezgeka mwaku vyose.

1 Timote 3:2

Viyo kutenere mura kuŵa wambura kalema mrumi wa munthukazi yumoza, mkanavinyo, wakujitintha, mkongorekwa, mwanja ŵalendo, warwana kusambizga;

1 Timote 3:4

wakweruzga umampha nyumba yaku yija, wakuŵa nawo ŵana mu chithera ndi uziza wose;

1 Timote 3:8

Kwakulingana nako ŵateŵeti ŵakaŵanga ŵakongorekwa, ŵa malilime ghaŵi cha, ŵakumwa vinyo cha, wanduzi vyasoni cha,

1 Timote 5:1

Ungachenyanga cha mura, kweni mchiskenge nge ndi usu; ŵamanako nawo nge mbabali,

Tito 1:13

Chisimisimi chenichi nchakuneneska. Pa chifukwa chenicho ŵapanikizge kwakuchenya, alinga kuti ŵakhome mu chivwanu.

Tito 1:8

kweni mwanja-ŵalendo, mwanja umampha, wa vinjeru, murunji, mkhovu, wakujitintha;

Tito 2:7

mwaku vyose ŵakujirongo chandiru cha milimu yeneko; mu sambizgu lo, ŵakurongo uwurachivuzi, uziza,

Filemone 1:9

ukongwa chifukwa cha chanju ndiŵeyere nda Paulo, mura yo, ndi sono wamagoŵa so waku Kristu Yesu:

1 Petro 1:13

Chifukwa chenichi pakujichinyiya mu vionu vya vinjeru vinu, zizani ndi gomekezgiyani limu kwaumari pa wezi wo utolekiyenge kwaku imwe pa uvumbuzi waku Yesu Kristu;

1 Petro 4:7

Kweni umari waku vyose waŵandika: viyo muŵe ŵavinjeru, ndipo ziziyani ku marombu.

1 Petro 5:8

Zizani, khazgani: diaboloyo, mphindikwa yinu, uli ndi nkharamu yakukoroma, wayingayinga ndi kupenja mweniyo wakamphe.

2 Petro 1:6

ndi mu mziŵiru wo kujitintha, ndi mu kujitintha ko unkhunthiya, ndi mu unkhunthiya wo uwopa Chiuta,